Васильев Александр Михайлович

Александр Васильев
Александр Васильев
Тӗп информаци
Тулли ячӗ
Ҫуралнӑ вӑхӑт	1961 ҫулхи утӑн 13-мӗшӗ (65 ҫулта)
Ҫуралнӑ вырӑн	Ирх Çырми, Урхас Кушкă ял тăрăхĕ, Сӗнтӗрвӑрри районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Патшалӑх	СССР; Раҫҫей Федерацийӗ;
Профессисем	сӑвӑҫ, юрӑҫ, кĕвĕçĕ, телеертӳҫӗ, режиссёр
Жанрсем	чăваш эстради
Наградӑсем	Чӑваш Республикин тава тивӗҫлӗ культура ӗҫченӗ

Александр Михайлович Васильев (ҫур. 1961 ҫулхи утӑн 13-мӗшӗ, Ирх Çырми, Чăваш Автономиллĕ Социализмлă Совет Республики) — чӑваш юрӑҫи, композиторӗ, сӑвӑҫи, режиссёрӗ тата телеертӳҫи. Чӑваш эстрадин тата халӑх юррисен юрӑҫи. «Чӑваш Енӗн» патшалӑх телерадиокомпанийӗн телекӑларӑмӗсен авторӗ тата ертсе пыраканӗ. Чӑваш Республикин тава тивӗҫлӗ культура ӗҫченӗ. Чӑваш Республикин Сӗнтӗрвӑрри районӗн Хисеплӗ гражданинӗ (2017)^[1].

Пурнӑҫӗ

Александр Михайлович Васильев 1961 ҫулхи утӑн 13-мӗшӗнче Чӑваш АССР-ӗн Сӗнтӗрвӑрри районӗнчи Ирх Ҫырми ялӗнче ҫуралнӑ^[1]. Ашшӗ водитель пулса ӗҫленӗ, амӑшӗ медицина сестри пулнӑ. Ҫемьере пилӗк ача ӳснӗ, Александр — иккӗмӗш ача пулнӑ^[2].

Ҫара кайиччен Шупашкар районӗнчи Алькешри «Паха тӗрӗ» хапрӑкра ҫӗвӗҫ хатӗр-хӗтӗрне юсакан пулса ӗҫленӗ. Хӗсметрен таврӑннӑ хыҫҫӑн Электричество виҫев приборӗсен савутӗнче (ЗЭиМ) тӑваттӑмӗш разрядлӑ фрезеровщик пулса ӗҫленӗ. Каярах экскаваторщика вӗренсе тухнӑ та Чӑваш колхозстройобъединенийӗн механизаци управленийӗнче вӑй хунӑ^[2].

Чӑваш Республикин культура тата ӳнер училищинчен (куҫӑмсӑр), кайран Хусанти патшалӑх культура академийӗнчен «режиссёр — массӑллӑ мероприятисен организаторӗ» специальноҫпа вӗренсе тухнӑ^[1]^[3].

Професси ӗҫӗ

1985 ҫултанпа Александр Васильев культура сферинче ӗҫлет, халӑх пултарулӑхне упрассипе тата аталантарассипе тӑрӑшать. Хӑйӗн пултарулӑх ҫулне Шупашкар районӗнчи Кӳкеҫ поселокӗнчи Культура ҫуртӗнче пуҫланӑ^[2].

15 ҫул ытла «Чӑваш Енӗн» патшалӑх телерадиокомпанийӗн музыка тата ӳнер кӑларӑмӗсен режиссёрӗ тата редакторӗ пулса ӗҫленӗ^[1].

Александр Васильев Чӑваш Енре кӑмӑллакан темиҫе телекӑларӑмӑн авторӗ тата ертсе пыраканӗ:

«Играй, гармонь» (18 ҫул хушши ертсе пынӑ);
«Янра, хут купӑс»;
«Пурнӑҫ ҫулӗпе»;
«Любовь не гаснет в сердцах»;
«Чӑваш пики»;
«Ҫемье мӑшӑрӗ»;
«Любовь с первого взгляда»;
«Чи лайӑх хунямӑшӗ»;
«Телепосиделки»^[1]^[2].

1995 ҫулта Александр Васильевӑн «Янра хут купӑс» телекӑларӑмӗнче чӑваш юрӑҫин Валентина Владимировна Телейӗн «Хӗрсем ма ватӑлаҫҫӗ?» юрри пуҫласа янранӑ; кӑларӑма ҫамрӑк юрлакана хӑйех чӗнсе илнӗ^[4].

Мӑшӑрӗпе пӗрле Александр Васильев пӗчӗк шоу-бизнес ӗҫне йӗркеленӗ, ҫапла май концерт программисем хатӗрлет тата ҫӗнӗ юрӑсем ҫырать^[2].

Пултарулӑхӗ

Александр Васильев юрӑҫӑ, композитор тата поэт пек паллӑ. Унӑн репертуарӗнче 150 ытла чӑваш юрри^[1].

Артист баян, хут купӑс(выр.)чăв. тата гитара калать. Хӑй сӑвӑсем ҫырать тата хӑшпӗр кӗвӗсене те хатӗрлет. Унӑн юррисен кӗввисене Хусанти культура институтӗнче пӗрле вӗреннӗ Станислав Толстов, ҫавӑн пекех Надежда Русскова, Радик Иванов, Валентина Сытина тата ытти композиторсем ҫырнӑ^[2].

Халӑх стилӗпе ӗҫлеме тӑрӑшать, хут купӑспа тата ытти халӑх инструменчӗсемпе усӑ курать^[2].

