Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петров Сергей Германович

РУВИКИ-ре ҫак хушаматлӑ ытти ҫынсем пирки те статьясем пур: Петров.

Петров Сергей Германович (сцена ҫинчи ячӗ — Сергей Петров, ҫур. 1989 ҫулхи акан 3-мӗшӗ, Тусай, Красноармейски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей эстрада юрӑҫи.

Пурнӑҫӗпе ӗҫӗ-хӗлӗ

1989 ҫулхи ака уйӑхӗн 3-мӗшӗнче Чӑваш АССРӗн Красноармейски районӗнчи Тусай ялӗнче ҫуралнӑ.

Красноармейски районӗнчи Упи пӗтӗмӗшле пӗлӳ паракан вӑтам шкулӗнче 9 класс вӗренсе пӗтернӗ (2005), 2005—2009 ҫулсенче Шупашкарти культура училищинче вӗреннӗ[1].

2009—2014 ҫулсенче И. Н. Ульянов ячӗллӗ Чӑваш патшалӑх университечӗн ӳнер факультетӗнче вӗренсе аслӑ пӗлӳ илнӗ[1].

И. Я. Яковлев ячӗллӗ Чӑваш патшалӑх педагогика университетӗнче («музыка вӗрентекенӗ» специальнӑҫ) тата Атӑл-Вятка патшалӑх службин академийӗнче («патшалӑх муниципалитет управленийӗ» специальнӑҫ) хушма аслӑ пӗлӳ илнӗ.

2014—2016 ҫулсенче Ӗпхӳри П. Миронов ячӗллӗ Чӑваш вырсарни шкулӗнче ачасене вӗрентнӗ[1].

2016—2018 ҫулсенче харӑсах Шупашкар районӗнчи Атайкасси пӗтӗмӗшле пӗлӳ паракан вӑтам шкулта тата Шупашкарти 60-мӗш пӗтӗмӗшле пӗлӳ паракан вӑтам шкулта музыка вӗрентекенӗнче вӑй хунӑ.

2018—2020 ҫулсенче Красноармейски 2-мӗш пӗтӗмӗшле пӗлӳ паракан вӑтам шкулта ӗҫленӗ.

2021 ҫултан Красноармейски районӗнчи Упи ялӗн культура ҫуртӗнче культорганизатор пулса тӑрӑшать.

2006 ҫултан харпӑр концерт ӗҫӗ-хӗлне те йӗркелесе пырать, уявсем (туй, юбилей, ҫуралнӑ кун) йӗркелес енӗпе тӑрӑшать, гастрольсене ҫӳрет[2].

undefined

Пултарулӑх

Пысӑк сцена ҫине 2006 ҫулта «Сарӑ хӗрача» юрӑпа (сӑввине те, кӗввине те хӑех хайланӑ) тухнӑ.

Пӗрремӗш концертне 2019 ҫулта Шупашкар агрегат завочӗн Культура керменӗнче ирттернӗ.

Юррисем: «Илем кӳтӗр самант ӗмӗре», «Телей тӗнчи», «Аннемӗр», «Чӑвашсем, тӑвансемӗр!», «Иртет ӗмӗр», «Ман пата эс таврӑн», «У та пулӗ, ку та пулӗ», «Килсем, юратӑвӑм!», «Парнелем сана», «Кӳршӗ хӗрӗ», «Тӑвансем, савӑнар», «Туй кӗрлет!», «Хӑмӑр куҫусем», «Килӗшет», «Сан пек чипер», «Сарӑ хӗрача», «Такмаксем», «Тупсӑм эсӗ», «Чи юратни», «Ҫук эс манпа», «Юрату суран»[3] тата ыттисем.

Дуэтпа Алёна Алексеевапа, Светлана Вутӑшпипе, Ирина Шинжаевапа, Зинаида Раймовапа юрлать[1].

Юррисене авторӗсем: Сантӑр Аксар, Лариса Сергеева, Альбина Юрату, Эдуард Табаев сӑвӑҫсем, Илья Степанов, Сергей Марков, Залиф Биксалин, Александр Павлов, Константин Рязанов, Александр Кокшин композиторсемпе аранжировщиксем тата ыттисем[1].

Чылай юррин сӑввисемпе кӗввисене хӑех ҫырать.

