Краснов Вячеслав Максимович
Краснов Вячеслав Максимович (1950 ҫулхи чӳкӗн 9-мӗшӗ, Çĕнĕ Шелттем, Чăваш Автономиллĕ Социализмлă Совет Республики — 2015 ҫулхи ҫурлан 24-мӗшӗ, Шупашкар) — патшалӑх ӗҫченӗ, 1990—2006 ҫулсенче Чӑваш Республикин физкультура, спорт тата туризм министрӗ. Педагогика ӑслӑлӑхӗсен кандидачӗ (2001), ҫӑмӑл атлетика енӗпе СССР спорт мастерӗ (1971). Раҫҫей ҫӑмӑл атлетика федерацийӗн хӑвӑрт утас енӗпе комитечӗн председателӗ, ҫӑмӑл атлетика енӗпе тӗнче категориллӗ судья тата Пӗтӗм тӗнчери судьясен комиссийӗн пайташӗ (1998), Пӗтӗм тӗнчери ҫӑмӑл атлетика федерацийӗсен ассоциацийӗн пайташӗ (1999—2011)[1].
Пурнӑҫӗпе ӗҫӗ-хӗлӗ
1950 ҫулхи чӳк уйӑхӗн 9-мӗшӗнче Чӑваш АССРӗн Канаш районӗнчи Ҫӗнӗ Шелттем ялӗнче ҫуралнӑ.
Шкултан вӗренсе тухнӑ хыҫҫӑн Шупашкар коопераци техникумне (1969) тата И. Я. Яковлев ячӗллӗ Чӑваш патшалӑх педагогика институчӗн вӑй-хал воспитани факультетне (1973) вӗренсе пӗтернӗ[1].
Шупашкарта хӑвӑрт утас спорт тӗсӗпе туслашнӑ, Шупашкарти ҫамрӑксен спорт шкулӗнче ӑсталӑхне туптанӑ. 1971 ҫулта ҫӑмӑл атлетика енӗпе СССР спорт мастерӗ пулса тӑнӑ. Хӑвӑрт утас енӗпе РСФСР тата СССР пӗрлештернӗ командисене кӗнӗ. Чӑваш АССРӗн чемпионачӗн, тӗнчери, Пӗтӗм Союзри, Раҫҫейри ӑмӑртусен ҫӗнтерӳҫи тата призёрӗ[2].
Тренер ӗҫӗ
«Буревестник» ирӗклӗ спортобществӑн(выр.)чăв. Олимп хатӗрленӗвӗн опорнӑй центрӗнче тренер пулса ӗҫленӗ. Вӑл хатӗрленӗ спортсменсем хушшинче тӗнче класлӑ спорт мастерӗ, тӗнче рекордсменки Александра Деверинская, тӗнче класлӑ спорт мастерӗ Иван Тихонов, ҫӑмӑл атлетика енӗпе СССР спорт мастерӗсем 10 ытла[2].
Патшалӑх ӗҫӗ
1990—1994 ҫулсенче — Чӑваш АССР физкультурӑпа спорт комитечӗн председателӗ, 1994—2004 ҫулсенче — Чӑваш Республикин физкультура, спорт тата туризм министрӗ, пӗр вӑхӑтрах 2001—2004 ҫулсенче — Чӑваш Республикин Министрсен Кабинечӗн Председателӗн пӗрремӗш ҫумӗ — физкультура, спорт тата туризм министрӗ, 2004—2006 ҫулсенче — Чӑваш Республикин физкультура, спорт тата туризм министрӗ пулнӑ[1].
Обществӑлла ӗҫ
2002— 2006 ҫулсенче «Пӗрлӗхлӗ Раҫҫей» политика партин Чӑваш Республикинчи регион уйрӑмӗн секретарӗ пулнӑ[1].
Раҫҫей ҫӑмӑл атлетика федерацийӗн хӑвӑрт утас енӗпе комитечӗн председателӗ, ҫӑмӑл атлетика енӗпе тӗнче категориллӗ судья тата Пӗтӗм тӗнчери судьясен комиссийӗн пайташӗ (1998), Пӗтӗм тӗнчери ҫӑмӑл атлетика федерацийӗсен ассоциацийӗн пайташӗ (1999—2011) пулнӑ[2].
Юлашки ҫулсенче Раҫҫей Паралимп комитечӗн(выр.)чăв. ӗҫтӑвкомӗн пайташӗ Чӑваш Республикинчи уйрамӗн ертӳҫи пулнӑ[2].
Астӑвӑм
- Шупашкар Олимп резервӗн училищине В. М. Краснов ятне панӑ.
- Канаш районӗнчи Ҫӗнӗ Шелттем ялӗнче ҫулсерен В. М. Краснова асӑнса хӑвӑрт утассипе ачасемпе ҫамрӑксем хушшинче ӑмӑрту ирттереҫҫӗ[2].
