Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Никитин Марат Викторович

РУВИКИ-ре ҫак хушаматлӑ ытти ҫынсем пирки те статьясем пур: Никитин.

Никитин Марат Викторович (ҫур. 1975 ҫулхи акан 3-мӗшӗ, Ҫӗнӗ Шупашкар, Чăваш Автономиллĕ Социализмлă Совет Республики) — Раҫҫейри кино тата театр режиссёрӗ, продюсер, сценарист, актёр ӑсталӑхӗн тата режиссура вӗрентекенӗ. 12 вӑйӑ фильмӗ тата 1 веб-сериал ӳкернӗ.

Биографийӗ

1975 ҫулхи акан 3-мӗшӗнче Ҫӗнӗ Шупашкарта ҫуралнӑ. Ҫӗнӗ Шупашкарти 10-мӗш шкулта вӗреннӗ, унтан — Ҫӗнӗ Шупашкарти химипе механика техникумӗнче тата Шупашкарти коопераци интситутӗнче. Пӗр вӑхӑт бизнес тытса пынӑ, суту-илӳ тунӑ[1].

2010 ҫулта Сценаристсемпе режиссёрсен аслӑ курсне пӗтернӗ (Меньшов В. В., Тумаев В. И., Рязанцева Н. Б. мастерскойӗнче ӑсталӑхне туптанӑ). Диплом ӗҫӗ «Соучастник» социаллӑ драма пулнӑ.

2015 ҫулта Герман Сидаковӑн драма шкулӗнчен вӗренсе тухнӑ. Александр Митта киношкулӗнче вӗреннӗ тата кураторта ӗҫленӗ.

2021 ҫулта И. Н. Ульянов ячӗллӗ Чӑваш патшалӑх университетӗнче социаллӑ педагог дипломне илнӗ.

Пултарулӑхӗ

Пӗрремӗш фильмне 2005 ҫулта ӳкернӗ: «Частник» кӗске метражлӑ фильмра рольсенчен пӗрне Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артистки Лидия Красова вылянӑ.

2011 ҫулта «Никита» кӗске метражлӑ фильм ӳкернӗ. Кинокартина Пӗтӗм Раҫҫейри ачасен IV «Волшебный мир» фестивалӗнче «Видео. Игровое кино» номинацире чи лайӑххи пулнӑ[2]. Фильм — ашшӗне вӑрҫа ӑсатнӑ, килте амӑшӗпе юлнӑ 5 ҫулти арҫын ача пирки. Тӗп роле Александр Игнатьев вылянӑ. Фильм ӳкерме кирлӗ кивӗ ҫурта Красноармейски районӗнчи Вӑрманкас Алманч ялӗнче тупнӑ[3].

2015 ҫулта Алексей Тенчой сценарийӗ тӑрӑх 1 сехет те 1 минута тӑсӑлакан «Хорло» фильм ӳкернӗ. Тӗп роле, Хорло ятлӑ хӗре, Хусанта ҫуралнӑ, ГИТИС-рен вӗренсе тухнӑ Рузалия Зайнуллина вылянӑ. Фильма Красноармейски, Ҫӗрпӳ, Сӗнтӗрвӑрри районӗсенче ӳкернӗ [4]. «Хорлона» «Культура» телеканал экранӗ ҫинче «Раҫҫейри халӑхсен киновӗ» проектпа килӗшӳллӗн кӑтартнӑ. 2015 ҫулта фильма Шупашкарти кинофестивальте чи лайӑх режиссёр ӗҫӗ пек палӑртнӑ[5].

2017 ҫулта «FUGA» фильм премьери пулнӑ. Ӑна Етӗрне хулинче ӳкернӗ. Виҫӗ тӗп роле Мускаври профессионал актёрсем тӳлевсӗр вылянӑ: Евгений Венедиктов, Анна Троянская тата Олег Цветков. Ыттисем — Вырӑс патшалӑх драма театрӗн тата Ҫеҫпӗл Мишши ячӗллӗ Чӑваш патшалӑх ҫамрӑксен театрӗн ҫамрӑк актёрӗсем. Фильм Пӗтӗм чӑвашсен III «Асам» кинофестивалӗнче Гран-при илнӗ[5].

2020 ҫулта кӗске метражлӑ «Такая странная любовь» фильм ӳкернӗ. Вӑл 2020 ҫулта Нью-Йоркра кӗске метражла фильмсен хушинче иртнӗ 12th Independent International Internet Short Film Festival кинофестивальте I степень Диплома тивӗҫнӗ. 2021 ҫулта Шупашкарти Пӗтӗм тӗнчери кинофестивале хутшӑннӑ. IISFF 2 фильммейкер чемпионӗсен Пӗрремӗш кубокӗнче III степень Диплом илнӗ[6].

