Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Зиньков Георгий Георгиевич

Disambig gray.svg Зиньков хушаматлă урăх çынсем çинчен РУВИКИ-ре статьясем пур.

 

Зиньков Георгий Георгиевич (1918 ҫулхи ҫӗртмен 24-мӗшӗ, Ҫатра, Чикме уесӗ, Хусан кӗпӗрни — 1991 ҫулхи кӑрлачӑн 8-мӗшӗ, Шупашкар, Чӑваш Республики) — фотокорреспондент, СССР Журналистсен союзӗн пайташӗ (1969), Чӑваш АССРӗн тава тивӗҫлӗ культура ӗҫченӗ (1978).

Пурнӑҫӗпе ӗҫӗ-хӗлӗ

1918 ҫулхи ҫӗртмен 24-мӗшӗнче Хусан кӗпӗрнинчи Чикме уесӗнчи Ҫатра (халӗ Чӑваш Республикинчи Етӗрне районне кӗрет) ялӗнче ҫуралнӑ. Етӗрне районӗнчи Урпаш шкулне, «Пуҫламӑш классен вӗрентекенӗ» специальноҫпа Етӗрнери педагогика техникумне вӗренсе пӗтернӗ. Чӑваш АССРӗн Калинин (халӗ — Вӑрнар) районӗнчи Сӑкӑтри тулли мар вӑтам шкулта 5—7 классене историпе географи вӗрентнӗ (1939).

1940 ҫулта Хӗрлӗ Ҫар ретне тӑнӑ. Тӑван Ҫӗршывӑн Аслӑ вӑрҫине хутшӑннӑ (1941—1945 ҫҫ.). Беларуҫпа Польшӑна ирӗке кӑларассишӗн пынӑ ҫапӑҫусене хутшӑннӑ, ҫар хӗсметне Монгол Халӑх Республикинче (1945) вӗҫленӗ. Орёл 54-мӗш бомбӑлакан авиаци дивизийӗн управленийӗн фотоуйрӑмӗнче электромеханик-шофёр пулнӑ. Фронтри авиаци лётчикӗсемпе пӗрле тӑшман вырнаҫнӑ тӑрӑхсенче вӗҫнӗ, тӑшмансен позицийӗсене аэрофотоӳкерӳ тунӑ. Унӑн сӑнӳкерчӗкӗсемпе ҫар штабӗсем ҫар операцийӗсене планланӑ чухне усӑ курнӑ. Пушӑрах чухне дивизири лӗтчиксене, ӗҫлекенсене ӳкернӗ, вӗсен сӑнӗсене дивизи хаҫатӗнче пичетленӗ.

Вӑрҫӑ хыҫҫӑн «Чӑваш коммуни» хаҫатӑн фотокорреспонденчӗ (1952 ҫултанпа – «Коммунизм ялавӗ», 1991 ҫултанпа – «Хыпарта») пулса ӗҫлеме пуҫланӑ. 70-мӗш ҫулсен вӗҫӗчченех тӑрӑшнӑ ку ӗҫре. СССР Журналистсен союзӗн Чӑваш уйрӑмӗнчи фотокорреспондентсен секцине ертсе пынӑ. Мускаври тата Шупашкарти фотокуравсене хутшӑннӑ.

Ӗҫӗсен тӗп тематики: халӑх хуҫалӑхне вӑрҫӑ хыҫҫӑн ҫӗклени, республикӑри хуласемпе (Шупашкар, Ҫӗнӗ Шупашкар, Улатӑр, Ҫӗмӗрле, Канаш…) районсенче ҫӗнӗ предприятисем ҫӗклесе хута яни, ӗҫ халӑхӗн — рабочисен, колхозниксен, ытти профессиллӗ ҫынсен — ҫитӗнӗвӗсем. Мирлӗ саманара та аэрофотоӳкерӳ мелӗпе час-часах усӑ курнӑ.

1991 ҫулхи кӑрлачӑн 8-мӗшӗнче Шупашкар хулинче вилнӗ.

