Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Солдатченко Николай Александрович

Disambig gray.svg Солдатченко хушаматлă урăх çынсем çинчен РУВИКИ-ре статьясем пур.

Солдатченко Николай Александрович (1917 ҫулхи утӑн 22-мӗшӗ, Санкт-Петербург — 1996 ҫулхи чӳкӗн 17-мӗшӗ, Шупашкар) — патшалӑх ӗҫченӗ, спорт йӗркелӳҫи, 1954—1956 ҫулсенче Чӑваш АССР физкультурӑпа спорт комитечӗн председателӗ пулнӑ[1].

Пурнӑҫӗпе ӗҫӗ-хӗлӗ

1917 ҫулхи утӑ уйӑхӗн 22-мӗшӗнче Петроградра (халӗ – Санкт-Петербург) ҫуралнӑ. 1934—1935 ҫулсенче Горький автозаводӗнче(выр.)чăв.слесарӗн вӗренекенӗ пулнӑ. 1938 ҫулта Мускав облаҫӗнчи Малаховка физкультура техникумӗнчен(выр.)чăв. вӗренсе тухнӑ. 1938—1939 ҫулсенче Шупашкарти фармацевтика шкулӗн физкультура вӗрентекенӗ, «Динамо» ирӗклӗ спорт обществин(выр.)чăв. Чӑваш облаҫ канашӗн учет пайӗн заведующийӗ пулса ӗҫленӗ[1].

Тӑван Ҫӗршывӑн Аслӑ вӑрҫине (1941—1944) хутшӑннӑ. Кӑнтӑр-Анӑҫ, Украина тата Беларуҫ фрончӗсенче ҫапӑҫнӑ. Виҫӗ хут аманнӑ[2].

Вӑрҫӑ хыҫҫӑн тӗрлӗ ҫулсенче Шупашкар электроаппаратура заводӗнче[шаблон кăларса пăрах] физкультура инструкторӗнче, Шупашкар хулин спорткомитет председателӗнче ӗҫленӗ. 1954 ҫулхи ҫӗртме уйӑхӗнчен пуҫласа 1956 ҫулхи ҫӗртме уйӑхӗччен Чӑваш АССР Физикультурӑпа спорт комитечӗн председателӗнче вӑй хунӑ. 1956 ҫултан пуҫласа 1977 ҫулччен — Шупашкарти ӳнер училищин физкультура вӗрентӳҫи[1].

1996 ҫулхи чӳкӗн 17-мӗшӗнче вилнӗ[1].

Спортри ҫитӗнӗвӗсем

Вӑрҫӑ хыҫҫӑн футбол, ҫӑмӑл атлетика, баскетбол тата мечӗкпе хоккей спорт тӗсӗсемпе кӑсӑкланнӑ, ӑмӑртусене хутшӑннӑ. Ҫӑмӑл атлетика енӗпе тата «Динамо» спорт обществин командин йышӗнче спорт вӑййисен тӗсӗсенче пӗрре мар республика чемпионӗ пулнӑ[2].

Хисепӗсем

Ӑнлантарусем

  1. ^ 1, 2, 3, 4 Ф. Ф. Фёдоров. Солдатченко Николай Александрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 25-мӗшӗ.
  2. ^ 1, 2, 3 Солдатченко Николай Александрович (выр.). Официальный портал органов власти Чувашской Республики. Министерство физической культуры и спорта Чувашской Республики. Пӑхнӑ кун: 2025 ҫулхи ҫурлан 25-мӗшӗ.

Вуламалли

  • Председатели : [о первых руководителях гос. органов в области физ. культуры и спорта] // Почтовый экспресс. — 2010. — 26 мая — 1 июня (№ 21). — С. 13 : фот.;
  • Скородумов, Н. Г. Солдатченко Николай Александрович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2012. — С. 249 : фот.;
  • Федоров, Ф. Ф. Солдатченко Николай Александрович / Ф. Ф. Федоров // Чувашская энциклопедия. — Чебоксары, 2011. — Т. 4 : Си-Я. — С. 69.

Каҫӑсем

Темӑпа ҫыхӑннисем

Категорисем