2021 ҫулта «Соучастник»кӗске метражлӑ фильм ӳкернӗ, сценрисчӗ те хӑйех пулнӑ. 2022 ҫулта фильм Пӗтӗм тӗнчери XV кинофестивальте «Чи лайӑх режиссура» номинацире ҫӗнтернӗ[6].

2023 ҫулхи кӗркунне Чӑваш халӑх ҫыравҫин Юхма Мишшин «Акман уйри вырман тырӑ» повеҫӗ тӑрӑх «История деда Азамбая» фильм ӳкернӗ. Азамбай рольне Чӑваш Республикин тава тивӗҫлӗ актёрӗ, Чӑваш халӑх артисчӗ, Ҫамрӑксен театрӗнче вылянӑ Василий Павлов калӑпланӑ. Ҫавӑн пекех Чӑваш халӑх артисткисем Светлана Савельевӑпа Ирина Архипова, Александр Васильев, Альбина Агеева, Николай Дмитриев актёрсем ӳкерӗннӗ. Фильм премьери 2024 ҫулхи ака уйӑхӗнче Ҫамрӑксен театрӗнче пулнӑ[7].

Ҫемье

Ҫемьеллӗ, мӑшӑрӗпе Ольгӑпа хӗрпе ывӑл ӳстереҫҫӗ, Ҫӗнӗ Шупашкарта пурӑнаҫҫӗ.

Фильмографи

  • 2009 — «Алиби» кӗске метражлӑ фильм — продюсер, режиссёр-постановщик
  • 2011 — «Никита» кӗске метражлӑ фильм — продюсер, режиссёр-постановщик
  • 2014 — «На Грани» сериал — режиссёр-постановщик
  • 2015 — «Хорло» илемлӗ фильм — продюсер, режиссёр-постановщик, идея авторӗ
  • 2017 — «FUGA» илемлӗ фильм — идея авторӗ, продюсер, режиссёр-постановщик
  • 2017 — «50 лет – дивный возраст» документлӑ фильм — оператор, режиссёр
  • 2018 — «Жизнь без стекла» веб-сериал — продюсер, режиссёр-постановщик
  • 2019 — «Аттила – Рождение легенды» ивент-фильм — режиссёр, оператор
  • 2020 — «Такая странная любовь» кӗске метражлӑ фильм —продюсер, режиссёр-постановщик
  • 2020 — «Чи хаклӑ пуянлӑх» ивент-фильм — режиссёр, оператор
  • 2021 — «А когда, если не сейчас» кӗске метражлӑ фильм — илемлӗх ертӳҫи
  • 2021 — «Соучастник» кӗске метражлӑ фильм — продюсер, режиссёр-постановщик, сценарист
  • 2022 — «Лучшие воспоминания» кӗске метражлӑ фильм — илемлӗх ертӳҫи, оператор
  • 2024 — «Лара» кӗске метражлӑ фильм — оператор, илемлӗх ертӳҫи
  • 2025 — «История деда Азамбая» илемлӗ фильм — режиссёр, продюсер, сценарист.

Ӑнлантарусем

  1. ^ Никитин Марат – режиссер, сценарист (выр.). Пӑхнӑ кун: 2025 ҫулхи чӳкӗн 24-мӗшӗ.
  2. ^ Фильм новочебоксарца признан лучшим (видео) (выр.). ПроГород.Чебоксарыdate=2012-04-22. Пӑхнӑ кун: 2025 ҫулхи чӳкӗн 24-мӗшӗ.
  3. ^ Нужный дом нашелся в Вурманкас-Алманчино (выр.). Советская Чувашия (27 раштавӑн 2011). Пӑхнӑ кун: 2025 ҫулхи чӳкӗн 24-мӗшӗ.
  4. ^ В Чувашии снимут мистический фильм под названием "Хорло" (выр.) (19 авӑнӑн 2014). Пӑхнӑ кун: 2025 ҫулхи чӳкӗн 24-мӗшӗ.
  5. ^ 1, 2 В кино – на чувашский фильм (выр.). ПроГород.Чебоксары (28 юпан 2016). Пӑхнӑ кун: 2025 ҫулхи чӳкӗн 24-мӗшӗ.
  6. ^ 1, 2 Мастерская Марата Никитина (выр.). Пӑхнӑ кун: 2025 ҫулхи чӳкӗн 24-мӗшӗ.
  7. ^ В Чебоксарах в ТЮЗе прошла премьера художественного фильма об отце, ждущем сына с войны (выр.). ТАСС (27 раштавӑн 2011). Пӑхнӑ кун: 2025 ҫулхи чӳкӗн 24-мӗшӗ.

Категорисем