Ҫутӑ ҫул (хаҫат)
Ҫутӑ ҫул — Пушкӑртстан Республикин Пишпӳлек районӗнче эрнесерен чăвашла тухакан обществӑлла-политӑкӑлла хаçат.
Хаҫатра обществӑпа политика ыйтӑвӗсем, Пушкӑрт Республикинче пурӑнакан чӑвашсен культурине тата социаллӑ ыйтӑвӗсене ҫутатаҫҫӗ. Ҫавӑн пекех экономика ыйтӑвӗсене те хускатаҫҫӗ[1].
Редакторӗ: Фомина Ирина Леонидовна[2].
Историйӗ
1931 ҫулхи ҫурла уйӑхӗнчен пуҫласа 1962 ҫулхи ҫу уйӑхӗччен «Колхозри уй» ятпа тухнӑ. 1965 ҫултанпа хаҫат «Ҫутӑ ҫул» ятпа тухать. 1962 ҫулхи ҫу уйӑхӗччен пуҫласа 1965 ҫулхи ака уйӑхӗччен хаҫат тухман[1].
Владимир Илларионович аса илнӗ тӑрӑх, 1965–1982 ҫулсенче редактор пулса Семёнов Пётр Трофимович ӗҫленӗ, унӑн мӑшӑрӗ, Мария Павловна, ҫырусен пайӗшӗн яваплӑ пулнӑ. Статьясене пичетлекен пулса Михайлова Анфиса Ивановна ӗҫленӗ. Бухгалтер ӗҫне Родионова Зинаида Александровна пурнӑҫланӑ ун хыҫҫӑн — Шагида Мазитовна Яруллина ӗҫленӗ, тивӗҫлӗ канӑва тухсан ҫак ӗҫе унӑн хӗрӗ Фируза Фаваристовна Пелевина тунӑ[3].
Хаҫатра фотокорреспондент пулса вӑл вӑхӑтра Валерий Ефимов, Ирек Галлянурович Аглеев, Марат Шакирович Азангулов ӗҫленӗ. 1976 ҫулхи кӑрлач уйӑхӗнче редакцине Хушӑлкари каччӑ Олег Николаевич Андреев ӗҫлеме пынӑ. Вӑл редакцире тивӗҫлӗ канӑва тухичченех тӑрмашнӑ[3].
«Ҫутӑ ҫул» хаҫат редакцийӗ нумай ҫынна ҫул уҫса панӑ. Тӗслӗхрен, Рамзиль Салихович Валеев редакцире 1980 ҫулта ӗҫлеме пуҫланӑ[3].
1967–1980 сӳлсенче редакци Пишпӳлекри Совет урамӗнче йывӑҫ ҫуртра вырнаҫнӑ пулнӑ. Штатра вӑл вӑхӑтра 25–27 ҫын пулнӑ. Вырӑсла кӑларӑм тӗп хаҫат пулнӑ, чӑвашлипе тутарлисем дубляж мелӗпе пичетленнӗ. Вӑл вӑхӑтра редакци балансӗ ҫинче Орлик лаша та пулнӑ[3].
1975 ҫулта лаша вырӑнне редакцине ГАЗ-69А машина панӑ[3].
1980 ҫулта хаҫатӑн пӗтӗмӗшле тиражӗ 6500–6900 экземпляр таран ҫитнӗ[3].
1970–2000 ҫулсенче хаҫат эрнере виҫӗ хут тухнӑ[3].
2016 ҫултан пуҫласа хаҫатӑн пичет версийӗ вырӑсла тата тутарла кӑна тухать. Хальхи вӑхӑтра чӑвашла тат вырӑсла версийӗсем сайтра вырнаҫӑнса пыраҫҫӗ.
Редакторсем
Хаҫат редакторӗ пулса ӗҫленӗ: Семёнов Пётр Трофимович (1965–1982), Наумова Вера Петровна (1982–1988), Холмов Владимир Илларионович(1988–2012)[3].
Çыхăну
Ҫавӑн пекех пӑхӑр
Ӑнлантарусем
- ^ 1, 2 Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 438. — 559 с. — ISBN 978-5-7670-2156-7.
- ^ 1, 2, 3, 4 Об издании. «Ҫутӑ ҫул».
- ^ 1, 2, 3, 4, 5, 6, 7, 8 Владимир Холмов. ««Светлый путь»: история жизни» (ru): 2-3.
Вуламалли
- Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 438. — 559 с. — ISBN 978-5-7670-2156-7.
- Владимир Холмов. ««Светлый путь»: история жизни» (ru): 2-3.