Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Спиридонов Юрий Николаевич

Disambig gray.svg Спиридонов хушаматлă урăх çынсем çинчен РУВИКИ-ре статьясем пур.

Спиридонов Юрий Николаевич (ҫур. 1969 ҫулхи юпан 12-мӗшӗ, Хутар, Чăваш Автономиллĕ Социализмлă Совет Республики) — Раҫҫей кинорежиссёрӗ, сценарисчӗ, актёрӗ, кинопродюсерӗ тата кинооператорӗ. Хӑйне «Путь доброты», «Путь воина«, «Чаклун», «Румба», «Обочина» тата «Егор Шилов», «Гангстер. СССРта ҫуралнӑскер» фильмсен авторӗ тесе пӗлтерет.

2011 ҫулхи чӳкӗн 18-мӗшӗнчен пуҫласа «Чӑвашфильм» пӗрремӗш наци киностудийӗн» тӗп директорӗ тата правлени председателӗ шутланать.

Пурнӑҫӗпе ӗҫӗ-хӗлӗ

1969 ҫулхи юпа уйӑхӗн 12-мӗшӗнче Чӑваш АССРӗн Ҫӗмӗрле районӗнчи Хутар ялӗнче ҫуралнӑ. Ҫемье Шупашкара куҫса килнӗ, унта Юрий вӑтам шкул (1985) вӗренсе пӗтернӗ, вӑтам профессиллӗ техника училищинчен (1988), Хальхи гуманитари академийӗнчен (2008) вӗренсе тухнӑ.

1988—1990 ҫулсенче Совет ҫарӗнче хӗсметре тӑнӑ.

1990—1993 ҫулсенче кооперативра, 1993—1996 ҫулсенче — «ЗИМ» УАО-ра ӗҫленӗ[1].

Общество ӗҫӗ-хӗлӗ

1996—2000 ҫулсенче Чӑваш Республикин бодибилдинг тата армреслинг федерацийӗн президенчӗ пулнӑ.

2001 ҫулта Шупашкарта Чӑваш Республикинчи «Патриот» Ҫамрӑксен ҫарпа спорт центрӗ» ҫамрӑксен обществӑлла организацине туса хунӑ[2] (регистраци дати — 2002 ҫулхи юпан 9-мӗшӗ, 2017 ҫулхи ҫӗртмен 29-мӗшӗнче обществӑлла пӗрлешӳ ӗҫӗ-хӗлне татнӑ[3]).

2003 ҫулхи ҫӗртмен 25-мӗшӗнче Чӑваш Республикин «Татьяна» ыркӑмӑллӑх обществӑлла фондне (2007 ҫулхи ҫурла уйӑхӗн 15-мӗшӗнче ӗҫ-хӗлне чарнӑ) никӗсленӗ[4].

Пултарулӑх

Кинематограф

2005 ҫулта Раҫҫейӗн тата Беларуҫ Республикин кинопроекчӗсенче актёр тата каскадёр пек ӗҫлеме пуҫланӑ («Человек войны», «Башня», «Краповый берет», «Чаклун и Румба» тата ыттисем те)[5].

2011 ҫултанпа «Чӑвашфильм» ТМЯО никӗслесе ертсе пынӑ, 2020 ҫулхи чӳкӗн 25-мӗшӗнче «Чӑвашфильм» Пӗрремӗш Наци Киностудийӗ» тесе ҫӗнӗрен регистрациленӗ[6].

2015 ҫулта «Битва за Новоюжку» сериал ӳкерессине пӗлтернӗ, унта сценарист, продюсер, режиссёр тата актёр пулнӑ[7].

Фильмографи

Актёр

  • 2016 — Битва за Новоюжку
  • 2013 — Обочина (вӗҫлемен)
  • 2008 — Краповый берет (Беларусь) — Мурат
  • 2005-2006 — Путь доброты (документлӑ)
  • 2005 — Человек войны (Беларусь, Россия) — подпольщик
  • 2004-2006 — Башня (вӗҫлемен)

Режиссёр

  • 2016 — Битва за Новоюжку
  • 2013 — Обочина (вӗҫлемен)

Продюсер

  • 2013 — Обочина (вӗҫлемен)[8]

«Отставник» ушкӑн

2019 ҫулхи ҫуркунне «Отставник» ушкӑн йӗркеленӗ, унӑн солисчӗсем — Юрий Спиридоновпа Татьяна Шереметьева[9].

Ӑнлантарусем

  1. ^ Юрий Спиридонов (выр.). Сними фильм. Пӑхнӑ кун: 2025 ҫулхи чӳкӗн 18-мӗшӗ.
  2. ^ История создания (выр.). https://gov.cap.ru. Пӑхнӑ кун: 2025 ҫулхи чӳкӗн 18-мӗшӗ.
  3. ^ Чувашская республиканская молодежная общественная организация «Молодежный военно-спортивный центр «Патриот» (выр.). https://focus.kontur.ru. Пӑхнӑ кун: 2025 ҫулхи чӳкӗн 18-мӗшӗ.
  4. ^ Чувашский республиканский благотворительный общественный фонд «Татьяна» (выр.). https://focus.kontur.ru. Пӑхнӑ кун: 2025 ҫулхи чӳкӗн 18-мӗшӗ.
  5. ^ Юрий Спиридонов (выр.). www.kino-teatr.ru. Пӑхнӑ кун: 2025 ҫулхи чӳкӗн 18-мӗшӗ.
  6. ^ ООО «ПНК «Чувашфильм» (выр.). https://focus.kontur.ru. Пӑхнӑ кун: 2025 ҫулхи чӳкӗн 18-мӗшӗ.
  7. ^ На премьере первой серии «Битвы за Новоюжку» не было свободных мест (выр.). Портал «PRO Город» (26 кӑрлачӑн 2016). Пӑхнӑ кун: 2025 ҫулхи чӳкӗн 18-мӗшӗ.
  8. ^ Юрий Спиридонов (II). Кино-Театр.Ру. Пӑхнӑ кун: 2025 ҫулхи раштавӑн 4-мӗшӗ.
  9. ^ Группа «Отставник» — официальная страница (выр.). Группа «Отставник». Пӑхнӑ кун: 2025 ҫулхи чӳкӗн 18-мӗшӗ.

Каҫӑсем

Темӑпа ҫыхӑннисем

Категорисем