Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Тутаркасси вӑтам шкулӗ

Тутаркасси вӑтам шкулӗ — Шупашкар муниципаллӑ округӗнчи Ҫӗнӗ Тутаркасси посёлокӗнче вырнаҫнӑ вӑтам шкул[1]. Шкула ҫавӑн пекех Тури Макаҫ, Анатри Макаҫ, Урай Макаҫ, Улатӑркасси, Юртукасси, Тутаркасси, Шешкенер ялти ачасем ҫӳреҫҫӗ.

Шкул адресӗ: Шупашкар районӗ, Ҫӗнӗ Тутаркасси посёлокӗ, Кудряшов тӑкӑрлӑкӗ, 5-мӗш ҫурт[2].

Директор: Мустаев Владимир Николаевич[2].

Историйӗ

Тутаркасси шкулне 1970 ҫулта Ҫӗнӗ Тутаркасси посёлокне тунӑ май уҫнӑ, ун чухне вӑл сакӑр ҫӳл вӗренмелли шкул пулнӑ. Шкула уҫнӑ хыҫҫӑн 1970-мӗш ҫулта Юртукассинчи пуҫламӑш шкула, 1972 ҫулта Анаткасри сакӑр ҫул вӗренмелли шкула хупнӑ. Вӑл вӑхӑтра шкул посёлока кӗнӗ вырӑнта икӗ хутлӑ ҫуртра вырнаҫнӑ пулнӑ, хальхи вӑхӑтра унта Тутаркасси участок пульници ӗҫлет[3].

1974 ҫулта шкул статусне Тутаркасси вӑтам шкулӗ таран хӑпартнӑ. 1970–1974 ҫулсенче директор вырӑнне Чугунов Борис Иванович йышӑннӑ. 1977 ҫулччен — Смоленцев Евгений Яковлевич[3].

1983 ҫулхи чӳкӗн 10-мӗшӗнче шкул ачисем ҫӗнӗ ҫуртра вӗренме тытӑннӑ[3].

2012 ҫулта шкулта 41 вӗрентекен ӗҫленӗ[1].

Афган вӑрҫине хутшӑннисем

1983 ҫулта шкултан вӗренсе тухнӑ Владимир Кудряшовпа Олег Иванов 1985 ҫулта Афганистанра пуҫ хунӑ. Вӗсене асӑмра тытса шкулта ҫулсерен шашка, волейбол тата баскетбол енӗпе йӑлана кӗнӗ турнирсем иртеҫҫӗ[1].

Шкул лаптӑкӗнче Шупашкар районӗнче хӗсмете илнӗ Афган вӑрҫинче пуҫ хунисене халалласа палӑк лартнӑ. Нарӑсӑн 15-мӗшӗнче кашни ҫул шкула Афган вӑрҫине хутшӑннӑ ҫынсем хӑнана пырса каяҫҫӗ[1].

Паллӑ вӗрентекенӗсем

Шкулта ӗҫлекен темиҫе вӗрентекен хисеплӗ ятсене тивӗҫнӗ[1].

Чӑваш Республикин тава тивӗҫлӗ вӗрентекенӗсем[1]:

  • Александрова Валентина Андреевна (1987; пуҫламӑш классен вӗрентекенӗ);
  • Ишова Альбина Валентиновна (2001; чӑваш чӗлхипе литературин вӗрентекенӗ).

1999 ҫулта Григорьев Иван Михайловича «Раҫҫей Федерацийӗн пӗтӗмӗшле вӗрентӗвӗн тава тивӗҫлӗ ӗҫченӗ» ятпа чысланӑ[1].

2000 ҫулта ачасене физкультурӑна вӗрентекен Григорьев Владимир Николаевича «Чӑваш Республикин тава тивӗҫлӗ вӑй-хал культурин ӗҫченӗ» ятпа чысланӑ[3].

Халӑха ҫутта кӑларас ӗҫӗн отличникӗ ятпа ҫаксене чысланӑ[3]:

  • Григорьева Лидия Васильевна (1982);
  • Григорьева Зинаида Аркадьевна (1983);
  • Доронина Инна Витальевна (1983).

2024 ҫулта Ишова Альбина Валентиновнӑна «Чӑваш Республикин халӑх вӗрентекенӗ» хисеплӗ ятпа чысланӑ[4].

