Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Ильин Сергей Юрьевич

РУВИКИ-ре ҫак хушаматлӑ ытти ҫынсем пирки те статьясем пур: Ильин; Ильин Сергей.

Ильин Сергей Юрьевич (1985 ҫулхи чӳкӗн 26-мӗшӗ, Мăн çырма, Чăваш Автономиллĕ Социализмлă Совет Республики — 2025 ҫулхи утӑн 2-мӗшӗ, Курск облаçĕ)[1] — ҫар ҫынни, гварди полковникӗ, Жуков тата Суворов орденӗсемлӗ 155-мӗш уйрӑм гварди Курск тинӗс ҫар пехотин бригадин командирӗ. Ятарлӑ ҫар операцине хутшӑннӑ. Раҫҫей Федерацийӗн Паттӑрӗ.

Пурнӑҫӗпе ӗҫӗ-хӗлӗ

1985 ҫулхи чӳк уйӑхӗн 26-мӗшӗнче Чӑваш Республикин Вӑрмар районӗнчи Мӑн ҫырма ялӗнче ҫӗрӗҫчен ҫемйинче ҫуралнӑ. 2003 ҫулта Мӑн ҫырмари пӗтӗмӗшле пӗлӳ паракан вӑтам шкултан вӗренсе тухнӑ, шкултан вӗренсе тухсан малалла Хусанти танк училищинче(выр.)чăв. пӗлӳ пухнӑ, 2007 ҫулта вӗренсе тухнӑ. Малалла хӗсмет иртме Владивостока янӑ.

«Хӗвелтухӑҫ — 2009», «Центр — 2011», «Тинӗсри пӗрлӗх — 2015» стратегилле ҫар вӗренӗвӗсене, Сирири ҫар операцине хутшӑннӑ. Парашют спорчӗ енӗпе Раҫҫей спорт мастерӗ[2].

2020 ҫулта Хӗҫпӑшаллӑ Вӑйсен ретӗнче хӗсметре тӑнӑ хушӑрах Мускаври Тӗп штабӑн Ҫар академине(выр.)чăв. вӗренме кӗнӗ, ӑна 2022 ҫулхи утӑ уйӑхӗнче хӗрлӗ дипломпа вӗҫленӗ. Ун хыҫҫӑн Донецк Халӑх Республикин Волноваха(выр.)чăв. районӗнчи десант-штурм батальонӗн командирӗ пулса ятарлӑ ҫар операцине хутшӑннӑ.

Сергей Ильин Раҫҫей Тинӗс Ҫар Флочӗн тӗп командующийӗн ҫумӗпе Михаил Гудковпа(выр.)чăв. пӗрле Курск ҫывӑхӗнче Украина хӗҫпӑшаллӑ вӑйӗсен авиаци тапӑнӑвӗ чухне пуҫ хунӑ[3]. Массӑллӑ информаци хатӗрӗсем пӗлтернӗ тӑрӑх, вӑл тинӗс ҫар пехотин Курск облаҫӗнчи штабӗнче пулнӑ, шӑпах ӑна тӗлленӗ те тӑшман. Авиаци тапӑнӑвӗ вӑхӑтӗнче 10 ҫар ҫыннинчен кая мар вилнӗ, ҫав шутра ертсе пыракан командирсем те[4].

Сергей Ильина 2025 ҫулхи утӑ уйӑхӗн 10-мӗшӗнче тӑван ялӗнче Мӑнҫырмара пытарнӑ[5].

Ҫемье

Сергей Ильин авланнӑ, Кристина арӑмӗ, виҫӗ ачи тӑлӑха юлнӑ.

Амӑшӗ — Елена Фёдоровна, йӑмӑкӗ — Екатерина Юрьевна[6].

Хисепӗсем

  • Раҫҫей Федерацийӗн Паттӑрӗ (вилнӗ хыҫҫӑн)[7];
  • Приморье Паттӑрӗ(выр.)чăв.;
  • икӗ Хӑюлӑхшӑн орден(выр.)чăв.;
  • Донецк Халӑх Республикин Паттӑрӗ;
  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн II степенӗ хӗҫсемпе;
  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн IV степенӗ хӗҫсемпе;
  • «Сирири ҫар операцине хутшӑнакана» медаль;
  • «Ятарлӑ ҫар операцине хутшӑнакана» медаль тата ыттисем[6].

