Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Краснов Дмитрий Иванович

Disambig gray.svg Краснов хушаматлă урăх çынсем çинчен РУВИКИ-ре статьясем пур.

Краснов Дмитрий Иванович (ҫур. 1980 ҫулхи кӑрлачӑн 23-мӗшӗ, Шупашкар) — Раҫҫей патшалӑх ӗҫченӗ, Чӑваш Республикин экономика аталанӑвӗпе пурлӑх хутшӑнӑвӗсен министрӗ (2020–2025).

Пурнӑҫӗпе ӗҫӗ-хӗлӗ

1980 ҫулхи кӑрлачӑн 23-мӗшӗнче Шупашкарта ҫуралнӑ[1].

Пӗлӗвӗ

2002 ҫулта И.Н. Ульянов ячӗллӗ Чӑваш патшалӑх университечӗн экономика факультетне вӗренсе пӗтернӗ, «Тӗнче экономики» специальноҫпе вӗренсе тухса «экономист» квалификацине илнӗ. 2016 ҫулта Шупашкарти коопераци институтӗнче «Патшалӑх тата муниципалитет управленийӗ» енӗпе лайӑх вӗренсе тухса магистр дипломне илнӗ. 2018 ҫулта Мускаври Сколково управлени шкулӗнче Executive MBA степене илнӗ[1].

Каярах ҫак ВУЗсенче профессиллӗ пӗлӗвне ӳстернӗ[1]:

  • 2010 ҫулта Мускаври «МАМИ» патшалӑх техника университетӗнче;
  • 2014 ҫулта Г.В. Плеханов ячӗллӗ Раҫҫей экономика университетӗнче.

2021 ҫулта Мускаври Сколково управлени шкулӗнче вӗренӗве вӗҫленӗ[1].

Карьери

Студент чухнех Шупашкарти пӗр федераллӑ страхлакан компанийӗн уйрӑмӗнче ӗҫлеме пуҫланӑ. Алла диплом илнӗ хыҫҫӑн Мускав ӗҫлеме тухса кайнӑ, унта тӗрлӗ страхлакан компанисенче ӗҫленӗ. Каярах пӗр страхлакан компанине ертсе пыма пуҫланӑ, унӑн хуҫи пулса тӑнӑ. Кӑштахран хӑйӗн компанине ҫӗнӗ инвесторсене сутса янӑ, ҫапла май бизнесран тухнӑ[2].

2020 ҫулхи утӑ уйӑхӗн 24-мӗшӗччен, Чӑваш Республикин экономика аталанӑвӗпе пурлӑх хутшӑнӑвӗсен министрӗн тивӗҫне вӑхӑтлӑха пурнӑҫлама лартиччен, Мускаври «Розничное и корпоративное страхование» страхлакан компанире вӑй хунӑ[2].

2025 ҫулхи ҫу уйӑхӗн 7 мӗшӗнче Чӑваш Республикин Пуҫлӑхӗн Олег Николаевӑн 64-мӗш хушӑвӗпе Чӑваш Республикин экономика аталанӑвӗпе пурлӑх хутшӑнӑвӗсен министрӗн тивӗҫӗнчен хӑтарса[3] 2025 ҫулхи ҫу уйӑхӗн 11 мӗшӗнчи 66-мӗш хушӑвӗпе Дмитрий Краснова Чӑваш Республикин Министрсен Кабинечӗн Председателӗн ҫумӗ пулса уйӑрса лартнӑ[4].

2025 ҫулхи ҫурла уйӑхӗн 20 мӗшӗнче Чӑваш Республикин Пуҫлӑхӗн Олег Николаевӑн 134-мӗш хушӑвӗпе Дмитрий Краснова Чӑваш Республикин Министрсен Кабинечӗн Председателӗн ҫумӗн тивӗҫӗнчен хӑтарнӑ[5].

