Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Егоров Илья Сергеевич

РУВИКИ-ре ҫак хушаматлӑ ытти ҫынсем пирки те статьясем пур: Егоров; Егоров Илья.

Егоров Илья Сергеевич (1996 ҫулхи акан 3-мӗшӗ, Çĕнкас, Ҫӗмӗрле районӗ, Чӑваш Республики — Чӑваш Ен, Раҫҫей Федерацийӗ — 2024 ҫулхи ҫурлан 6-мӗшӗ, Курск облаçĕ, Раҫҫей Федерацийӗ) — Раҫҫей ҫар ҫынни, гварди капитанӗ, вертолётчик, Ка-52 вертолёт экипажӗн командирӗ. Ятарлӑ ҫар операцине хутшӑннӑ. Раҫҫей Федерацийӗн Паттӑрӗ (2025, вилнӗ хыҫҫӑн).

Пурнӑҫӗпе ӗҫӗ-хӗлӗ

Илья Егоров Чӑваш Республикин Ҫӗмӗрле районӗнчи Ҫӗнкас ялӗнче 1996 ҫулхи ака уйӑхӗн 3-мӗшӗнче ҫуралнӑ. 2013 ҫулта Ҫӗмӗрле районӗнчи И Н. Ульянов ячӗллӗ Хутарти пӗтӗмӗшле пӗлӳ паракан вӑтам шкултан вӗренсе тухнӑ[1]. 2018 ҫулта Сызраньти лётчиксен аслӑ ҫар авиаци училищине(выр.)чăв. вӗренсе пӗтернӗ[2].

Ятарлӑ ҫар операцине хутшӑннӑ. Операци вӑхӑтӗнче Егоров гварди капитанӗ 42 хутчен вӗҫеве тухнӑ, 350 тӑшман салтакӗнчен кая мар, икӗ танк, радиоэлектронлӑ тапӑну станцине тӗп тунӑ[1].

Раҫҫей Федерацийӗн Президенчӗн хушӑвӗпе Украинӑри ятарлӑ ҫар операци вӑхӑтӗнче ҫар тивӗҫне пурнӑҫланӑ чух паттӑрлӑхпа хӑюлӑх кӑтартнӑшӑн Ка-52 вертолёт экипажӗн командирне Егоров Илья Сергеевич гварди капитанне Раҫҫей Федерацийӗн Паттӑрӗ ят (вилнӗ хыҫҫӑн) парса чысланӑ[3].

Сызраньти лётчиксен аслӑ ҫар авиаци училищине вӗренсе пӗтернисенчен 85 ҫул хушшинче 67 ҫар ҫынни Совет Союзӗн Паттӑрӗн, Раҫҫей Федерацийӗн Паттӑрӗн ятне тивӗҫнӗ. Вӗсен ретӗнче Чӑваш Республикинче ҫуралнисем виҫҫӗн: Константинов Леонид Сергеевич, Гаврилов Николай Фёдорович, Егоров Илья Сергеевич.

Пытару

2025 ҫулхи ҫу уйӑхӗн 13-мӗшӗнче Ҫӗмӗрле муниципаллӑ округӗн Хутарти вӑтам шкул территорийӗнче Раҫҫей Паттӑрӗпе сывпуллашнӑ[4].

Илья Егорова хӑйӗн тӑван ялӗнче — Ҫӗнкас ҫӑвинче — пытарнӑ.

Ҫемье

  • Ашшӗ — Сергей Ильич Егоров, механизатор.
  • Амӑшӗ — Людмила Ильинична Егорова, суту-илӳ ӗҫченӗ.
  • Аппӑшӗ — Анастасия[5].

Хисепӗсем

Астӑвӑм

  • 2025 ҫулхи чӳк уйӑхӗн 14-мӗшӗнче Хутар шкулӗнче кунта вӗреннӗ Егоров И. С. ячӗпе «Паттӑр парттине» уҫнӑ[[7].
  • 2026 ҫулхи ҫу уйӑхӗн 13-мӗшӗнче Чӑваш Республикин Пуҫлӑхӗн Олег Николаевӑн хушӑвӗпе Егоров И. С. Раҫҫей Паттӑрне «Чӑваш Республикин Хисеплӗ гражданинӗ» ят панӑ (вилнӗ хыҫҫӑн)[8].

Ӑнлантарусем

  1. ^ 1, 2 Оксана Казакова. Гвардии капитан Илья Егоров из Чувашии стал Героем России посмертно (выр.). Информационное агентство «Чувашинформ» (24 пушӑн 2025).
  2. ^ Людмила Арзамасова. «Орлята» встали на крыло (выр.). Газета «Советская Чувашия» (10 акан 2018).
  3. ^ Выпускнику Сызранского ВВАУЛ Илье Егорову посмертно присвоено звание Героя России (выр.). «Маленькая Сызрань» (23 пушӑн 2025).
  4. ^ Чувашия простилась с Героем России Ильей Егоровым (выр.). Официальный портал органов власти Чувашской Республики. Государственный Совет Чувашской Республики (13 ҫӑвӑн 2025).
  5. ^ Ирина Хмелева. Вечная слава Герою! (выр.). Газета «Республика» (14 ҫӑвӑн 2025). Пӑхнӑ кун: 2026 ҫулхи ҫӑвӑн 14-мӗшӗ.
  6. ^ Егоров Илья Сергеевич. warheroes.ru. Пӑхнӑ кун: 2026 ҫулхи ҫӑвӑн 14-мӗшӗ.
  7. ^ В Ходарской школе Шумерлинского округа открыли Парту Героя в честь Героя России Ильи Егорова (выр.). Официальный портал органов власти Чувашской Республики. Портал органов власти Чувашской Республики (14 чӳкӗн 2025). Пӑхнӑ кун: 2026 ҫулхи ҫӑвӑн 14-мӗшӗ.
  8. ^ О присвоении почетного звания «Почётный гражданин Чувашской Республики» Егорову И.С. (выр.). Официальный портал органов власти Чувашской Республики. 2026-05-14 (13 ҫӑвӑн 2026).

Вуламалли

  • Сергеев, Ю. Сӑнарӗ чӗрере упранӗ / Ю. Сергеев // Хыпар. — 2025. — 20 ҫу (№ 36). — С. 3.
  • Егорова, И. Вечная слава Герою! : Чувашия простилась с Героем России Ильей Егоровым / И. Егорова // Республика. — 2025. — 14 мая (№ 18). — С. 2 : фот.

Каҫӑсем

Темӑпа ҫыхӑннисем

Категорисем