Астӑвӑм

  • 2025 ҫулхи авӑнӑн 1-мӗшӗнче Мӑнҫырма шкулӗнче кунта вӗреннӗ Ильин С. Ю. ячӗпе «Паттӑр парттине» уҫнӑ[8].
  • Чӑваш Республикин Вӑрмар посёлокӗнче тата Владивосток хулинче С. Ильина асӑнса ӑр ҫапӑҫӑвӗ енӗпе турнирсем ирттереҫҫӗ[9][10].
  • 2026 ҫулхи ҫу уйӑхӗн 13-мӗшӗнче Чӑваш Республикин Пуҫлӑхӗн Олег Николаевӑн хушӑвӗпе Ильин С. Ю. Раҫҫей Паттӑрне «Чӑваш Республикин Хисеплӗ гражданинӗ» ят панӑ (вилнӗ хыҫҫӑн)[11].
  • 2026 ҫулхи ҫу уйӑхӗн 13-мӗшӗнче Вӑрмар муниципаллӑ округӗн Мӑнҫырма ялӗнчи Паттӑр ҫурт ҫуралса ӳснӗ ҫурт ҫине асӑну хӑми вырнаҫтарнӑ[6].

Ӑнлантарусем

  1. ^ На СВО погиб полковник 155-й бригады морпехов Ильин (2025-07-11). Тӗрӗсленӗ: 2025 ҫулхи утӑн 11-мӗшӗ.
  2. ^ Герою России Сергею Ильину присвоено звание «Почетный гражданин Чувашии» (2026-05-13). Тӗрӗсленӗ: 2026 ҫулхи ҫӑвӑн 14-мӗшӗ.
  3. ^ Власти сообщили о гибели командира 155-й бригады морской пехоты (2025-07-11). Тӗрӗсленӗ: 2025 ҫулхи утӑн 11-мӗшӗ.
  4. ^ Стали известны подробности о погибшем вместе с замглавкома ВМФ России полковнике (2025-07-11). Тӗрӗсленӗ: 2025 ҫулхи утӑн 11-мӗшӗ.
  5. ^ Полковник 155-й бригады морской пехоты Ильин погиб с Гудковым во время удара ВСУ. vesti.ru (11 утӑн 2025). Пӑхнӑ кун: 2025 ҫулхи утӑн 11-мӗшӗ.
  6. ^ 1, 2, 3 Герой России С.Ю. Ильин живёт в наших сердцах. Навсегда. (выр.). Официальный портал органов власти Чувашской Республики. Урмарский муниципальный округ Чувашской Республики (13 ҫӑвӑн 2026). Пӑхнӑ кун: 2026 ҫулхи ҫӑвӑн 14-мӗшӗ.
  7. ^ Указом Президента Российской Федерации Владимира Владимировича Путина нашему земляку, полковнику Сергею Юрьевичу Ильину, посмертно присвоено высшее звание — Герой Российской Федерации (выр.). Общественный проект «Герои Отечества» (6 нарӑсӑн 2026). Пӑхнӑ кун: 2026 ҫулхи ҫӑвӑн 14-мӗшӗ.
  8. ^ В Мусирминской школе состоялось открытие «Парты Героя» (выр.). Официальный портал органов власти Чувашской Республики. Урмарский муниципальный округ (1 авӑнӑн 2025). Пӑхнӑ кун: 2026 ҫулхи ҫӑвӑн 14-мӗшӗ.
  9. ^ В Урмарах впервые прошёл турнир по армейскому рукопашному бою памяти Героя России С. Ильина (выр.). Официальный портал органов власти Чувашской Республики. Урмарский муниципальный округ (24 нарӑсӑн 2026). Пӑхнӑ кун: 2026 ҫулхи ҫӑвӑн 14-мӗшӗ.
  10. ^ Программа Вести. Приморье - Во Владивостоке прошел чемпионат по армейскому рукопашному бою памяти Сергея Ильина - смотреть бесплатно онлайн(паллӑ мар). Сетевое издание «Смотрим». Пӑхнӑ кун: 2026 ҫулхи ҫӑвӑн 14-мӗшӗ.
  11. ^ О присвоении почетного звания «Почетный гражданин Чувашской Республики» Ильину С.Ю. (выр.). Официальный портал органов власти Чувашской Республики. 2026-03-14 (13 ҫӑвӑн 2026).

Вуламалли

  • [Сергей Юрьевич Ильин : некролог] // Хӗрлӗ ялав (Вӑрнар р-нӗ). — 2025. — 11 июль.
  • Степанова, Т. Душа его светом полна // Хӗрлӗ ялав (Вӑрнар р-нӗ). — 2025. — 11 июль. : фот.
  • В последний путь… // Пенсионер Чувашии. — 2025. — 15 июля (№ 27). — С. 6. : фот.
  • Нардин, В. Комбриг Ильин до конца исполнил воинский долг / В. Нардин // Советская Чувашия. — 2026. — 22 января. — С. 3: фот.

Каҫӑсем

Темӑпа ҫыхӑннисем

Категорисем