Алапӳ

Алапӳ (тут. Alabuğa, выр. Елабуга) — Тутарстан хули, Алапӳ районĕн административлă тĕпĕ.

Алапӳ хулин тата Алапӳ районĕн пуçлăхĕ, Алапӳ пĕрлешӳллĕ канашĕн халăх депутатачĕсен ертӳçи — Гафуров Ильшат Рафкатович (1998 çулхи ака уйăхĕнчен).

Хула Чулман Атăлăн сылтăм çыранĕнче, Тойма шывĕ юхса кĕнĕ çĕрте вырнаçнă. Хусана çитме — 215 çухрăм. Çĕр лаптăкĕ — 18,4 çм².

2005 çулта 69,4 пин çын пурăннă. 1995 çулта — 65,8 пин çын. Халăх çыравĕ (1989) тăрăх: кунта вырăссем (58,7 %), тутарсем (34,3 %), чăвашсем (1,7 %) пурăнаççĕ.

Хула Атăлçи Пăлхар патшалăхĕн карманĕ пулнă, халĕ кунта карманăн авалхи ишĕлчĕкĕсем (Чёртово городище) пур. 2007 çулта Алапӳ 1000 çул тултарать. Çавăн пирки пысăк уяв пулать!

Хула транспортӗнче автобуссемпе тата таксипе усӑ кураҫҫӗ.

2025 ҫулхи утӑн 15-мӗшӗнче Алапӳ хули Раҫҫейре электросамокатсене тара пама чарнӑ иккӗмӗш хула пулса тӑнӑ. Ҫул-йӗр хӑрушсӑрлӑх комиссийӗн ларӑвӗнче йышӑннӑ тӑрӑх хула инфраструктури ку йышши транспортпа усӑ курма хатӗр мар пулнине ӗнентернӗ^[2].