Мария Горшкова
Мария Горшкова (тулли ячӗ — Горшкова Мария Ивановна, 1960 ҫулхи юпан 16-мӗшӗ, Вырăскасси, Елчĕк районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2021 ҫулхи раштавӑн 8-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — чăваш юрăçи[1].
Кун-çулĕ
1960 çулхи юпа уйăхĕн 16-мĕшĕнче Чӑваш АССРӗн Елчĕк районĕнчи Вырăскасси ялĕнче çуралнă. Ялти вӑтам шкултан вӗренсе тухсан Шупашкарти планпа экономика техникумне вӗренсе пӗтернӗ. Ҫулталӑк «Рассвет» фабрикӑра ӗҫленӗ[2].
1980—1984 ҫулсенче Ф. П. Павлов ячӗллӗ Шупашкар музыка училищинче вӗреннӗ. Унта унӑн тӗп вокал педагогӗсем Раиса Ахметбековӑпа Тамара Супонина пулнӑ. Музыка пӗлӗвӗ илсен чылай ҫул Чӑваш патшалӑх юрӑпа ташӑ ансамблӗнче ӗҫленӗ[1].
1990 ҫулсен варринче чӑваш эстрадине тухса уйрӑммӑн юрлама пуҫланӑ, «Чӑваш Республикин тава тивӗҫлӗ артисчӗ» хисеплӗ ята тивӗҫнӗ[1].
Обществӑлла ӗҫӗ
- Чӑваш наци конгресӗн Мӑн канашӗн пайташӗ пулнӑ.
- Елчӗк районӗн «Елчӗксем» ентешлӗхӗн ӗҫне хастар хутшӑннӑ.
Хисепӗсем
- Чӑваш Республикин тава тивӗҫлӗ артисчӗ;
- Чӑваш Республикин Культура, национальнӑҫсен ӗҫӗсен тата архив ӗҫӗн Хисеп хучӗ;
- Чӑваш Республикин Патшалӑх Канашӗн Хисеп хучӗ;
- Чӑваш наци конгресӗн Хисеп хучӗ.
Ӑнлантарусем
- ^ 1, 2, 3 Марина Карягина. Чӑваш Республикин тава тивӗҫлӗ артисчӗ Мария Горшкова пурнӑҫран уйрӑлнӑ (выр.). Государственный Интернет-Канал «Россия» (9 раштавӑн 2021). Пӑхнӑ кун: 2026 ҫулхи пушӑн 6-мӗшӗ.
- ^ Паян Шупашкарта Мария Горшковӑпа сывпуллашнӑ (выр.). Газета «Сувар» (9 раштавӑн 2021). Пӑхнӑ кун: 2026 ҫулхи пушӑн 6-мӗшӗ.
- ^ Мария Горшкова (выр.). https://chmedia.ru. Пӑхнӑ кун: 2026 ҫулхи пушӑн 6-мӗшӗ.
- ^ мария Горшкова (выр.). https://chuvash-republic.ru. Пӑхнӑ кун: 2026 ҫулхи пушӑн 6-мӗшӗ.
Вуламалли
- «Пурăнма та, юрлама та вăй-хал çителĕклине туятăп», М. Горшковăпа Л. Давыдова калаçнă, «Тантăш» хаçат, 2004, авăнăн 30-мĕшĕ, 12-мĕш стр.
