Семёнов Дмитрий Владимирович (РФ Паттӑрӗ, 2022)
Семёнов Дмитрий Владимирович (1989 ҫулхи юпан 24-мӗшӗ, Тренкасси, Шупашкар районӗ, Чӑваш АССРӗ — 2022 ҫулхи ҫӑвӑн 28-мӗшӗ, Харьков облаҫӗ) — Раççей паттăрĕ, çарçынни (гварди майор). 2022-мĕш çулта ятарлă çар операцине хутшăннă, паттăрсен вилĕмĕпе вилнĕ.
Пурнӑҫӗ
Чăваш Енти Шупашкар районӗнчи Тренкасси ялĕнче 1989-мĕш çулхи юпан 29-мĕшĕнче çуралса ӳснӗ. Ҫӗнӗ Тренкасси ялӗнчи шкулта вӗреннӗ чухне ирӗклӗ кӗрешӳ, баскетбол тата волейбол енӗпе ӑмӑртусене хутшӑннӑ[1]. Руслан ятлӑ ывӑлӗ ирӗклӗ кӗрешӳпе кӑсӑкланать.
Сӑвӑ ҫырма юратнӑ, альпинист пулнӑ, темиҫе хутчен те Эльбрус тӑвӗ ҫине хӑпарнӑ[2].
2011 ҫулта Ҫӗнҫӗпӗрти ҫар училищинчен вӗренсе тухнӑ[3].
Раҫҫейӗн ирӗклӗ кӗрешӳ тата ҫарти тӑватӑ енлӗ кӗрешӳ енӗпе спорт мастерӗн кандидачӗ пулнӑ[4].
Майор, Ятарлӑ ҫарӑн 16-мӗш бригадӑн отряд командирӗн-штаб начальникӗн ҫумӗ.
Украинӑри хирӗҫӗве хутшӑннӑскер. 2022 ҫулхи ҫу уйӑхӗн 28-мӗшӗнче Украинӑн Харьков облаҫӗнче ҫар ӗҫне пурнӑҫланӑ май пуҫ хунӑ.
Астӑвӑм
- Семёнов Дмитрий Владимирович ячӗпе вӑл вӗреннӗ Ҫӗнӗ Тренкасси ялӗнчи шкул хисепленет[5].
- Дмитрий Семёнов шкулӗнче музей йӗркеленӗ, унта унӑн наградӑллӑ кителӗ тата харпӑр япалисем упранаҫҫӗ.
- 2022 ҫулхи авӑнӑн 5-мӗшӗнче Ҫӗнӗ Тренкасси ялӗнчи тӑван шкулӗнче «Паттӑр партине» тата музейра Дмитрий Владимирович Семёнов майора халалланӑ курав уҫнӑ[6].
- Ҫӗнӗ Шупашкар хулинче ҫулсерен иртекен Семёнов Дмитрий Владимирович ячӗллӗ ирӗклӗ кӗрешӳ енӗпе турнир йӗркеленӗ[7].[8][9][10][11].
- Ҫӗнӗ Тренкасси ялӗнче Димитрий Семёнов ячӗллӗ кӗрешӳ залне тӑвас ӗҫ пырать.
- Тамбоври 54607 №-лӗ ҫар чаҫӗн Мухтав аллейинче Семёнова халалланӑ стелӑна уҫнӑ.
- Тамбов облаҫӗнчи Жердевка шкул-интернатне Дмитрий Владимирович Семёнов ятне панӑ[12].
- 2023 ҫулхи кӑрлач уйӑхӗнче Д. В. Семёнов сӑнна Раҫҫей Почтин маркинче ӗмӗрлӗхе сӑнланӑ.
- Луганск хулинчи пӗтӗмӗшле пӗлӳ паракан шкулта пӗр класа Д. В. Семёнов ятне панӑ, унта истори кӗтесне йӗркеленӗ, Семёнов Д. В. майор сӑнӳкерчӗкӗсемпе унӑн япалисем упранаҫҫӗ.
