Асӑнупа хурлану кунӗ

Дмитрий Медведевпа Александр Лукашенко Брест крепоҫне хӳтӗлекенӗсене асӑнса лартнӑ мемориал патне чечек хураҫҫӗ, 2008 ҫулхи ҫӗртмен 22-мӗшӗ

Асӑнупа хурлану кунӗ^[1] — 1941 ҫулхи ҫӗртмен 22-мӗшӗнче Тӑван Ҫӗршывӑн Аслӑ вӑрҫи пуҫланнине халалланӑ астӑвӑм кунӗ. Ҫӗртмен 22-мӗшӗнче кашни ҫул нацистла Германи СССР ҫине пырса тапӑннӑранпа ҫулталӑк ҫитнӗ ятпа Раҫҫейре^[2], Украинӑра («Вӑрҫӑра шар курнисемшӗн хурланмалли тата вӗсене чысламалли кун») тата Беларуҫре («Тӑван Ҫӗршывӑн Аслӑ вӑрҫинче шар курнисене пӗтӗм халӑхпа асӑнмалли кун») палӑртаҫҫӗ.

Раҫҫейре

Борис Ельцин Раҫҫей Федераци Президенчӗн 1996 ҫулхи ҫӗртмен 8-мӗшӗнчи 857 № Хушӑвӗпе ҫӗртмен 22-мӗшне Раҫҫейре «Асӑнупа хурлану кунӗ» тесе пӗлтернӗ.

Ҫак кун патшалӑх учрежденийӗсен ҫурчӗсем ҫинче патшалӑх ялавӗсене, ТҪФ карапӗсем ҫинче — Андреевски ялавӗсене антараҫҫӗ, пурӑнмалли ҫуртсем ҫине траурлӑ хӑюсемлӗ ялавсем ҫакаҫҫӗ. Культура учрежденийӗсенче, телекуравпа радиора кун тӑршшӗпех хаваслӑ мероприятисем ирттермеҫҫӗ, унашкал передачӑсем тухмаҫҫӗ^[3].

Ҫӗршывӗпех астӑвӑм мероприятийӗсем иртеҫҫӗ, Тӑван Ҫӗршывӑн Аслӑ вӑрҫин палӑкӗсем патне чечексемпе чечек кӑшӑлӗсем хураҫҫӗ, Асӑну ҫурти акци иртет. Ҫак куна уйрӑмах анлӑ Хӗҫпӑшаллӑ вӑйсен ҫар чаҫӗсенче палӑртаҫҫӗ.

Раҫҫей Президенчӗ, Правительство Председателӗ, Федераци Канашӗн Председателӗ, Патшалӑх думин Председателӗ, Правительство членӗсем, Патшалӑх думин депутачӗсем, сенаторсем, ветерансен пӗрлешӗвӗсен ҫыннисем Александр садӗнчи Паллӑ мар Салтакӑн Вилтӑпри патне чечек кӑшӑлӗсем хураҫҫӗ.

Украинӑра

Украинӑра Вӑрҫӑра шар курнисемшӗн хурланмалли тата вӗсене чысламалли кунне () палӑртма Леонид Кучма президентӑн 2000 ҫулхи чӳк уйӑхӗн 17-мӗшӗнчи хушӑвӗпе йышӑннӑ. Унта палӑртнӑ тӑрӑх, ҫак куна «Тӑван Ҫӗршывӑн 1941–1945 ҫулсенчи Аслӑ вӑрҫи вӑхӑтӗнче пуҫ хунӑ Украина халӑхӗн ывӑлӗсемпе хӗрӗсене, хӑйсен пурнӑҫне шеллемесӗр паттӑрлӑх кӑтартнине асра тытса, пӗтӗм халӑхпа пӗрле чыслас тӗллевпе» ирттереҫҫӗ^[4].

Беларуҫре

Беларуҫре «Тӑван Ҫӗршывӑн Аслӑ вӑрҫинче шар курнисене пӗтӗм халӑхпа асӑнмалли кун» (бел. Дзень усенароднай памяці ахвяр Вялікай Айчыннай вайны)^[5] ятпа палӑртаҫҫӗ. Каярахпа ӑна «Тӑван Ҫӗршывӑн Аслӑ вӑрҫинче шар курнисене пӗтӗм халӑхпа асӑнмалли тата беларуҫ халӑхӗн геноцичӗн астӑвӑм кунӗ» ят панӑ.

Ҫавӑн пекех пӑхӑр

Ӑнлантарусем

^ ҫавӑн пекех тӗл пулаҫҫӗ: Астӑвӑмпа хурлану кунӗ, Астӑвăмпа хурлӑх кунĕ
^ Федеральный закон от 13 марта 1995 г. № 32-ФЗ «О днях воинской славы и памятных датах России» (выр.). Kremlin.ru. Пӑхнӑ кун: 9 Нарӑс уйӑхӗн 2022. Архивланӑ 26 Чӳк уйӑхӗн 2021 ҫул.
^ Указ Президента России от 8 июня 1996 года № 857 (паллӑ мар). Предпринимательское право (8 Ҫӗртме уйӑхӗн 1996). Пӑхнӑ кун: 22 Ҫӗртме уйӑхӗн 2009. Архивланӑ 18 Утӑ уйӑхӗн 2012 ҫул.
^ Указ Президента України «Про День скорботи і вшанування пам'яті жертв війни в Україні» (укр.). zakon.rada.gov.ua (17 Чӳк уйӑхӗн 2000). Пӑхнӑ кун: 10 Ҫу уйӑхӗн 2021. Архивланӑ 11 Ҫу уйӑхӗн 2021 ҫул.
^ День всенародной памяти жертв Великой Отечественной войны в Беларуси (выр.). Беларуҫ Республикин Хӳтӗлев министерстви. Пӑхнӑ кун: 12 Нарӑс уйӑхӗн 2022. Архивланӑ 21 Ҫу уйӑхӗн 2021 ҫул.

Каҫӑсем

[1] ҫавӑн пекех тӗл пулаҫҫӗ: Астӑвӑмпа хурлану кунӗ, Астӑвăмпа хурлӑх кунĕ

[2] Федеральный закон от 13 марта 1995 г. № 32-ФЗ «О днях воинской славы и памятных датах России» (выр.). Kremlin.ru. Пӑхнӑ кун: 9 Нарӑс уйӑхӗн 2022. Архивланӑ 26 Чӳк уйӑхӗн 2021 ҫул.

[3] Указ Президента России от 8 июня 1996 года № 857 (паллӑ мар). Предпринимательское право (8 Ҫӗртме уйӑхӗн 1996). Пӑхнӑ кун: 22 Ҫӗртме уйӑхӗн 2009. Архивланӑ 18 Утӑ уйӑхӗн 2012 ҫул.

[4] Указ Президента України «Про День скорботи і вшанування пам'яті жертв війни в Україні» (укр.). zakon.rada.gov.ua (17 Чӳк уйӑхӗн 2000). Пӑхнӑ кун: 10 Ҫу уйӑхӗн 2021. Архивланӑ 11 Ҫу уйӑхӗн 2021 ҫул.

[5] День всенародной памяти жертв Великой Отечественной войны в Беларуси (выр.). Беларуҫ Республикин Хӳтӗлев министерстви. Пӑхнӑ кун: 12 Нарӑс уйӑхӗн 2022. Архивланӑ 21 Ҫу уйӑхӗн 2021 ҫул.

[1]

[2]

[3]

[4]

[5]