Ҫитӗнӗвӗсем

  • Республикӑри чӑваш эстрада юрӑҫисен «Вирьял шевлисем» фестиваль-конкурсӗн ҫӗнтерӳҫи;
  • Пӗтӗм чӑвашсен «Кӗмӗл сасӑ» фестиваль-конкурсӗн ҫӗнтерӳҫи;
  • «Мине хизепе» фестиваль-конкурсра 2-мӗш вырӑн (Хусан);
  • «Урмай моны» тата «Роза ветров» конкурссен ҫӗнтерӳҫи[1].

Хисепӗсем

  • Чӑваш Республикин Культура, национальнӑҫсен ӗҫӗсен тата архив ӗҫӗн министерствин Хисеп хучӗ;
  • Чӑваш Республикин Патшалӑх Канашӗн Тав хучӗ;
  • Чӑваш Республикин Вӗрентӳ министерствин Тав хучӗ;
  • Чӑваш Республикин Физкультурӑпа спорт министерствин Тав хучӗ;
  • Пушкӑрт Республикин Культура министерствин Хисеп хучӗ;
  • Чӑваш Республикин Культура, национальнӑҫсен ӗҫӗсен тата архив ӗҫӗн министерствин «Чи лайӑх культура ӗҫченӗ ят (2024) тата «Чи лайӑх ҫамрӑк специалист» ят (2024);
  • Чӑваш наци конгресӗн Хисеп хучӗ[4];
  • «Чӑваш культурине аталантарас енӗпе хастар ӗҫленӗшӗн» медаль[4].

Ҫемье

  • Ашшӗ — Петров Герман Гурьевич.
  • Амӑшӗ — Петрова Римма Аркадьевна.
  • Ҫемьере виҫҫӗн ҫитӗннӗ: Александр, Оксана, Сергей.

Обществӑлла ӗҫӗ-хӗлӗ

  • 2019 ҫултанпа Чӑваш эстрада артисчӗсен пӗрлӗхӗн пайташӗ.
  • Культура ӗҫченӗсен профсоюз организацийӗн пайташӗ, 2024 ҫултан — Красноармейски муниципаллӑ округӗнчи уйрӑмӗн ертӳҫи.
  • Чӑваш наци конгресӗн пайташӗ пулса Пенза, Самар, Сарту, Тӗмен облаҫӗсенче тата ытти регионта йӗркеленӗ мероприятисене хутшӑннӑ.
  • Ятарлӑ ҫар операцийӗнчи(выр.)чăв. ентешсем валли укҫа-тенкӗ пухас тӗллевпе йӗркелекен концертсене хутшӑнать[5], йӗркелет (ҫак темӑпа «Салтаксем» юрӑ ҫырнӑ).
  • Красноармейски районӗнче ҫуралса ӳснисен «Трак ен» ентешлӗхӗн ӗҫне хутшӑнать[4].

Ӑнлантарусем

  1. ^ 1, 2, 3, 4, 5, 6 Альбина Юрату. 88 интервью. — Шупашкар: Ҫӗнӗ Вӑхӑт, 2020. — 476. — С. 429—432.
  2. ^ 28 октября в районном Доме культуры состоялся концерт Фариды, которая приехала не одна, а ее поддержали коллеги – певцы чувашской эстрады Сергей Петров и Алёна Алексеева. (выр.). Аксубаевский муниципальный район (29 юпан 2018). Пӑхнӑ кун: 2026 ҫулхи ҫурлан 3-мӗшӗ.
  3. ^ Сергей Петров (выр.). chmedia.ru. Пӑхнӑ кун: 2026 ҫулхи ҫурлан 3-мӗшӗ.
  4. ^ 1, 2, 3 Глава Красноармейского муниципального округа Павел Семенов пожелал артисту чувашской эстрады Сергею Петрову в юбилейный день рождения новых творческих успехов (выр.). Красноармейский муниципальный округ Чувашской Республики (4 акан 2024). Пӑхнӑ кун: 2026 ҫулхи ҫурлан 3-мӗшӗ.
  5. ^ В Доме культуры агрегатного завода города Чебоксары состоялся благотворительный концерт в поддержку участников СВО – «Zа Россию! Zа Победу!» (выр.). Красноармейский муниципальный округ Чувашской Республики (8 раштавӑн 2024). Пӑхнӑ кун: 2026 ҫулхи ҫурлан 3-мӗшӗ.

Каçăсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем