Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тяптушкин Владимир Юрьевич

Тяптушкин Владимир Юрьевич (ҫур. 1996 ҫулхи чӳкӗн 17-мӗшӗ, Аслă Таяпа, Чӑваш Республики — Чӑваш Ен) — Раҫҫей театрпа кино актёрӗ.

Пурнӑҫӗпе ӗҫӗ-хӗлӗ

1996 ҫулхи чӳк уйӑхӗн 17-мӗшӗнче Чӑваш Республикин Елчӗк районӗнчи Аслӑ Таяпа ялӗнче ҫуралнӑ[1].

2019 ҫулта М. С. Щепкин ячӗллӗ Аслӑ театр училищинчен(выр.)чăв. вӗренсе тухнӑ (Ольга Николаевна тата Юрий Мефодьевич Соломинсен курсӗ), хыҫҫӑн ана Кӗҫӗн театр труппине кӗртнӗ[2].

Пултарулӑхӗ

Театр институтне вӗренме кӗриччен Владимир Шупашкарта И. С. Максимов-Кошкинский ячӗллӗ Чӑваш халӑх театрӗнче вылянӑ. Театр фестивалӗсене хутшӑннӑ, II «Чӑн чӑваш» театр коллективӗсен хула уҫӑ фестиваль-конкурсӗн «Чи лайӑх камит» номинацире А. Цагарели пьесипе лартнӑ «Ханума» камитшӑн (реж. Нина Панина) лауреат ятне тивӗҫнӗ[1].

Кӗҫӗн театр сцени ҫине пуҫласа 2019 ҫулта тухнӑ, Владимир «Юр патша майрине пула хаярланнӑ ырӑ чӗреллӗ арҫын ача» Кай сӑнарне калӑпланӑ[2]. Ҫутҫанталӑк ӑна хитре хускануллӑ, илемлӗ мимикӑпа тата сцена ҫинчи илӗртӳлӗх парнеленӗ. Ҫав енсене тӗпе хурса ӑна Д. И. Фонвизин(выр.)чăв. пьесипе лартнӑ «Недоросль» спектакльте Митрофанушка сӑнарне калӑплама шаннӑ.

Актёр профессийӗнче яланах вӗренмелле. Театр институтӗнче сана никӗсне параҫҫӗ, вӗренсе пӗтерсен тек сана тимлӗх уйӑрмаҫҫӗ, эсӗ ху хӑвӑнпа хуҫаланатӑн, ку вара ӗмӗрлӗх ҫул, мӗн тӑвасшӑн эс, мӗнле аталанасшӑн.Владимир Тяптушкин

Артист профессийӗнчи чи пӗлтерӗшлӗ пулӑм «Собачье сердце» спектакльти роль пулса тӑнӑ, унта вӑл харӑсах икӗ сӑнар калӑпланӑ, пӗрремӗш актра Шарик сӑнарне, иккӗмӗшӗнче — Полиграф Полиграфовича[3]. Ун пирки актёр хӑй ҫапла каланӑ:

Ӗҫ питӗ кӑткӑс пулчӗ, анчах кӑсӑк, ку хальлӗхе маншӑн театрта вылякан чи пӗлтерӗшлӗ сӑнар пулса тӑчӗ[4].

Театрта икӗ ҫул ӗҫленӗ хыҫҫӑн, Владимир «Россия-1»(выр.)чăв. телеканалти «Склифосовский» тата «Контакт» телесериалсенче ӳкерӗннӗ, унта вак рольсене вылянӑ.

2022 ҫулхи чӳк уйӑхӗнче «100 к 1» программӑна хутшӑннӑ, вӑл Кӗҫӗн театр командинче пулнӑ, вӗсене хирӗҫ Пысӑк театр артисчӗсем вылянӑ.

Артист халӑх тетелӗсене тытса пырать, унта фильмсен премьерисенчи, ӳкернӗ самантсенчи сӑнӳкерчӗксем лартать.

2024 ҫулхи ака уйӑхӗн 23-мӗшӗнче «Иви» онлайн-кинотеатрта(выр.)чăв. «Горький 53» сериалӑн премьери пулнӑ, унта Владимир сӑнарсенчен пӗрне калӑпланӑ.