- Ҫӗнҫӗпӗрти аслӑ ҫар команда училищинчи музейра Д. В. Семёнова халалланӑ стенд пур, Семёнов Д. В. бронза бюстне уҫӗҫ[13].
- Руслан ывӑлӗ РФ Геройӗ Семёнов Д. В. ячӗллӗ «Позывной SEM» гуманитари проектне йӗркеленӗ.
Наградăсем
- Раҫҫей Федерацийӗн Паттӑрӗ (2022);
- I степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗ;
- II степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орденӑн медалӗ, хӗҫсемпе;
- «Ҫапӑҫура палӑрнӑшӑн» медаль;
- II степеньлӗ «Ҫар паттӑрлӑхӗшӗн» медаль;
- II степеньлӗ «Ҫар службинче палӑрнӑшӑн» медаль;
- III степеньлӗ «Ҫар службинче палӑрнӑшӑн» медаль.
Ҫавӑн пекех пӑхӑр
Ӑнлантарусем
- ^ Жителю Чувашии посмертно присвоили звание Героя России , Wayback Machine çинчи 2022 ҫулхи утӑн 15-мӗшӗнчи копийӗ // chgtrk.ru
- ^ ГЕРОЙ РОССИИ ДМИТРИЙ СЕМЁНОВ БОРИСЬ И ПОБЕЖДАЙ.
- ^ Выпускнику НВВКУ Семенову посмертно присвоено звание Героя России , Wayback Machine çинчи 2022 ҫулхи утӑн 12-мӗшӗнчи копийӗ // berega.info
- ^ Он сказал – он сделал.
- ^ Главная Пресс-центр Актуально МБОУ «Тренькасинская СОШ» присвоено имя имя Героя России, гвардии майора Семенова Дмитрия Владимировича.
- ^ В родной школе погибшего военного из Чувашии открыли "Парту Героя" (выр.). Про Город Чувашия. Пӑхнӑ кун: 2022 ҫулхи чӳкӗн 11-мӗшӗ.
- ^ Главная Пресс-центр Новости Разыграны награды республиканского турнира по вольной борьбе памяти Героя России Дмитрия Семёнова.
- ^ В Новочебоксарске открылся первый открытый турнир по вольной борьбе памяти Героя России Дмитрия Семёнова.
- ^ В Чувашии состоялся первый открытый турнир по вольной борьбе памяти Героя России Дмитрия Семёнова.
- ^ "У нас один сын, а мне еще как минимум триста сыновей нужно вернуть их матерям" В Чувашии прошел турнир по вольной борьбе памяти Героя России Дмитрия Семенова.
- ^ В столице Чувашии состоялся чемпионат и первенство по вольной борьбе памяти выдающихся борцов республики.
- ^ Колледжу и школе на Тамбовщине присвоят имена Героев России .
- ^ Герой училища СЕМЁНОВ ДМИТРИЙ ВЛАДИМИРОВИЧ.
Каçăсем
- Олеся Яковлева - Манăçми салтаксем (2022)
- Манăçми салтаксем
- Борисов уçă урок ирттернĕ
- Мухтав аллеи
- БСЭ( ӗҫлемен каҫӑ)
Семёнов Дмитрий Владимирович (РФ Паттӑрӗ, 2022) «Ҫӗршыв Паттӑрӗсем» сайтра
Темӑпа ҫыхӑннисем
| Раҫҫей Федерацийӗн Паттӑрӗсем (Чӑваш Республики) | |
|---|---|
| Ҫурҫӗр Кавказри контртеррористла кампанире тивӗҫнисем | |
| Украинӑри ятарлӑ ҫар операцийӗнче тивӗҫнисем | |
| Космонавтсем | |
| Ытти паттӑр ӗҫшӗн тивӗҫнисем | |
| Ытти регионта ҫуралса ӳснӗ чӑвашсем | |