Хисепӗсем
- Раҫҫей Федерацийӗн тава тивӗҫлӗ физкультура ӗҫченӗ(выр.)чăв. (1993);
- Чӑваш Республикин тава тивӗҫлӗ физкультурӑпа спорт ӗҫченӗ (2000);
- Туслӑх орденӗ (2002);
- Аслӑ Петӗр орденӗн II степенӗ (2003);
- «Чӑваш Республики умӗнчи тава тивӗҫлӗ ӗҫсемшӗн» орден медалӗ (2006);
- Ҫӑмӑл атлетика енӗпе СССР спорт мастерӗ(выр.)чăв. (1971).
Ӑнлантарусем
- ^ 1, 2, 3, 4 Н. Г. Скородумов. Краснов Вячеслав Максимович (выр.). Чувашская энциклопедия. Пӑхнӑ кун: 2025 ҫулхи ҫурлан 21-мӗшӗ.
- ^ 1, 2, 3, 4, 5 Сегодня исполнился бы 71 год одному из выдающихся спортивных функционеров республики Вячеславу Краснову (выр.). Официальный портал органов власти Чувашской Республики. Министерство физической культуры и спорта Чувашской Республики (9 чӳкӗн 2021). Пӑхнӑ кун: 2025 ҫулхи ҫурлан 21-мӗшӗ.
Вуламалли
- Скородумов, Н. Г. Краснов Вячеслав Максимович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2012. — С. 29-30;
- Скородумов, Н. Г. Краснов Вячеслав Максимович / Н. Г. Скородумов // Чувашская энциклопедия. — Чебоксары, 2009. — Т. 2 : Ж-Л. — С. 347;
- Вячеслав Максимович Краснов : [некролог] // Хыпар. — 2015. — 26 август/ҫурла. — С. 8 : сӑн ӳкерчӗк;
- Краснов, В. М. Вячеслав Краснов: «Чӑваш спорчӗн малашлӑхӗ пысӑк» / В. М. Краснов ; Ю. Листопад ҫырса илнӗ // Хыпар. — 2006. — 5 авӑн;
- Краснов, В. М. Вячеслав Краснов: «Чӑваш спорчӗн малашлӑхӗ ҫутӑ» / В. М. Краснов ; Ю. Листопад [ҫырса илнӗ] // Хыпар. — 2005. — 13 ҫурла. — С. 3;
- Петров, В. Пӗр-пӗринпе тахҫан паллакан пӗлӗшсем евӗрех калаҫрӑмӑр : [аса илӳ] / В. Петров // Канаш ен. — 2022. — 14 юпа/октябрь (№ 40). — С. 3 : сӑн ӳкерчӗксем;
- Плотников, Ю. Вячеслав Краснов: «Малалла утма ҫӑмӑл мар» / Ю. Плотников // Хыпар. — 2010. — 9 чӳк. — С. 3;
- Сидоров, П. Чӑваш Ене тӗнче шайне ҫӗкленӗ Краснов / П. Сидоров // Хыпар. — 2016. — 1 пуш/март. — С. 4 : сӑн ӳкерчӗк;
- Вячеслав Краснов награжден орденом Петра Великого // Спортивный вестник. — 2003. — Сентябрь;
- Краснов, В. М. Вячеслав Краснов: Что ни год — планка все выше! / В. М. Краснов ; беседовал В. Иванский // Спорт Чувашии. — 2006. — 3-16 февр. (№ 2). — С. 1, 2;
- Краснов Вячеслав Максимович : [некролог] // Советская Чувашия. — 2015. — 26 авг. — С. 4;
- Плотников, Ю. На радость землякам / Ю. Плотников // Почтовый экспресс. — 2012. — 26 сент. — 2 окт. (№ 39). — С. 13 : фот.;
- Прокопьев, В. П. Краснов Вячеслав Максимович / В. П. Прокопьев // Канашский район : энцикл. персон. — Чебоксары, 2014. — Кн. 1. — С. 279-280;
- Промежуточный финиш Вячеслава Краснова // Почтовый экспресс. — 2010. — 10-16 нояб. (№ 45). — С. 13;
- Светлой памяти Вячеслава Максимовича Краснова : [некролог] // Республика. — 2015. — 26 авг. (№ 41). — С. 12 : фот. цв.;
- Спортсмены и тренеры // Славные имена Земли чувашской : книга-альбом. — Чебоксары, 2022. — С. 263-276.
Каҫӑсем
Темӑпа ҫыхӑннисем
| Чӑваш Республикин спорт министрӗсем | |
|---|---|
| Вӑй-хал культурин облаҫ канашӗн ертӳҫисем | |
| Чӑваш АССР физкультурӑпа спорт комитечӗн пуҫлӑхӗсем |
|
| Чӑваш Республикин физкультура, спорт тата туризм министрӗсем | |
| Чӑваш Республикин физкультурӑпа спорт министрӗсем | |
