Исланди
Исланди (исл. Ísland), — утраври патшалăх, Атлантика океанĕнче Гренланди, Норвеги, Аслӑ Британи тата Фарер утравĕсем хушшинче вырнăçнă. Исланди Европăпа Америка континенчĕсене кĕрет.
Истори
X ĕмĕрте Хитре çӳçлĕ Харальд I Норвегине пĕрлештерме тытăннă хыççăн унпа хирĕçсе кайнисен пурăнмашкăн çĕнĕ вырăн шырама тивнĕ. Вĕсем Исландине çитсе унта вырнаçнă. Малтан вĕсем унта çĕрсене ирĕклĕн пайланă. Исландире вăрмансем çуккине пула вĕсем тинĕс хĕррине пырса çапнă йывăçсене усă курнă.
Пĕрремĕш куçса килнĕ çын вырăнĕнче Ингольв Арнасон шутланать. Вăл хальхи Рейкьявик вырăнне 874 çулта куçса килнĕ.
Хăйĕн пăхăнманлăхне патшалăх 1944 çулхи çĕртме уйăхĕн 17-мĕшĕнче çеç илнĕ. Унчен вăл Норвеги, Дани, Швеци аллисенче пулнă. Çĕртме уйăхĕн 17-мĕшĕ — Пăхăнманлăх кунĕ — патшалăх уявĕ.