Кӗҫӗн театрти спектакльсем[5]

  • 2019 г. — «Свадьба, свадьба, свадьба!», А. П. Чехов, сӑнар — Лодочник;
  • 2019 г. — «Снежная королева», Е. Шварц (Г. Х. Андерсен тӑрӑх), сӑнар — Кай;
  • 2019 г. — «Не все коту масленица», А. Н. Островский, сӑнар — Ипполит;
  • 2019 г. — «Мнимый больной», Ж. Б. Мольер, сӑнар — Слуга в доме Аргана;
  • 2019 г. — «Свои люди — сочтёмся!», А. Н. Островский, сӑнар — Тишка;
  • 2020 г. — «Недоросль», Д. И. Фонвизин, сӑнар — Митрофан;
  • 2020 г. — «Физики», Ф. Дюрренматт, сӑнар — Гуль;
  • 2021 г. — «Буратино», А. Толстой, сӑнар — Буратино;
  • 2022 г. — «Подснежники для королевы», сӑнар — Март;
  • 2022 г. — «Женитьба», Н. В. Гоголь, сӑнар — Степан;
  • 2022 г. — «Собачье сердце», М. А. Булгаков, сӑнар — Шарик тата Полиграф Полиграфович Шариков
  • 2024 г. — «Бесприданница», А. Н. Островский, сӑнар — Василий, Данилыч Вожеватов
  • 2025 г. — «Свадьба, свадьба, свадьба...», А. П. Чехов, сӑнар — Ломов
  • 2026 г. — «Белая гвардия», М. А. Булгаков, сӑнар — Галаньба[2].

Студент чухнехи ӗҫсем

  • 2018 г. — «Снегурочка», А. Н. Островский, сӑнар — Лель;
  • 2019 г. «Доходное место», А. Н. Островский, сӑнар — Белогубов[2].

Фильмографи[6]

Ҫул Ячӗ Роль
2021 с Контакт (сериал, 2021) бармен
2021—2022 с Склифосовский (телесериал) Алексей Тараньков, интерн
2022 ф 1941. Крылья над Берлином Рыжий
2023 ф Воздух (фильм, 2023) Тимофей
2023 с Шифр-4 Палкин
2024 с Горький 53 (сериал) Сӑнар ятне кӑтартман
2025 с Ландыши. Такая нежная любовь Демьян
2025 с Будьте счастливы Стёпа
2025 с Ландыши. Вторая весна Демьян
2025 ф Злой город Сава

Ӑнлантарусем

  1. ^ 1, 2 Елена Казарина. Публика верит, публика ждёт (выр.). Газета «Советская Чувашия» (13 пушӑн 2025). Пӑхнӑ кун: 2025 ҫулхи авӑнӑн 17-мӗшӗ.
  2. ^ 1, 2, 3, 4 Тяптушкин Владимир Юрьевич (выр.). Государственный академический Малый театр. Пӑхнӑ кун: 2025 ҫулхи авӑнӑн 17-мӗшӗ.
  3. ^ В Малом театре обсудили спектакль «Собачье сердце» (выр.). Государственный академический Малый театр (16 юпан 2023). Пӑхнӑ кун: 2025 ҫулхи авӑнӑн 17-мӗшӗ.
  4. ^ Пресс-конференция, посвященная открытию сезона в Государственном академическом Малом театре (выр.). РИА «Новости» (28 ҫурлан 2023). Пӑхнӑ кун: 2025 ҫулхи авӑнӑн 17-мӗшӗ.
  5. ^ Тяптушкин Владимир Юрьевич (выр.). Государственный академический Малый театр. Пӑхнӑ кун: 2025 ҫулхи авӑнӑн 17-мӗшӗ.
  6. ^ Владимир Тяптушкин (выр.). kino-teatr.ru (30 пушӑн 2024). Пӑхнӑ кун: 2025 ҫулхи авӑнӑн 17-мӗшӗ.

Каҫӑсем

Темӑпа ҫыхӑннисем

Категорисем