Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петров Константин Константинович

РУВИКИ-ре ҫак хушаматлӑ ытти ҫынсем пирки те статьясем пур: Петров.

Петров Константин Константинович (1924 ҫулхи акан 1-мӗшӗ, Пимĕрçел, Пăва кантонĕ, Тутар Автономиллĕ Социализмла Совет Республики, Раççей Федерациллĕ Социализмлă Совет Республики, СССР — 2007 ҫулхи чӳкӗн 2-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — чӑваш ҫыравҫи, журналист, публицист, филологи ӑслӑлӑхӗсен кандидачӗ (1968), СССР Писательсен союзӗн пайташӗ (1976), СССР Журналистсен союзӗн пайташӗ (1957), Чӑваш Республикинчи журналистсен пӗрлӗхӗн Ҫемен Элкер ячӗллӗ премийӗн (1990) тата Н. В. Никольский ячӗллӗ премийӗн (2005) лауреачӗ, Чӑваш Республикин тава тивӗҫлӗ культура ӗҫченӗ (1994)[1].

Пурнăçĕпе ӗҫӗ-хӗлӗ

1924 ҫулхи ака уйӑхӗн 1-мӗшӗнче Тутар АССРӗн Пӑва кантонӗн Чӑваш Пимӗрсел (халӗ Тутастан Республикин Пӑва районӗ) ялӗнче ҫуралнӑ[2].

Чӗмпӗр чӑваш педагогика училищинчен (1941), Мускаври парти аслӑ шкулӗн журналистика уйрӑмӗнчен (1958) вӗренсе тухнӑ. 1941—1942 ҫулсенче учитель пулса ӗҫленӗ. 1942—1945 ҫулсенче Хӗрлӗ Ҫарта хӗсметре тӑнӑ, чукун ҫул ҫинче юсав рабочийӗ, техник тата кадрсен пайӗн пуҫлӑхӗ пулнӑ[2].

1946—1963 ҫулсенче — «Тутар АССР» (Тутар АССР) чӑвашла хаҫат редакцийӗнче вӑй хунӑ. 1963—1984 ҫулсенче Хусан патшалӑх университетӗнче: аслӑ преподаватель, журналистика кафедрин доценчӗ.

1984 ҫулта Шупашкара куҫса килнӗ. 1984—1990 ҫулсенче — И. Н. Ульянов ячӗллӗ Чӑваш патшалӑх университечӗн чӑваш литературин кафедрин доценчӗ, 1990 ҫултан — И. Н. Ульянов ячӗллӗ Чӑваш патшалӑх университечӗн журналистика кафедрин доценчӗ. Университетра журналистика факультетне йӗркелекенсенчен пӗри.

Чӑваш журналистикине, чӑваш ҫыравҫисен — Юрий Сементер, Ҫеҫпӗл Мишши, Алексей Талвир, Николай Ытарай, Тайӑр Тимкки тата ыттисем — пултарулӑхне тӗпченӗ. «Возникновение и развитие чувашской журналистики», «Чӑваш журналистикинчи жанрсем», «История чувашской журналистики», «Хыпар никӗслевҫи» тӗпчев ӗҫӗсен авторӗ[1].

Илемлӗ литературӑра ӗҫленӗ, «Айплисемсем», «Асамлӑ сӑмах», «Лина», «Сенкер ҫӑлтӑр», «Ҫӗкленӳ», «Тайӑр», «Юратупа наркӑмӑш» тата ытти кӗнекесен авторӗ. А. Николаев космонавт, Тайӑр Тимкки, Ҫеҫпӗл Мишши ҫинчен биографи-романсем ҫырнӑ. Литература журналӗсенче: «Ҫӗнӗ арӑм» роман, «Уҫлӑхри улӑп», «Ҫылӑх каҫарттарни» повеҫсем тата ытти хайлавӗсем пичетленнӗ[1].

2007 ҫулхи чӳк уйӑхӗн 2-мӗшӗнче вилнӗ[2].

Кӗнекисем

  • Петров, К. К. Асамлӑ сӑмах : юмахсем / К. К. Петров. — Шупашкар, 1990. — 60 с.
  • Петров, К. К. Лина : калавсем / К. К. Петров. — Шупашкар, 1959. — 75 с.
  • Петров, К. К. Сенкер ҫӑлтӑр : роман / К. К. Петров. — Шупашкар, 1991. — 192 с.
  • Петров, К. К. Юратупа наркӑмӑш : роман / К. К. Петров. — Шупашкар, 1984. — 255 с.
  • Петров, К. К. Возникновение и развитие чувашской журналистики : (1905—1907 гг.) : Автореферат диссертации на соискание ученой степени кандидата фил. наук / К. К. Петров. — Казань, 1968. — 20 с.
  • Петров, К. К. Голубая звезда : (о космонавте Андрияне Николаеве) : роман / К. К. Петров. — Чедоксары, 1999. — 240 с.
  • Петров, К. К. Таэр : [о революционере Т. С. Семенове] : роман-хроника / К. К. Петров. — Чебоксары, 1986. — 172 с.

Хисепӗсем

  • Чӑваш Республикинчи журналистсен пӗрлӗхӗн Ҫемен Элкер ячӗллӗ премийӗн лауреачӗ (1990);
  • Чӑваш Республикин тава тивӗҫлӗ культура ӗҫченӗ (1994);
  • Чӑваш Республикинчи журналистсен пӗрлӗхӗн Н. В. Никольский ячӗллӗ премийӗн лауреачӗ (2005)[1].

Ӑнлантарусем

  1. ^ 1, 2, 3, 4 Петров, Константин Константинович (прозаик, журналист; 01.04.1924-02.11.2007) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи нарӑсӑн 13-мӗшӗ.
  2. ^ 1, 2, 3 Абрамов В. А. Петров Константин Константинович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 13-мӗшӗ.

Вуламалли

  • Абрамова, А. Чăн-чăн геройпа унăн сăнарне тăваканĕ, Тăван Атăл. — 1997. — № 2. — С.64-68.
  • Айдаш, Ю. Редактор хушса калани, Тăван Атăл. — 2000. — № 4. — С. 46.
  • Алексеев, О. Ăна çамраксем юратса вулаççĕ, Çилçунат.- 1999. — № 3-4. — С. 38-39.
  • Григорьев, Н. Сăмах астисен йăхĕнчен, Сăмах вăйне туйса. — Шупашкар, 1992. — С. 90-113.
  • Григорьев, Н. Ăста прозаик, Ялав. — 1996. — № 6. — С. 115—122.
  • Григорьева, О. Манăн тете, Çилçунат. — 1999. — № 3-4. — С. 39.
  • Данилов, А. «Хыпар» тĕпчевçи, Хыпар. — 1999. — 21 кaрлач.
  • Кaвак хуппи уcaлсан // Ялав. — 1997. — № 10. — С. 104—107.
  • Сементер, Ю. Поэтaмăр сăнарне тĕпчекен роман, Хыпар. — 2002. — 14 cу.
  • Сементер, Ю. Тивĕçлĕ хак, пысăк чыс, Ялав. — 1999. — № 5. — С. 71-72.
  • Чаржов, Г. Хайлавсенче пурнăç вĕресе тарать, Хыпар. — 1999. — 2 ака.
  • Васильев, В. Сеспель-поэт остается гением, а как человек — тайной, Совет. Чувашия.- 1999.- 30 сент.
  • Погильдяков, В. Взор к звездам, Совет. Чувашия. — 1999.- 16 сент.

Каçăсем

Темӑпа ҫыхӑннисем

Категорисем