Мельников Сергей Владимирович

1971 ҫулхи кӑрлачӑн 10-мӗшӗнче Чӑваш АССРӗн Ҫӗмӗрле хулинче ҫуралнӑ. 1993 ҫулта Мускав облаҫӗнчи патшалӑх физкультура институтне(выр.)чăв., 2002 ҫулта – Атӑл-Вятка патшалӑх хӗсмечӗн академине (Шупашкар хулинчи филиалне) «патшалӑх тата муниципалитет управленийӗ» специальнӑҫпа, 2013 ҫулта – Раҫҫей Федерацийӗн Центросоюзӗн «Раҫҫей коопераци университетне» «юриспруденци» специальнӑҫпа вӗренсе пӗтернӗ^[1].

• 1988—1989 ҫулсенче — Ҫӗмӗрлери ачасемпе ҫамрӑксен спорт шкулӗнче ҫӑмӑл атлетика енӗпе тренер-преподаватель.
• 1989—1990 ҫулсенче — Челябинскри патшалӑх педагогика институчӗн(выр.)чăв. студенчӗ.
• 1990—1993 ҫулсенче — Мускав облаҫӗнчи патшалӑх физкультура институчӗн студенчӗ.
• 1990—1993 ҫулсенче — Мускав облаҫӗнчи Жуковский хулин ачасемпе ҫамрӑксен спорт шкулӗнче тренер-преподавателӗ.
• 1993—1999 ҫулсенче — Ҫӗмӗрле хулинчи 8-мӗш шкул-гимназири вӑй-хал культурин вӗрентекенӗ.
• 1999—2001 ҫулсенче — Ҫӗмӗрле хулинчи ДЮСШ вӗренӳ пайӗ енӗпе директор ҫумӗ.
• 2001—2008 ҫулсенче — Ҫӗмӗрле хула администрацийӗн вӑй-хал культурипе спорт пайӗн пуҫлӑхӗ.
• 2008 ҫулхи ҫу—авӑн уйӑхӗсем — Ҫӗмӗрле хула администрацийӗн пуҫлӑхӗн социаллӑ политика ыйтӑвӗсемпе ӗҫлекен ҫумӗ.
• 2008, авӑн — 2010, авӑн — Чӑваш Республикин физкультура, спорт тата туризм министрӗн ҫумӗ.
• 2010, авӑн—чӳк – Чӑваш Республикин физкультура, спорт тата туризм министрӗн тивӗҫӗсене пурнӑҫлакан, Чӑваш Республикин физкультура, спорт тата туризм министрӗн ҫумӗ.
• 2010—2012 ҫулсенче — Чӑваш Республикин физкультура, спорт тата туризм министрӗн пӗрремӗш ҫумӗ.
• 2012—2013 ҫулсенче — Чӑваш Республикин физкультура, спорт тата туризм министрӗ.
• 2013—2015 ҫулсенче — Чӑваш Республикин физкультурӑпа спорт министрӗ.
• 2015 ҫултанпа — «Честр-Групп» инвестиципе строительство компанийӗ» акционерсен обществин коммерци директорӗ^[1].

Пӗтӗм Раҫҫейри «Пӗрлӗхлӗ Раҫҫей» политика партийӗн пайташӗ^[2].

2016 ҫулхи авӑн уйӑхӗн 18-мӗшӗнче Чӑваш Республикин Патшалӑх Канашӗн улттӑмӗш суйлавӗн депутатне суйланнӑ (10-мӗш Ҫӗмӗрле пӗр мандатлӑ суйлав округӗпе)^[1].

Патшалӑх Канашӗн Бюджет, финанс тата куланай комитечӗн, Патшалӑх строительстви, вырӑнти хӑйтытӑмлӑх, регламент тата депутат этикин комитечӗн пайташӗ пулнӑ.

2021 ҫулхи авӑн уйӑхӗн 19-мӗшӗнче Чӑваш Республикин Патшалӑх Канашӗн ҫиччӗмӗш суйлавӗн депутатне суйланнӑ (10-мӗш Ҫӗмӗрле пӗр мандатлӑ суйлав округӗпе)^[1].

Чӑваш Республикин Патшалӑх Канашӗн ҫурт-йӗр политики тата инфратытӑм аталанӑвӗ енӗпе ӗҫлекен комитечӗн пайташӗ.

Чӑваш Республикин Патшалӑх Канашӗн экономика политики, бюджет, финанс тата куланай енӗпе ӗҫлекен комитет пайташӗ^[1].

Авланнӑ, икӗ ача.

Раҫҫей Федерацийӗн тава тивӗҫлӗ тренерӗн(выр.)чăв., Раҫҫей Федерацийӗн тава тивӗҫлӗ физкультура ӗҫченӗн(выр.)чăв. Алексей Владимирович Мельниковӑн шӑллӗ.

• «Чӑваш Республики умӗнчи тава тивӗҫлӗ ӗҫсемшӗн» орден;
• «Физкультурӑпа спорт отличникӗ» паллӑ(выр.)чăв.;
• «2013 ҫулхи Пӗтӗм тӗнчери XXVII ҫуллахи Универсиада» асӑну медалӗ;
• «Сочири 2014 ҫулхи хӗллехи XXII Олимп вӑййисем тата хӗллехи XI Паралимп вӑййисем» асӑну медалӗ;
• Чӑваш Республикин Патшалӑх Канашӗн Хисеп грамоти;
• Чӑваш Республикин тава тивӗҫлӗ физкультурӑпа спорт ӗҫченӗ^[1].