Богаратов Михаил Викторович
Богаратов Михаил Викторович (ҫур. 1958 ҫулхи ҫӑвӑн 8-мӗшӗ, Княгинино[d], Чулхула облаçĕ) — патшалӑх ӗҫченӗ, Чӑваш Республикин физкультурӑпа спорт министрӗ (2018—2020).
Пурнӑҫӗпе ӗҫӗ-хӗлӗ
1958 ҫулхи ҫу уйӑхӗн 8-мӗшӗнче Чулхула облаҫӗнчи Княгинино районӗн Княгинино поселокӗнче (халӗ — Княгинино(выр.)чăв. хули) ҫуралнӑ. Ашшӗ — офицер, Инҫет Хӗвелтухӑҫӗнчи погранзастава пуҫлӑхӗ пулнӑ. Шкулта вӗреннӗ чухне тӗрлӗ спорт тӗсӗсемпе кӑсӑкланнӑ. 1979 ҫулта Ленинградри физкультурӑпа спорт ҫар институтне(выр.)чăв. вӗренсе пӗтернӗ.
1979—1980 ҫулсенче Чулхулари 6663-мӗш ҫар чаҫӗн, 1980—1985 ҫулсенче Хусанти прапорщиксен тӗп шкулӗн, 1985—1992 ҫулсенче Хусанти 7474-мӗш ҫар чаҫӗн, 1992—1995 ҫулсенче Шупашкарти 3997-мӗш ҫар чаҫӗн вӑй-хал хатӗрленӗвӗпе спорт пуҫлӑхӗ пулса ӗҫленӗ. 1995—2014 ҫулсенче Раҫҫей Федерацийӗн Шалти ӗҫсен министерствин Атӑлҫи шалти ҫарсен округӗн (Шупашкар) тӗп тренерӗ пулнӑ[1].
1995—1996 ҫулсенче Чечен Республикинче служба командировкинче уйрӑм батальон командирӗ пулса хӗсмет тивӗҫне пурнӑҫланӑ.
2015—2018 ҫулсенче — Чӑваш Республикин футбол федерацийӗн президенчӗ[1].
2018 ҫулхи чӳк уйӑхӗн 5-мӗшӗнчен пуҫласа (2018 ҫулхи чӳк уйӑхӗн 5-мӗшӗнчен пуҫласа раштавӑн 29-мӗшӗччен — министр тивӗҫӗсене пурнӑҫлакан) 2020 ҫулхи пуш уйӑхӗн 2-мӗшӗччен Чӑваш Республикин физкультурӑпа спорт министрӗ пулнӑ[2][3].
Спортри ҫитӗнӗвӗсем
- 40 ҫултан аслӑрах ветерансен хушшинче футбол енӗпе Чӑваш Республикин темиҫе хут чемпионӗ;
- 40 ҫултан аслӑрах ветерансен хушшинче футбол енӗпе Чӑваш Республикин Кубокӗн темиҫе хут ҫӗнтерӳҫи;
- 60 ҫултан аслӑрах ветерансен хушшинче футбол енӗпе «Московия» (Мускав) команда йышӗнче Раҫҫей чемпионӗ (2021);
- 60 ҫултан аслӑрах ветерансен хушшинче футбол енӗпе «Волга» (Шупашкар) команда йышӗнче Раҫҫей чемпионачӗсен икӗ хутчен бронза (2019, 2022) призёрӗ;
- 2019 ҫулхи 60 ҫултан аслӑрах ветерансен хушшинче футбол енӗпе Раҫҫей первенствинче чи хаклӑ футболист тесе йышӑннӑ.
Хисепӗсем
- «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн(выр.)чăв. II степенӗ (2003)[1];
- «Раҫҫей ШӖМ хӗсметӗнче палӑрнӑшӑн» медалӗн I степенӗ (2003 ҫул).
Ӑнлантарусем
- ^ 1, 2, 3 Н. С. Головина. Богаратов Михаил Викторович (выр.). Чувашская энциклопедия. Пӑхнӑ кун: 2025 ҫулхи ҫурлан 18-мӗшӗ.
- ^ В Чувашии – новый министр (выр.). ИА «Регнум» (6 чӳкӗн 2018). Пӑхнӑ кун: 2025 ҫулхи ҫурлан 18-мӗшӗ.
- ^ Министра спорта Чувашии отправили в отставку (выр.). Аргументы и Факты (2 пушӑн 2020). Пӑхнӑ кун: 2025 ҫулхи ҫурлан 18-мӗшӗ.
Темӑпа ҫыхӑннисем
| Чӑваш Республикин спорт министрӗсем | |
|---|---|
| Вӑй-хал культурин облаҫ канашӗн ертӳҫисем | |
| Чӑваш АССР физкультурӑпа спорт комитечӗн пуҫлӑхӗсем |
|
| Чӑваш Республикин физкультура, спорт тата туризм министрӗсем | |
| Чӑваш Республикин физкультурӑпа спорт министрӗсем | |
