Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Григорьев Евгений Аркадьевич

РУВИКИ-ре ҫак хушаматлӑ ытти ҫынсем пирки те статьясем пур: Григорьев.

Евгений Аркадьевич Григорьев (сцена ҫинчи ячӗ — Евгений Григорьев, Женя Григорьев, ҫур. 1980 ҫулхи юпан 10-мӗшӗ, Хумри Выçли, Йĕпреç районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей шоуменӗ, эстрада юрăçи, блогер, телеертӳҫӗ, радиоертӳҫӗ, продюсер.

Пурнӑҫӗпе ӗҫӗ-хӗлӗ

1980 ҫулхи юпа уйӑхӗн 10-мӗшӗнче Чӑваш АССРӗн Йӗпреҫ районӗнчи Хумри Выҫли ялӗнче ҫуралнӑ[1].

Тӑван ялӗнчи шкулта 7 класс вӗренсе пӗтернӗ те, 8-11 классенче Шупашкарти Г. С. Лебедев ячӗллӗ Чӑваш Наци лицейӗнчен вӗреннӗ. 1997—2002 ҫулсенче И. Н. Ульянов ячӗллӗ Чӑваш патшалӑх университечӗн чӑваш филологийӗпе культура факультетӗнче вӗреннӗ[2].

Республика пултарулӑхпа меслетлӗх центрӗнче хӑйпултарулӑх театрӗсен методисчӗ (2002), И. Н. Ульянов ячӗллӗ Чӑваш патшалӑх университечӗн студентсен хулинче воспитатель, университетӑн Культура керменӗнче илемлӗх ертӳҫи тата директор тивӗҫне пурнӑҫлакан (2002—2005) пулса вӑй хунӑ.

2005—2009 ҫулсенче «Время» («Волга Эл-пресс») реклама компанийӗнче, агент, проектсен ертӳҫи пулса ӗҫленӗ.

2008 ҫултанпа уявсем йӗркелекен харпӑр «Фиеста» тулли мар яваплӑхлӑ пӗрлӗх никӗслесе ертсе пырать.

undefined

Пултарулӑх

Г. С. Лебедев ячӗллӗ Чӑваш Наци лицейӗнче вӗреннӗ чухне «Карма ҫӑвар» эстрада миниатюрисен театрне йӗркеленӗ[1].

Лицейра тата университетра вӗреннӗ хушӑра, университет хыҫҫӑн Шупашкарти Петӗр Хусанкай ячӗллӗ Культура керменӗнчи И. С. Максимов-Кошкинский ячӗллӗ халӑх театрӗнче вылянӑ[1].

Университетра вӗреннӗ чухне «Родной акцент» КВН(выр.)чăв. командин капитанӗ пулнӑ, «Студентсен ҫуркуннисене» тата ытти мероприятисене хутшӑннӑ, йӗркеленӗ, ертсе пынӑ.

ЮТВ телеканалта Чӑваш Республикин халӑх артисткипе Людмила Семёновапа пӗрле «Ӗмӗр сакки сарлака» кӑларӑма хатӗрлет, кӑларӑмӑн продюсерӗ, режиссёрӗ, ертӳҫи[3].

Чӑваш наци телевиденийӗнче тата наци радиовӗнче Алексей Московскийпе пӗрле «Чалт кӑна» кӑларӑмсем хатӗрлесе ертсе пырать.

Юррисем: «Ан ҫунтар-ха чӗрене»[4], «Сивӗ ҫумӑр», «Нейропике» тата ыттисем те.

Алексей Московскийпе («Чалт кӑна»)[4], Надинӑпа («Манпах»)[5] дуэтпа ҫырнӑ юррисем пур.

Гастрольсене ҫӳрет, уявсене (туй, юбилей, ҫуралнӑ кун, ял уявӗ тата ытти те) ертсе пырать[6].

Ҫитӗнӗвӗсем

  • ЮТВ телеканал ирттерекен «Ҫулталӑкри чи лайӑх шоумен» конкурсӑн темиҫе хут ҫӗнтерӳҫи;
  • ЮТВ телеканал ирттерекен «Ҫулталӑкри чи лайӑх блогер» конкурсӑн ҫӗнтерӳҫи;
  • ЮТВ телеканал ирттерекен «Ҫулталӑкри чи лайӑх дуэт» конкурсӑн (Алексей Московскийпе пӗрле) ҫӗнтерӳҫи.

Ҫемье

  • Ашшӗ — Григорьев Аркадий Петрович.
  • Амӑшӗ — Григорьева Ольга Дмитриевна.
  • Ҫемьере пиллӗкӗн ҫитӗннӗ: Евгений, Алина, Людмила, Михаил, Артём.
  • Мӑшӑрӗ — Татьяна Зиноновна.
  • Ачисем — Виктория, Роман, Полина[1].

Обществӑлла ӗҫӗ-хӗлӗ

  • Чӑваш эстрада артисчӗсен пӗрлӗхне пуҫарса яракансенчен пӗри пулнӑ[1].
  • Йӗпреҫре ҫуралса ӳснисен ентешлӗхӗн ӗҫ-хӗлне хастар хутшӑнать, правлени пайташӗ[7][8].
  • Ятарлӑ ҫар операцине(выр.)чăв. хутшӑнакан ентешсене пулӑшас тӗллевпе ирттерекен ыркӑмӑллӑх концерчӗсене хутшӑнать.

Ӑнлантарусем

  1. ^ 1, 2, 3, 4, 5 Альбина Юрату. 88 интервью. — Шупашкар: Ҫӗнӗ Вӑхӑт, 2020. — 476. — С. 233—238.
  2. ^ Вера Александрова. Евгений Григорьев: «Манӑн клонсем пур». «Сувар» хаҫат (20 кӑрлачӑн 2020). Пӑхнӑ кун: 2026 ҫулхи утӑн 15-мӗшӗ.
  3. ^ Фольклорный коллектив «Ямаш ен» - на съёмке Новогоднего огонька для телеканала ЮТВ «Ӗмӗр сакки сарлака» (выр.). Канашский муниципальный округ Чувашской Республики (6 раштавӑн 2019). Пӑхнӑ кун: 2026 ҫулхи утӑн 15-мӗшӗ.
  4. ^ 1, 2 Евгений Григорьев (выр.). chmedia.ru. Пӑхнӑ кун: 2026 ҫулхи утӑн 15-мӗшӗ.
  5. ^ Надина и Женя Григорьев слушать онлайн. Музыка Mail.Ru. my.mail.ru. Пӑхнӑ кун: 2026 ҫулхи утӑн 15-мӗшӗ.
  6. ^ Дарья Кошкина. Сколько берут звезды чувашской эстрады за приглашение на праздник (выр.). Сетевое издание «www.pg21.ru» (23 акан 2021). Пӑхнӑ кун: 2026 ҫулхи утӑн 15-мӗшӗ.
  7. ^ Праздник Ибресинского землячества (выр.). Ибресинский муниципальный округ Чувашской Республики (27 акан 2021). Пӑхнӑ кун: 2026 ҫулхи утӑн 15-мӗшӗ.
  8. ^ Алевтина Анисимова. Землячество отметило 25-летие (выр.). Автономное учреждение Чувашской Республики «Редакция Ибресинской районной газеты «Ҫӗнтерӳшӗн» («За победу») Министерства цифрового развития, информационной политики и массовых коммуникаций Чувашской Республики (27 ҫӑвӑн 2022). Пӑхнӑ кун: 2026 ҫулхи утӑн 15-мӗшӗ.

Каçăсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем