Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Шелтуков Сергей Сильвестрович

Шелтуков Сергей Сильвестрович (1971 ҫулхи утӑн 3-мӗшӗ, Ҫирӗклӗ Шӑхаль, Чăваш Автономиллĕ Социализмлă Совет Республики — 2018 ҫулхи авӑнӑн 11-мӗшӗ, Шупашкар) — патшалӑх ӗҫченӗ, Чӑваш Республикин физкультурӑпа спорт министрӗ (2015—2018).

Пурнӑҫӗпе ӗҫӗ-хӗлӗ

1971 ҫулхи утӑ уйӑхӗн 3-мӗшӗнче Чӑваш АССРӗн Елчӗк районӗнчи Ҫирӗклӗ Шӑхаль ялӗнче ҫуралнӑ. Ҫирӗклӗ Шӑхаль вӑтам шкулне вӗренсе пӗтернӗ, И. Я. Яковлев ячӗллӗ Чӑваш патшалӑх педагогика институтӗнче аслӑ пӗлӳ илнӗ, Атӑл-Вятка патшалӑх хӗсмечӗн академийӗнче (Шупашкар хулинчи филиалӗнче) пӗлӗвне ӳстернӗ[1].

Ҫамрӑк чухнех йывӑр атлетикӑпа тата пауэрлифтингпа(выр.)чăв. кӑсӑкланнӑ, Елчӗкри ачасемпе ҫамрӑксен спорт шкулне(выр.)чăв. ҫӳренӗ. Ҫак икӗ тӗспе спорт мастерӗн кандидачӗ(выр.)чăв.. Ҫӑмӑл атлетика тата йывӑр атлетика енӗпе Пӗтӗм Раҫҫей категориллӗ судья(выр.)чăв. пулнӑ[1].

1992 ҫулхине тӑван Ҫирӗклӗ Шӑхаль вӑтам шкулӗнче физкультура учителӗ пулса ӗҫлеме пуҫланӑ (1992—1997). 1997 ҫулта Чӑваш Республикин Физкультура, спорт тата туризм министерствине ӗҫлеме куҫнӑ (1997—1998), тепӗр ҫултанах 5-мӗш номерлӗ ача-пӑчапа ҫамрӑксен спорт шкулӗн директорӗн ҫумӗ пулса тӑнӑ (1998—2004). 2004 ҫултанпа А. Игнатьев ячӗллӗ Чӑваш Республикин пӗрлештернӗ командисен спорт хатӗрленӗвӗн центрне ертсе пынӑ (2004—2012). 2012—2015 ҫулсенче Чӑваш Республикин физкультурӑпа спорт министрӗн ҫумӗ пулнӑ, 2015 ҫулхи юпа уйӑхӗн 5-мӗшӗнче Чӑваш Республикин физкультурӑпа спорт министрне ҫирӗплетнӗ[1].

2018 ҫулхи авӑн уйӑхӗн 11-мӗшӗнче Шупашкарта пурнӑҫран уйрӑлнӑ[2].

Хисепӗсем

Астӑвӑм

  • Шупашкарта С. С. Шелтукова асӑнса ҫулсерен йывӑр атлетика енӗпе ӑмӑрту иртет[3].

Ӑнлантарусем

  1. ^ 1, 2, 3 Н. С. Головина. Шелтуков Сергей Сильвестрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 15-мӗшӗ.
  2. ^ 1, 2 Памяти Шелтукова Сергея Сильвестровича (выр.). Официальный портал органов власти Чувашской Республики. Министерство труда и социальной защиты Чувашской Республики (13 авӑнӑн 2018). Пӑхнӑ кун: 2025 ҫулхи ҫурлан 15-мӗшӗ.
  3. ^ 11 сентября прошла торжественная церемония открытия VI Открытых республиканских соревнований по тяжелой атлетике среди мужчин и женщин, юношей и девушек, посвященные памяти Заслуженного работника физической культуры и спорта Чувашской Республики Шелтукова Сергея Сильвестровича (выр.). Управление физической культуры и спорта администрации города Чебоксары (11 авӑнӑн 2024). Пӑхнӑ кун: 2025 ҫулхи ҫурлан 15-мӗшӗ.

Вуламалли

  • Скородумов, Н. Г. Шелтуков Сергей Сильвестрович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2012. — С. 266.

Каҫӑсем

Темӑпа ҫыхӑннисем

Категорисем