Хисепӗсем

  • «Ҫарти тивӗҫлӗ ӗҫсемшӗн» медаль (1943)[1],
  • «1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль (1946)[2],
  • «Японие ҫӗнтернӗшӗн» медаль (1946),
  • «Хастар ӗҫленӗшӗн. В. И. Ленин ҫуралнӑранпа 100 ҫул ҫитнине халалласа» медаль (1970),
  • КПСС Чӑваш обкомӗпе Чӑваш АССР Министрсен Канашӗн Хисеп грамоти (1973),
  • Чӑваш АССР Аслӑ Канашӗн Президиумӗн Хисеп грамоти (1976),
  • Чӑваш АССРӗн тава тивӗҫлӗ культура ӗҫченӗ (1978)[3].

Астӑвӑм

Ӑнлантарусем

  1. ^ https://podvignaroda.ru/?#id=21926850&tab=navDetailDocument
  2. ^ https://pamyat-naroda.ru/heroes/podvig-nagrada_kartoteka1265505462/?backurl=%2Fheroes%2F%3Fadv_search%3Dy%26last_name%3D%D0%97%D0%B8%D0%BD%D1%8C%D0%BA%D0%BE%D0%B2%20%20%20%26first_name%3D%D0%93%D0%B5%D0%BE%D1%80%D0%B3%D0%B8%D0%B9%26middle_name%3D%D0%93%D0%B5%D0%BE%D1%80%D0%B3%D0%B8%D0%B5%D0%B2%D0%B8%D1%87%26date_birth_from%3D24.06.1918%26static_hash%3D9d797879da884f110078fa1fdbff2b40b3573f3600cdbc1aa8742bd494516397v9%26group%3Dall%26types%3Dpamyat_commander%3Anagrady_nagrad_doc%3Anagrady_uchet_kartoteka%3Anagrady_ubilein_kartoteka%3Apdv_kart_in%3Apdv_kart_in_inostranec%3Apamyat_voenkomat%3Apotery_vpp%3Apamyat_zsp_parts%3Akld_ran%3Akld_bolezn%3Akld_polit%3Akld_upk%3Akld_vmf%3Akld_partizan%3Apotery_doneseniya_o_poteryah%3Apotery_gospitali%3Apotery_utochenie_poter%3Apotery_spiski_zahoroneniy%3Apotery_voennoplen%3Apotery_iskluchenie_iz_spiskov%3Apotery_kartoteki%3Apotery_rvk_extra%3Apotery_isp_extra%3Asame_doroga%3Asame_rvk%3Asame_guk%3Apotery_knigi_pamyati%26page%3D1%26grouppersons%3D1&
  3. ^ http://elbib.nbchr.ru/lib_files/0/kofd_0_0003365.pdf
  4. ^ https://sv21.ru/blog/%D0%BE%D1%82%D0%BA%D1%80%D1%8B%D1%82-%D0%BC%D1%83%D0%B7%D0%B5%D0%B9-%D1%84%D0%BE%D1%82%D0%BE%D0%BA%D0%BE%D1%80%D1%80%D0%B5%D1%81%D0%BF%D0%BE%D0%BD%D0%B4%D0%B5%D0%BD%D1%82%D0%BE%D0%B2/

Вуламалли

  • Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 152. — 559 с. — ISBN 978-5-7670-2156-7.
  • Автор и руководитель проекта С. В. Журавлёв. Фотокорреспонденты Чувашии. Биографии - Чӑваш Ен фотокорреспонденчӗсем. Вӗсен пурнӑҫ ҫулӗ. — Чувашское книжное издательство, 2021. — Т. 1. — С. 113—124, 259. — 264 с. — ISBN 978-5-7670-3058-3.
  • В. П. Комиссаров, А. И. Михайлов. Журналисты Чувашии. — Чувашское книжное издательство, 2005. — С. 100—101. — 208 с. — ISBN 5-7670-1467-1.

Каҫӑсем

Категорисем