Палӑрнӑ вӗренекенсем

1986 ҫултанпа шкултан медальпе 32 ача вӗренсе тухнӑ, вӗсенчен 15-шӗ аслӑ вӗренӳ заведенийӗсенче вӗренсе аслӑ пӗлӳллӗ пулса тӑнӑ. Ултӑ ача каярахпа шкула вӗрентекен пек таврӑннӑ. Вӑтам шкултан вӗренсе тухнӑ 17 ача педагог ҫулне суйласа илнӗ[3].

Шкултан вӗренсе тухнисем спорт енӗпе палӑрнӑ. Вунсаккӑрӑшӗ СССР тата Раҫҫей спорт мастерӗсем тата кандидачӗсем пулса тӑнӑ[3].

Спорт мастерӗ ята тивӗҫнисем[3]:

СССР тат Раҫҫей спорт мастерӗн кандидачӗн ятне тивӗҫнисем[3]:

  • Григорьев Геннадий Владимирович (1988 ҫ.ҫ.; ирӗклӗ кӗрешӳ енӗпе);
  • Григорьев Дмитрий Владимирович (1983 ҫ.ҫ.; ирӗклӗ кӗрешӳ енӗпе);
  • Дмитриев Дмитрий Алексеевич (1986 ҫ.ҫ.; бокс енӗпе)
  • Доронин Владислав Витальевич (1959 ҫ.ҫ.; пушарпа прикладной спорт енӗпе);
  • Иванов Игорь Валерьянович (1965 ҫ.ҫ.; пушарпа прикладной спорт енӗпе);
  • Иванов Евгений Витальевич (1986 ҫ.ҫ.; ирӗклӗ кӗрешӳ енӗпе);
  • Мочалов Геннадий Александрович (1969 ҫ.ҫ.; вырӑс шашки енӗпе);
  • Прокопьев Юрий Вениаминович (1967 ҫ.ҫ.; пушарпа прикладной спорт енӗпе);
  • Хромов Сергей Николаевич (1985 ҫ.ҫ.; бокс енӗпе).

Хальхи вӑхӑтра

Шкулта чӑваш халӑх пурнӑҫӗн музейне уҫнӑ. Хими, физика, биологи предмечӗсене вӗрентмелли кабинетсене ятарлӑ хатӗрлесе йӗркеленӗ. 22 вӗренӳ кабинетне вӗрентекенӗн автоматизациленӗ ӗҫ вырӑнӗпе тивӗҫтернӗ, пур вӗренӳ пӳлӗмӗнче те ҫӗнӗ сӗтел-пукан вырнаҫтарнӑ, вӗсене хальхи йышши хӗтӗр-хӗтӗрпе тивӗҫтернӗ[3].

Шкула Тӗнче тетелӗпе ҫыхӑнтарнӑ, унӑн хӑйӗн сайчӗ пур[3].

2005 тат 2011 ҫулсенче «Тутаркасси вӑтам шкулӗ» МБОУ тӗрлӗ фестивальсен, конкурссен, смотрсен тата ӑмӑртусен ҫӗнтерӳҫи пулнӑ, е финала тухнӑ[1].

Хальхи вӑхӑтра шкулта 200 вырӑнлӑ столовӑй пур, ачасене вӗри апатпа тивӗҫтереҫҫӗ. Шкулта ҫавӑн пекех медицина кабинечӗ пур[5].

2021 ҫулхи пӑтӑрмах

2021 ҫулта шкул пирки Раҫҫей шайӗнче пӗлтернӗ. Сӑлтавӗ — шкулта террористсен тапӑнӑвӗнчен вӗрентӗвне ирттернипе ҫыхӑннӑ. Федераллӑ МИХсене «хӗҫпӑшалланнӑ ҫынна» ахаль карчӑк-вахтёр ҫавӑрса пӑрахни тӗлӗнтернӗ. Каярахпа шкул директорӗн ӗҫ вырӑнне пушатма тивнӗ[6][7].

Ӑнлантарусем

  1. ^ 1, 2 https://atlash-rcheb.edu21.cap.ru/sveden/managers/
  2. ^ 1, 2, 3, 4, 5, 6, 7, 8, 9, 10, 11 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 76-77. — 505 с.
  3. ^ https://chuvash.org/news/39291.html
  4. ^ https://atlash-rcheb.edu21.cap.ru/sveden/catering1/
  5. ^ https://forum.na-svyazi.ru/?showtopic=3025719
  6. ^ https://chuvash.org/news/30105.html

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 76-77. — 505 с.

Каҫӑсем

Темӑпа ҫыхӑннисем

Категорисем