Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Крючкова Анастасия Ивановна

Крючкова Анастасия Ивановна (сцена ҫинчи ячӗ — Анастасия Кондратьева, ҫур. 1993 ҫулхи ҫурлан 12-мӗшӗ, Белоусово[d], Томск облаçĕ, Раҫҫей Федерацийӗ) — Раҫҫей эстрада юрăçи, музыка вӗрентекенӗ.

Пурнӑҫӗпе ӗҫӗ-хӗлӗ

1993 ҫулхи ҫурла уйӑхӗн 12-мӗшӗнче Томск облаҫӗн Томск районӗнчи Белоусово ялӗнче ҫуралнӑ. Анастасия 4-ра чухне ҫемье ашшӗн тӑван тӑрӑхне Вӑрнар районӗнчи Пӑртас ялне куҫса килнӗ.

2011 ҫулта Пӑртас пӗтӗмӗшле пӗлӳ паракан вӑтам шкулне вӗренсе пӗтернӗ. 2011—2015 ҫулсенче И. Я. Яковлев ячӗллӗ Чӑваш патшалӑх педагогика университечӗн музыка факультечӗн фольклор уйрӑмӗнче вӗренсе аслӑ пӗлӳ илнӗ[1].

2015—2017 ҫулсенче Шупашкарти 125-мӗш ача пахчинче музыка вӗрентекенӗ пулса тӑрӑшнӑ. Ҫемье ҫавӑрнӑ[1].

2022 ҫулта ҫемье Вӑрнара пурӑнма куҫнӑ, Анастасия Вӑрнарти пӗтӗмӗшле пӗлӳ паракан 2-мӗш вӑтам шкулта музыка вӗрентекенӗ[2] тата Вӑрнарти культура ҫуртӗнче аккомпаниатор[3] пулса ӗҫлет.

undefined

Пултарулӑх

Университетра вӗреннӗ вӑхӑтра Чӑваш Республикин тата Раҫҫей Федерацийӗн тава тивӗҫлӗ культура ӗҫченӗ Зинаида Козлова никӗсленӗ тата ертсе пыракан «Юрай» ансамбльте юрланӑ.

2012 ҫултан концерт ӗҫӗ-хӗлӗпе тӑрӑшать, «Хурӑнташ» ушкӑн йӗркеленсен ун йышне кӗнӗ. Денис Антиповпа Оксана Степанова уйрӑммӑн юрлама пуҫласан, икӗ Анастасия — Кондратьева тата Адякова — «Хурӑнташ» проекта малалла тӑсаҫҫӗ.

Вӑрнар районӗн культура керменӗнчи «Тивлет» фольклор ушкӑнӗн (ертӳҫи — А. Евдокимова) тата «Чаршав» халӑх театрӗн (ертӳҫи — Г. Иванова) ӗҫ-хӗлне хутшӑнать.

Ҫитӗнӗвӗсем

  • Тӗрӗк халӑхӗсен ача-пӑча фестивалӗн ҫӗнтерӳҫи (Турци, 2007)[1];
  • Республикари чӑваш эстрада юрӑҫисен «Вирьял шевлисем» фестиваль-конкурсӗн дипломанчӗ;
  • Пӗтӗм чӑвашсен «Кӗмӗл сасӑ» фестиваль-конкурсӗн дипломанчӗ;
  • Чӑваш Республикин Пуҫлӑхӗн стипендиачӗ (2025).

Юррисем

Пӗччен юрлаканнисем: «Кӗтсе илеймерӗм», «Ик ҫунат», «Эс пурри — телей», «Алтӑр ҫӑлтӑр», «Ан тӑк, чиеҫӗм, ҫеҫкӳне»[4] тата ыттисем те.

«Хурӑнташ» ушкӑн юррисем: «Тӑван кил», «Каҫхине юмах килет», «Ҫуралнӑ кун», «Мӗн сунар тӑвансене?», «Париж», «Савниҫӗм, каҫар», «Ырӑ ир», «Ырӑ туйӑмсем», «Юрлатӑр шӑпчӑк»[5] тата ыттисем.

Юррисен авторӗсем: Лидия Изекеева, Владимир Рыбкин, Валерий Раштав, Николай Степанов, Алиса Александрова, Юрий Кашкӑр, Константин Рязанов, Александр Павлов.

Чӑваш Республикинчи тата ҫӗршыври чӑвашсем йышлӑ пурӑнакан ял-хуласене гастрольсенче пулать, туй тата ҫуралнӑ кунсене ертсе пырать.

Ҫемье

  • Ашшӗ — Кондратьев Иван Николаевич.
  • Амӑшӗ — Кондратьева Светлана Григорьевна.
  • Ҫемьере виҫҫӗн ҫитӗннӗ: Екатерина, Анастасия, Татьяна
  • Мӑшӑрӗ — Крючков Денис Анатольевич.
  • Хӗрӗ — Дарина.
  • Ывӑлӗ — Матвей.

Обществӑлла ӗҫӗ-хӗлӗ

Ӑнлантарусем

  1. ^ 1, 2, 3 Альбина Юрату. 88 интервью. — Шупашкар: Ҫӗнӗ Вӑхӑт, 2020. — 476. — С. 125-127.
  2. ^ Педагогические работники МБОУ «Вурнарская СОШ№2», участвующие в реализации основной образовательной программы начального общего образования на 2025-2026 уч. год (выр.). Муниципальное бюджетное общеобразовательное учреждение «Вурнарская средняя общеобразовательная школа №2» Вурнарского муниципального округа Чувашской Республики. Пӑхнӑ кун: 2026 ҫулхи утӑн 6-мӗшӗ.
  3. ^ Кондратьева Анастасия Ивановна — аккомпаниатор (выр.). Муниципальное бюджетное учреждение культуры «Централизованная клубная система» Вурнарского муниципального округа Чувашской Республики. Пӑхнӑ кун: 2026 ҫулхи утӑн 6-мӗшӗ.
  4. ^ Анастасия Кондратьева (выр.). chmedia.ru. Пӑхнӑ кун: 2026 ҫулхи утӑн 6-мӗшӗ.
  5. ^ Хурăнташ ушкăн (выр.). chmedia.ru. Пӑхнӑ кун: 2026 ҫулхи утӑн 6-мӗшӗ.
  6. ^ В Вурнарах прошёл благотворительный концерт «Манāçми салтаксем» (выр.). Автономное учреждение Чувашской Республики «Редакция Вурнарской районной газеты «Çĕнтерÿ çулĕ» («Путь победы») Министерства цифрового развития, информационной политики и массовых коммуникаций Чувашской Республики (5 раштавӑн 2022). Пӑхнӑ кун: 2026 ҫулхи утӑн 6-мӗшӗ.

Каçăсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем