Кондратьев Станислав Алексеевич
Кондратьев Станислав Алексеевич (1938 ҫулхи чӳкӗн 14-мӗшӗ, Туктамăш, Хĕрлĕ Чутай районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2020 ҫулхи авӑнӑн 21-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — чӑваш юрӑҫи, музыка педагогӗ, Чӑваш АССР тава тивӗҫлӗ культура ӗҫченӗ (1979), РСФСР тава тивӗҫлӗ культура ӗҫченӗ (1991), Раҫҫей Федерацийӗн тава тивӗҫлӗ ӳнер ӗҫченӗ (2009)[1].
Пурнӑҫӗпе ӗҫӗ-хӗлӗ
1938 ҫулхи чӳк уйӑхӗн 14-мӗшӗнче Чӑваш АССРӗн Хӗрлӗ Чутай районӗнчи Туктамӑш ялӗнче ҫуралнӑ[1].
Хусанти патшалӑх консерваторине вӗренсе пӗтернӗ, 1965 ҫулта Чӑваш музыка театрӗн солист-вокалисчӗ пулса ӗҫлеме пуҫланӑ. Ҫак оперӑсенчи тӗп партисене — Палля (Ф. Васильевӑн «Шывармань»), Петька тата Eсаул (Б. Мокроусовӑн «Чапаев»), Сетнер (Г. Хирбюн «Нарспи»), Андрей (Гулак-Артемскин «Запорожец за Дунаем»), Ленский (П. Чайковскин «Евгений Онегин»), Альмавив (Д. Россинин «Севильский цирюльник»), Герцог (Д. Вердин «Риголетто» ), Альфред (Д. Вердин «Травиатта») тата ыттисем — юрланӑ.
1973 ҫулта Хусанти патшалӑх консерваторийӗн аспирантурине вӗренсе пӗтернӗ хыҫҫӑн Ф. П. Павлов ячӗллӗ Шупашкарти музыка училищин вокал уйрӑмӗн заведующине лартнӑ. Унта 30 ҫул ытла ӗҫленӗ, Чӑваш Республикинчи тата Раҫҫей Федерацийӗнчи театрсем валли ӳнер кадрӗсем хатӗрлес ӗҫе пысӑк тӳпе хывнӑ.
2002 ҫултанпа Чӑваш патшалӑх культурӑпа ӳнерсен институтӗнче вокал искусствин кафедринче ӗҫленӗ.
2005 ҫултан тата мӗн виличченех И. Н. Ульянов ячӗллӗ Чӑваш патшалӑх университечӗн вокал искусствин кафедринче ӗҫленӗ. 2008—2018 ҫулсенче вокал искусствин кафедрин заведующийӗ пулнӑ[2].
200 яхӑн профессиллӗ юрӑҫ вӗрентсе кӑларнӑ. Андрей Ланцов, Лидия Толстова, Алексей Дубенко ячӗсем Европӑпа Америкӑн театр афишисенче нумай хутчен палӑрнӑ. Унӑн вӗренекенӗсем малалла Мускаври, Ленинградри, Хусанти, Чулхулари тата ытти консерваторисенче вӗренӗве малалла тӑснӑ. Нумайӑшӗ Мускав, Чулхула, Хусан, Владивосток, Сыктывкар, Йошкар-Ола, Шупашкар тата ытти хуласенчи театрсенче юрланӑ. Вӗренсе тухакансем тӗнче шайӗнчи конкурссен лауреачӗсем пулса тӑнӑ, «Чӑваш Республикин тава тивӗҫлӗ артисчӗ», «Чӑваш Республикин халӑх артисчӗ», «Чӑваш Республикин тава тивӗҫлӗ культура ӗҫченӗ» ятсене тивӗҫнӗ[3].
1987 ҫулта С. А. Кондратьева РСФСР Культура министерстви ҫумӗнчи вокал вӗрентӗвӗ енӗпе ӑслӑлӑхпа меслетлӗх канашне кӗртнӗ, 2008 ҫулхи нарӑс уйӑхӗнчен пуҫласа «Раҫҫей сасӑ академийӗ» Раҫҫейри обществӑлла организацин пайташӗ шутланнӑ.
2020 ҫулхи авӑн уйӑхӗн 21-мӗшӗнче Шупашкарта вилнӗ[1].
Хисепӗсем
- Чӑваш АССР тава тивӗҫлӗ культура ӗҫченӗ (1979);
- РСФСР тава тивӗҫлӗ культура ӗҫченӗ (1991)[4];
- Чӑваш Республикин Президенчӗн Тав хучӗ (2003);
- СССР Культура министерствипе культура ӗҫченӗсен профсоюзӗн тӗп комитечӗн «Яла культура енчен аталантарас ӗҫ отличникӗ» паллӑ (1977);
- СССР Культура министерствин «Лайӑх ӗҫленӗшӗн» паллӑ (1987);
- Чӑваш Республикин Патшалӑх Канашӗн Хисеп хучӗ (2003, 2010).
Ӑнлантарусем
- ^ 1, 2, 3 Бушуева Л. И. Кондратьев Станислав Алексеевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 16-мӗшӗ.
- ^ Чувашский государственный университет им. И.Н. Ульянова » Светлой памяти Кондратьева Станислава Алексеевича (англ.). www.chuvsu.ru. Пӑхнӑ кун: 2026 ҫулхи нарӑсӑн 16-мӗшӗ.
- ^ Станислав Кондратьев: Мои ученики – это моя жизнь — Советская Чувашия(паллӑ мар). sovch.chuvashia.com. Пӑхнӑ кун: 2026 ҫулхи нарӑсӑн 16-мӗшӗ.
- ^ Станиславу Кондратьеву присвоено почетное звание «Заслуженный деятель искусств Российской Федерации» (выр.). Официальный портал органов власти Чувашской Республики. Министерство культуры, по делам национальностей и архивного дела Чувашской Республики (9 авӑнӑн 2009). Пӑхнӑ кун: 2026 ҫулхи нарӑсӑн 16-мӗшӗ.
Вуламалли
- Анисимов, Г. Ҫӗршыв, эп сан ҫинчен юрлатӑп… : [Чӑваш Патшалӑх культурӑпа искусство институчӗн профессорӗ Станислав Алексеевич Кондратьев ҫинчен] / Г. Анисимов // Пирӗн пурнӑҫ (Хӗрлӗ Чутай районӗ). — 2008. — 10 дек.
- Кондратьев, С. Станислав Кондратьев: «Ҫамрӑк ӑру пирӗн ӗҫе малалла тӑсассине ӗненетӗп» / С. Кондратьев ; Н. Царыгина ҫырса илнӗ // Самант. — 2015. — № 10. — С. 12-13 : сӑн ӳкерчӗк.
- Кондратьев, С. А. Станислав Кондратьев: «Хӑйне мӑнна хуракана чӑваш хисеплемест» : [Чӑваш патшалӑх культурӑпа искусство институчӗн профессорӗпе калаҫни / Э. Иванова ҫырса илнӗ] // Хыпар. — 2017. — 18 утӑ/июль. — С. 4 : сӑн ӳкерчӗксем.
- Савинкин, В. Чапшӑн ҫунман / В. Савинкин // Хрсечен сасси. — 1998. — 17 чӳк. — С. 4.
- Сементер, Ю. Шӑпчӑк чунӗ ватӑлмасть / Ю. Сементер // Ялав. — 2002. — № 4. — С. 85-87.
- Юрпаш, Ю. Хӗрӗх хӗлӗх, ҫитмӗл чӗлӗх / Ю. Юрпаш // Ялав. — 1997. — № 6. — С. 102-103.
- Бушуева, Л. И. Кондратьев Станислав Алексеевич / Л. И. Бушуева // Чувашская энциклопедия. — Чебоксары, 2008. — Т. 2 : Ж-Л. — С. 306.
- Кондратьев, М. Редкий дар — гранить таланты / М. Кондратьев // Советская Чувашия. — 2018. — 13 нояб. — С. 3 : фот.
- Кондратьев Станислав Алексеевич // Краткая энциклопедия Красночетайского района. — Чебоксары, 2004. — С. 72-73.
- Кондратьев Станислав Алексеевич : [некролог] // Советская Чувашия. — 2020. — 23 сент. — С. 4 : фот.
- Кондратьев Станислав Алексеевич // Who is Who в России. — 5-е изд. — Zug, 2011. — С. 1126.
- Кондратьев, С. С детства мечтал петь / С. Кондратьев ; [записала] И. Шпак // Чӑваш ен. — 1998. — 21-28 нояб. (№ 46). — С. 8.
- Кондратьев, С. А. Станислав Кондратьев: Мои ученики — это моя жизнь / С. А. Кондратьев ; [беседовал] А. Михайлов // Советская Чувашия. — 2008. — 21 нояб. — С. 3.
- Москалев, К. Как чуваш в Казани аспирантуру открыл : [о засл. деят. искусств Рос. Федерации проф. Станиславе Кондратьеве] / К. Москалев // Советская Чувашия. — 2013. — 13 нояб. — С. 4 : фот.