2026 ҫулхи пуш уйӑхӗн 2-мӗшӗнче Донецк Халӑх Республикин пуҫлӑхӗ Денис Пушилин(выр.)чăв. Дмитрий Краснова ДХР правительствинче экономика аталанӑвӗн министрӗн тивӗҫӗсене пурнӑҫлакана уйӑрса лартнӑ[6][7].

Ҫыхӑннӑ пӑтӑрмахсем

Дмитрий Краснова муниципаллӑ «Чувашия-Мед» тата «Чувашская МСК» страхлакан компанисене пӗрлештерессин пуҫаруҫи тесе каланӑ. 2025 ҫул тӗлне ку ӗҫ-пуҫа вӗҫне ҫитереймен[8].

Дмитрий Иванович министрта ларнӑ вӑхӑтра ҫавӑн пекех Куславккапа Сӗнтӗрвӑрри хулисен причалӗсене тума тытӑннӑ. Анчах тӗп подрядчик проекта пурнӑҫлама йывӑр тесе килӗшӗве хӑй енчен татнӑ. Ҫапла май вӗсене туса лартасси тавра йывӑрлӑх сиксе тухнӑ.

Хисепӗсем

Кӑсӑкланӑвӗ

Дмитрий Иванович футболпа тата хоккейпа кӑсӑкланать[2].

Ҫемье

Икӗ ывӑлпа пӗр хӗр ӳстерет. Министра ларнӑ хыҫҫӑн Шупашкара куҫса килнӗ, ачисем кунта вӗренеҫҫӗ[10].

Ӑнлантарусем

  1. ^ 1, 2, 3, 4 Краснов Дмитрий Иванович - Заместитель Председателя Кабинета Министров Чувашской Республики – министр (выр.). Чăваш Республикин Экономика аталанăвĕн тата пурлăх хутшăнăвĕсeн министерстви.
  2. ^ 1, 2, 3 Ольга Казакова. Бизнесмен стал министром (выр.). Советская Чувашия (24 утӑн 2020).
  3. ^ О Краснове Д.И. (выр.). Официальный интернет-портал органов власти Чувашской Республики (7 ҫӑвӑн 2025). Пӑхнӑ кун: 2025 ҫулхи ҫурлан 21-мӗшӗ.
  4. ^ О заместителе Председателя Кабинета Министров Чувашской Республики (выр.). Официальный интернет-портал органов власти Чувашской Республики (11 ҫӑвӑн 2025). Пӑхнӑ кун: 2025 ҫулхи ҫурлан 21-мӗшӗ.
  5. ^ О заместителе Председателя Кабинета Министров Чувашской Республики (выр.). Официальный интернет-портал органов власти Чувашской Республики (20 ҫурлан 2025). Пӑхнӑ кун: 2025 ҫулхи ҫурлан 20-мӗшӗ.
  6. ^ Пушилин второй раз за месяц сменил врио главы Минэкономразвития (выр.). dan-news.ru. Пӑхнӑ кун: 2026 ҫулхи пушӑн 2-мӗшӗ.
  7. ^ Анастасия Алексеева. Бывший вице-премьер Чувашии стал руководителем Минэкономразвития ДНР. Дмитрий Краснов назначен на пост пока в статусе и.о. (выр.). Правда ПФО (2 пушӑн 2026). Пӑхнӑ кун: 2026 ҫулхи пушӑн 2-мӗшӗ.
  8. ^ Дмитрий Краснов ушел в отставку и получил право на выезд за рубеж (выр.). ПравдаПФО (20 ҫурлан 2025). Пӑхнӑ кун: 2025 ҫулхи чӳкӗн 12-мӗшӗ.
  9. ^ Вице-премьера Краснова наградили медалью ордена «За заслуги перед Чувашской Республикой» (выр.). Cheb.ru (15 чӳкӗн 2024).
  10. ^ Владимир Васильев. Дмитрий КРАСНОВ: «Сначала философия, а потом за эту философию мы боремся!» (выр.). Советская Чувашия (1 нарӑсӑн 2021).

Каҫӑсем

Темӑпа ҫыхӑннисем

Категорисем