Филиппов Василий Филиппович
Филиппов Василий Филиппович (1930 ҫулхи нарӑсӑн 11-мӗшӗ, Кивĕ Тутайкасси, Чăваш Автономиллĕ Социализмлă Совет Республики — 2014 ҫулхи авӑнӑн 26-мӗшӗ, Шупашкар) — патшалӑх ӗҫченӗ, спорт йӗркелӳҫи, акробатика енӗпе СССР спорт мастерӗ (1965), Чӑваш Республикин тава тивӗҫлӗ физкультурӑпа спорт ӗҫченӗ (1981), 1975—1990 ҫулсенче Чӑваш АССР физкультурӑпа спорт комитечӗн председателӗ пулнӑ[1].
Пурнӑҫӗпе ӗҫӗ-хӗлӗ
1930 ҫулхи нарӑсӑн 11-мӗшӗнче Чӑваш АССРӗн Ҫӗрпӳ районӗнчи Кивӗ Тутайкасси ялӗнче ҫуралнӑ[1].
Шупашкарти 1-мӗш ача-пӑчапа ҫамрӑксен спорт шкулӗнче спортпа кӑсӑкланма пуҫланӑ. Киеври вӑй-хал культурин институтне вӗренсе пӗтернӗ. 1959—1960 ҫулсенче «Спартак» ирӗклӗ спортобществӑн(выр.)чăв. Украина ССРӗн Запорожье облаҫ(выр.)чăв. канашӗн вӗренӳпе спорт пайӗн заведующийӗнче, 1960—1966 ҫулсенче Шупашкарти 2-мӗш тата 10-мӗш вӑтам шкулсен физкультура учителӗнче, 1966—1975 ҫулсенче «Труд» ирӗклӗ спорт обществин(выр.)чăв. Чӑваш облаҫ канашӗн председателӗнче вӑй хунӑ[1].
1975—1990 ҫулсенче Чӑваш АССР физкультурӑпа спорт комитечӗн председателӗ пулса ӗҫленӗ[1].
СССР тата РСФСР пӗрлештернӗ командисене тӗнче шайӗнчи ӑмӑртусене илсе ҫӳренӗ. «Труд» ирӗклӗ спортобществӑн тата Профсоюзсен ирӗклӗ спорт обществин Тӗп канашӗсен пайташне, 1987—1990 ҫулсенче РСФСР Олимп пухӑвӗн пайташне суйланнӑ[2].
Спортри ҫитӗнӗвӗсем
- Акробатика енӗпе СССР спорт мастерӗ (1965);
- Мускав чемпионӗ тата Мускав Кубокӗн ҫӗнтерӳҫи (1966);
- акробатика енӗпе мӑшӑр арҫын йышӗнче РСФСР чемпионачӗн бронза призерӗ (1965);
- акробатика енӗпе мӑшӑр арҫын йышӗнче Украина чемпионачӗн призерӗ (1959, 1960)[2].
Хисепӗсем
- Халӑхсен туслӑхӗн орденӗ (1989);
- Чӑваш АССР Аслӑ Канашӗн, Министрсен Канашӗн тата КПСС Чӑваш обкомӗн Хисеп хучӗсем;
- «СССР Физкультурӑпа спорт отличникӗ» паллӑ(выр.)чăв.;
- Чӑваш АССРӗн тава тивӗҫлӗ физкультурӑпа спорт ӗҫченӗ (1981)[2].
Ӑнлантарусем
- ^ 1, 2, 3, 4 Н. Г. Скородумов. Филиппов Василий Филиппович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 25-мӗшӗ.
- ^ 1, 2, 3 Ушел из жизни Василий Филиппович Филиппов (выр.). Официальный портал органов власти Чувашской Республики. Министерство физической культуры и спорта Чувашской Республики. Пӑхнӑ кун: 2025 ҫулхи ҫурлан 25-мӗшӗ.
Вуламалли
- Его добрые дела сохраняется в сердцах земляков // Цивильский вестник. — 2014. — 3 окт. — С. 7. — (Память);
- Скородумов, Г. Н. Филиппов Василий Филиппович / Г. Н. Скородумов // Чувашская энциклопедия. — Чебоксары, 2011. — Т. 4 : Си-Я. — С. 365;
- Светлой памяти Филиппова Василия Филипповича // Советская Чувашия. — 2014. — 30 сент. — С. 4 : фот.;
- Скородумов, Г. Н. Филиппов Василий Филиппович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — С. 221;
- Филиппов Василий Филиппович // Край Цивильский : краткая энцикл. р-на. — Чебоксары, 2008. — С. 310.
Каҫӑсем
Темӑпа ҫыхӑннисем
| Чӑваш Республикин спорт министрӗсем | |
|---|---|
| Вӑй-хал культурин облаҫ канашӗн ертӳҫисем | |
| Чӑваш АССР физкультурӑпа спорт комитечӗн пуҫлӑхӗсем |
|
| Чӑваш Республикин физкультура, спорт тата туризм министрӗсем | |
| Чӑваш Республикин физкультурӑпа спорт министрӗсем | |
