Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Элпуҫ вӑтам шкулӗ

Элпуҫ вӑтам шкулӗ (выр. Алдиаровская средняя школа) — Тӑвай муниципаллӑ округӗнчи вӑтам шкул, Элпуҫ салинче вырнаҫнӑ.

Адресӗ: Тӑвай районӗ, Элпуҫ сали, Ҫыранҫи тӑкӑрлӑкӗ, 14-мӗш ҫурт[1].

Директорӗ: Кабакова Лариса Анатольевна[2].

Шкул историйӗ

Сӑваплӑ Гурий Тӑванлӑхӗ Элпуҫри пуҫламӑш училищене 1880 ҫулта уҫнӑ. Ачасене чи малтан вӗрентнӗ ҫын Смирнов Ф.Т. пулнӑ[3].

1892 ҫулта Элпуҫре чиркӳ уҫнӑ, ҫапла май вӑл чиркӳ прихучӗн шкулӗ пулса тӑнӑ[4].

XX ӗмӗрте шкул статусӗ улшӑнса пынӑ: пӗрремӗш ступеньлӗ совет шкулӗ (1917; ачасене Алексеев Г. вӗрентнӗ), ҫичӗ ҫул вӗренмелли шкул, колхоз ҫамрӑкӗсен шкулӗ (1931). Пӗрремӗш директор вырӑнне Герасимов М. йышӑннӑ[4].

1939 ҫулта Элпуҫран инҫе мар шкул валли икӗ хутлӑ ҫурт туса лартнӑ[3].

1941–1945 ҫулсенчи Тӑван Ҫӗршывӑн Аслӑ вӑрҫи вӑхӑтӗнче шкулта малтан ҫарпа уй шкулӗ вырнаҫнӑ, каярах — тӑлӑх ачасен ҫурчӗ[4].

1953 ҫулта шкул вӑтам шкул статусне ҫитнӗ. Унтан пӗрремӗш ачасем 1956 ҫулта вӗренсе тухнӑ, вӗсем 44 ача пулнӑ[3].

2010 ҫул вӗҫӗнче, раштавӑн 30-мӗшӗнче, 140 ача вӗренмелӗх шкулӑн ҫӗнӗ ҫуртне хута янӑ[3].

Шкул директорӗсем

Шкулӑн заведующийӗ тата директорӗ пулса тӗрлӗ вӑхӑтра ҫак ҫынсем ӗҫленӗ: Сергеев В.С., Бурлакова О.А., Ефремов Г.Е., Семенов Н.С., Павлов В.П., Матвеев Ю.П., Васильева З.Д., Колоколов Ю.С., Васильев Ю.Е., Прокопьева Г.М., Михайлова М.П., Груздев В.Г.[4]

Хальхи вӑхӑтра шкул директорӗн вырӑнне Кабакова Л.А. йышӑнать[4][2].

Паллӑ ҫынсем

Шкултан вӗренсе тухнӑ паллӑ ҫынсем[4]:

Ҫавӑн пекех шкултан вӗренсе тухнӑ 20 ача каярах вӑл е ку енӗпе ӑслӑлӑх кандидачӗ пулса тӑнӑ[4].

Хальхи вӑхӑтра

Шкулта тивӗҫлӗ пӗлӳ илме паракан мӗнпур вӗренӳпе меслетлӗх хатӗрӗсем пур, кунта ҫӗнӗ оборудовани вырнаҫтарнӑ. Шкулта компьютер класӗ (30 компьютер), столовӑй (40 вырӑн), вулавӑш, спорт залӗ, футбол уйӗ, гимнастика лапамӗ, медицина кабинечӗ пур. Шкулӑн ачасене турттармашкӑн автобус пур[3][5].

Шкулта вӗренекен ачасене вӗри апатпа тивӗҫтереҫҫӗ. Ку тӗлӗшпе «Янтиковский общепит» ТМЯП-па килӗшӳ тунӑ[6].

Ӑнлантарусем

  1. ^ Сведения об образовательной организации (выр.). Муниципальное автономное общеобразовательное учреждение «Алдиаровская средняя общеобразовательная школа» Янтиковского муниципального округа Чувашской Республики. Пӑхнӑ кун: 2025 ҫулхи утӑн 24-мӗшӗ.
  2. ^ 1, 2 Администрация (выр.). Муниципальное автономное общеобразовательное учреждение «Алдиаровская средняя общеобразовательная школа» Янтиковского муниципального округа Чувашской Республики. Пӑхнӑ кун: 2025 ҫулхи утӑн 24-мӗшӗ.
  3. ^ 1, 2, 3, 4, 5 Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 28. — 636 с. — ISBN 978-5-907246-52-2.
  4. ^ Материально-техническое обеспечение и оснащённость образовательного процесса (выр.). Муниципальное автономное общеобразовательное учреждение «Алдиаровская средняя общеобразовательная школа» Янтиковского муниципального округа Чувашской Республики. Пӑхнӑ кун: 2025 ҫулхи утӑн 24-мӗшӗ.
  5. ^ Организация питания в образовательной организации (выр.). Муниципальное автономное общеобразовательное учреждение «Алдиаровская средняя общеобразовательная школа» Янтиковского муниципального округа Чувашской Республики. Пӑхнӑ кун: 2025 ҫулхи утӑн 24-мӗшӗ.

Вуламалли

  • Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 28. — 636 с. — ISBN 978-5-907246-52-2.

Каҫӑсем

Темӑпа ҫыхӑннисем

Категорисем