Куславкка районӗ

Чăваш Енре çурçĕр енче, Атӑл хĕрринче вырнаçнă район. 1927 çулхи авăнăн 5 туса хунă. Лаптăкĕ — 516,8 км². Район йышне Атӑлти Криуши тата ытти утравсем кĕреççĕ. Хĕвелтухăç тата кăнтăр-хĕвелтухăç енче Тутарстан вырнаçнă. Кăнтăр тат кăнтăр-хĕвеланăç енче Вăрмар районĕ, хĕвел анăç енче — Çĕрпӳ районĕ, çурçĕр-хĕвеланăç енче Сĕнтĕрвăрри районĕ вырнаçнă. Çурçĕр енче кăнтăр еннеле 50 çухрăма район тăсăлнă, хĕвел анăç енчен хĕвел тухăç енне — 70 çухрăма. Район администрациĕ Шупашкартан 97 çухрăмра ларакан Куславкка хулинче вырнаçнă.

Район лаптӑкӗнче «Кайӑк вӗҫевӗ» ту вырнаҫнӑ.

1999 çул пуçламăшĕ тĕлне районта 26,6 пин çын пурăннă, çав шутра 12,9 пин (48%) — хулара, 13,7 пин (52%) — ялсенче. Района пурĕпе 67 ял кĕрет, ялта ватамран 222 çын пурăнать. Халăх йышлăхĕ — 53,2 çын пĕр км² çине. Мĕнпур халăх шутĕнчен 70% ытла — чăвашсем.

1979 çулта ял çыннисен шучĕ 31,3 пине, 1989 çулта — 27,1 пине çитнĕ.

Хула çыннисем Куславккара пурăнаççĕ.

• Куславкка хула тăрăхĕ
• Елчĕк ял тăрăхĕ
• Карач ял тӑрӑхӗ
• Кармӑш ял тӑрӑхӗ
• Кунер ял тӑрӑхӗ
• Куснар ял тӑрӑхӗ
• Пӑрмас ял тӑрӑхӗ
• Тӗмшер ял тӑрӑхӗ
• Тӗрлемес ял тӑрӑхӗ
• Энтри Пасар ял тӑрӑхӗ

• Алексеев Павел Алексеевич — «Хыпар» хаçăтăн пĕрремĕш редакторĕсен пĕри.
• Алексеева Лариса Александровна — спортсменка.
• Бубнов Юрий Александрович — живописец, художник-реставратор.
• Бубнова Светлана Ивановна — юрăçă.
• Бутяков Сергей Николаевич — Совет Союзӗн Паттӑрӗ.
• Вашки Иван Никифорович — сăвăçă, прозаик, драматург, куçаруçă.
• Егоров Василий Георгиевич — чăваш чĕлхине тĕпчекен, тюрколог.
• Иванов Валерий Павлович — оперă юрăçи.
• Иевлев Михаил Иванович — хирург.
• Ишутов Михаил Якимович — копиист.
• Кириллов Сергей Александрович — спортсмен.
• Кореньков Гаврил Алексеевич — сăвăçă, куçăруçă.
• Краснов Николай Семёнович — архитектор.
• Кубарев Эдуард Алексеевич — политика çынни.
• Кузнецов Игнатий Максимович — хирург.
• Мранька Никифор — прозаик, драматург.
• Назыров Салих Сабирович — архитектор.
• Орлов Александр Михайлович — юрăçă.
• Осипов Пётр Николаевич — писатель.
• Пашкова Надежда Николаевна — спортсменка.
• Селиванова Зоя Павловна — юрăçă.
• Смолин Анатолий Семёнович — сăвăçă, куçăруçă.
• Стуриков Николай Андреевич — вырăсла çыракан писатель, куçаруçă, журналист.
• Тимофеев Григорий Тимофеевич (ҫыравҫӑ) — писатель-этнограф, фольклор пуçтараканĕ, вĕрентекен.
• Трубина Марфа Дмитриевна — произаик.
• Удалов Маркиан Петрович, — чăваш драматургĕ, сăвăçи.
• Ухсай Мария Дмитриевна — прозаик, драматург.
• Фукс Александра Андреевна — этнограф.
• Харитонов Василий Дмитриевич — Совет Союзӗн Паттӑрӗ.
• Хури Макар Гордеевич — сăвăçă.
• Чумакова Тамара Ивановна — юрăçă.
• Шевле Михаил Васильевич — политика çынни.
• Ырсем Ольга Ивановна — актриса.

Куславкка районӗнче «Кайӑк вӗҫевӗ» туристсен кану бази пур. Вӑл Атӑл хӗрринче, Чӑваш Республикинчи чи ҫӳллӗ вырӑнта (190 метр ҫӳллӗшӗнче) вырнаҫнӑ.