Соло концертсемпе Мускавра, Санкт-Петербургра, Тутарстан хулисемпе ялӗсенче (ҫав шутра Чуллӑ Ҫырта), Пушкӑртра, Ҫӗпӗрте тата Камчаткӑра кайса килнӗ^[1]^[2]. Шупашкарти Трактор тӑвакансен Культура керменӗнче концертсем ирттерет, Чӑваш Енӗн район центрӗсенче, уявсенче, туйсенче тата юбилейсенче те юрлать^[2].

2024 ҫулта артистӑн «Сарă тюльпансем» соло альбомӗ тухнӑ; унта «Çут хӗвел шевли», «Хӗрлӗ чечексем», «Парнелерӗм», «Тăван ял», «Хăяймарăм», «Юрату килес çук», «Шаккарĕç кантăкран» юррисем кӗнӗ^[5].

Преми тата хисеплӗ ятсем

Чӑваш Республикин тава тивӗҫлӗ культура ӗҫченӗ^[1];
Республика конкурсӗсен лауреачӗ^[1];
Сӗнтӗрвӑрри районӗн Хисеплӗ гражданинӗ (Сӗнтӗрвӑрри районӗн депутачӗсен пухӑвӗн 2017 ҫулхи ҫӗртмен 1-мӗшӗнчи йышӑнӑвӗ тӑрӑх)^[1]^[3].

Ҫемйи

Ашшӗ — водитель.
Амӑшӗ — медицина сестри.
Тӑван ҫемьере пилӗк ача; Александр — иккӗмӗш ачи, унӑн аслӑ йӑмӑкӗ, кӗҫӗн шӑллӗ тата икӗ кӗҫӗн йӑмӑкӗ пур.
Мӑшӑрӗ — бухгалтер, упӑшкипе пӗрле ҫемье бизнесне илсе пырать.
Икӗ хӗрӗ^[2].

Ӑнлантарусем

^ ¹^,²^,³^,⁴^,⁵^,⁶^,⁷^,⁸^,⁹^,¹⁰ Васильев Александр Михайлович (паллӑ мар). Чӑваш Республикин Сӗнтӗрвӑрри муниципаллӑ округӗн официаллӑ сайчӗ. Пӑхнӑ кун: 2026 ҫулхи ҫӑвӑн 29-мӗшӗ.
^ ¹^,²^,³^,⁴^,⁵^,⁶^,⁷^,⁸^,⁹^,¹⁰ Культура проекчӗсен цехӗ. Александр Васильев, поэт, композитор, чӑваш юррисен юрлаканӗ, телекӑларӑм авторӗ (паллӑ мар). Чӑваш Республикин влаҫ органӗсен порталӗ. Пӑхнӑ кун: 2026 ҫулхи ҫӑвӑн 29-мӗшӗ. Архивланӑ 2016 ҫулхи ҫурлан 21-мӗшӗ.
^ ¹^,² Сӗнтӗрвӑрри районӗн Хисеплӗ гражданӗсем (паллӑ мар). Сӗнтӗрвӑрри районӗн ентешлӗхӗ. Пӑхнӑ кун: 2026 ҫулхи ҫӑвӑн 29-мӗшӗ.
^ Валентина Телейрен музыкӑллӑ компакт-дисксем (паллӑ мар). Чӑваш Республикин Наци библиотеки. Пӑхнӑ кун: 2026 ҫулхи ҫӑвӑн 29-мӗшӗ.
^ Çут хӗвел шевли — Александр Васильев (паллӑ мар). Shazam. Пӑхнӑ кун: 2026 ҫулхи ҫӑвӑн 29-мӗшӗ.

Каҫӑсем

Васильев Александр Михайлович — Чӑваш Республикин Сӗнтӗрвӑрри муниципаллӑ округӗн официаллӑ сайчӗ
Культура проекчӗсен цехӗ. Александр Васильев, поэт, композитор, чӑваш юррисен юрлаканӗ, телекӑларӑм авторӗ (архив копийӗ) — Чӑваш Республикин влаҫ органӗсен порталӗ
Александр Васильев — Shazam сервисӗнче

[marpos-1] ¹^,²^,³^,⁴^,⁵^,⁶^,⁷^,⁸^,⁹^,¹⁰ Васильев Александр Михайлович (паллӑ мар). Чӑваш Республикин Сӗнтӗрвӑрри муниципаллӑ округӗн официаллӑ сайчӗ. Пӑхнӑ кун: 2026 ҫулхи ҫӑвӑн 29-мӗшӗ.

[cap-2] ¹^,²^,³^,⁴^,⁵^,⁶^,⁷^,⁸^,⁹^,¹⁰ Культура проекчӗсен цехӗ. Александр Васильев, поэт, композитор, чӑваш юррисен юрлаканӗ, телекӑларӑм авторӗ (паллӑ мар). Чӑваш Республикин влаҫ органӗсен порталӗ. Пӑхнӑ кун: 2026 ҫулхи ҫӑвӑн 29-мӗшӗ. Архивланӑ 2016 ҫулхи ҫурлан 21-мӗшӗ.

[senteren-3] ¹^,² Сӗнтӗрвӑрри районӗн Хисеплӗ гражданӗсем (паллӑ мар). Сӗнтӗрвӑрри районӗн ентешлӗхӗ. Пӑхнӑ кун: 2026 ҫулхи ҫӑвӑн 29-мӗшӗ.

[nbchr-4] Валентина Телейрен музыкӑллӑ компакт-дисксем (паллӑ мар). Чӑваш Республикин Наци библиотеки. Пӑхнӑ кун: 2026 ҫулхи ҫӑвӑн 29-мӗшӗ.

[shazam-5] Çут хӗвел шевли — Александр Васильев (паллӑ мар). Shazam. Пӑхнӑ кун: 2026 ҫулхи ҫӑвӑн 29-мӗшӗ.

[1]

[2]

[3]

[4]

[5]