Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Телей Валентина Владимировна

Телей Валентина Владимировна (сцена ҫинчи ячӗ — Валентина Телей, ҫур. 1965 ҫулхи акан 12-мӗшӗ, Ҫӗмӗрле, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей эстрада юрăçи.

Пурнӑҫӗпе ӗҫӗ-хӗлӗ

1965 ҫулхи ака уйӑхӗн 12-мӗшӗнче Чӑваш АССРӗн Ҫӗмӗрле хулинче ҫуралнӑ.

Пуҫламӑш классенче Ҫӗмӗрлери 7-мӗш шкулта вӗреннӗ, кайран ҫемье Ҫӗмӗрле районӗнчи Якуртушкӑнь ялне пурӑнма куҫнӑ. 4-8-мӗш классенче Якуртушкӑнь тулли мар вӑтам шкулта, 9-10-мӗш классенче Тӑванкасси вӑтам шкулӗнче вӗреннӗ[1].

1982—2005 ҫулсенче Шупашкарти промышленность тракторӗсен заводӗнче («Промтрактор» акционерсен уҫӑ обществи) вӑй хунӑ, ӗҫленӗ хушӑрах Шупашкарти машиностроени техникумӗнчен (каҫхи уйрӑм) вӗренсе тухнӑ.

Шупашкар культура училищинче ятарлӑ пӗлӳ, Чӑваш патшалӑх культурӑпа ӳнерсен институтӗнче (2011) аслӑ пӗлӳ илнӗ[2].

2005 ҫултан Шупашкарти тӗрлӗ сывлӑх сиплевпе кану учрежденийӗнче («Волжанка», «Волжские зори», «Надежда») культура ӗҫӗсене йӗркелекен пулса тӑрӑшнӑ. 2015—2018 ҫулсенче Мускав облаҫӗнчи санаторире ӗҫленӗ. 2021—2025 ҫулсенче Чӑваш Республикин Ӗҫпе социаллӑ хӳтлӗх министерствин «Халӑха социаллӑ пулӑшу паракан центр» автономи учрежденийӗнче вӑй хунӑ. 2025 ҫултан — Чӑваш Республикин Ӗҫпе социаллӑ хӳтлӗх министерствин «Вега» аслӑ ҫулхи граждансен тата инвалидсен социаллӑ хӳтлӗхпе сиплев центрӗ» бюджет учрежденийӗнче культура ӗҫӗсен йӗркелӳҫи[3] (ҫурма ставкӑпа — Халӑха социаллӑ пулӑшу паракан центрта «Калинушка» хорӑн ертӳҫи).

2005 ҫултан ҫавӑн пекех концерт ӗҫ-хӗлне йӗркелесе пырать, гастрольсене ҫӳрет, пултарулӑх каҫӗсем ирттерет[2], уявсене (туй, юбилей, ҫуралнӑ кун, ялсен тата предприятийӗсен уявӗсем) ертсе пырать.

Пултарулӑх

Заводра ӗҫленӗ чухне «Родные просторы» фольклор ушкӑнне юрлама ҫӳренӗ[2]. Ансамбльпе пӗрле Раҫҫейӗн тӗрлӗ регионӗнче, ют ҫӗршывсенче гастрольсенче пулнӑ[1].

«Янра, хуткупӑс» кӑларӑмсене хутшӑннӑ.

Эстрадӑна 1995 ҫулта «Хӗрсем ма ватӑлаҫҫӗ?» (сӑввине те, кӗввине те хӑй ҫырнӑ) юрӑпа тухнӑ. Иккӗмӗш юрри (1996) — «Хуняма» (сӑввине те, кӗввине те хӑй ҫырнӑ)[1].

Пӗрремӗш харпӑр концертне 2000 ҫулта Шупашкарти Трактор тӑвакансен культура керменӗнче ирттернӗ.

«Ах, хуняма», «Хӗрсем ма ватӑлаҫҫӗ?» дисксем кӑларнӑ.

Юррисене хӑй кӗвӗлет, сӑмаххисен авторӗ те хӑех.

Юрӑ валли сӑвӑсем ҫырнисӗр пуҫне лирикӑлла сӑвӑсем хайлать, 200 ытла сӑвӑ авторӗ.

Социаллӑ хӳтлӗхпе кану центрӗсене сипленме килекен кинемейсенчен халӑх юррисене ҫырса илессипе, вӗсене халӑх умне кӑларас енӗпе тӑрӑшать.

2023 ҫулхи ака уйӑхӗнче Валерий Болотов ертсе пыракан «Гармонь – народная душа!» кӑларӑма хутшӑннӑ[4].

Юррисем

40 ытла юрӑ авторӗ: «Ах, Виталий», «Ăшшăн-ăшшăн ăшăтса», «Вăрмана кĕнĕ чух», «Мĕншĕн-ши?», «Симес топольсем», «Тăхлачăпа хăта», «Хĕлле сивĕ», «Хӗрсем ма ватăлаçҫӗ?», «Хуняма», «Çĕнĕ çул», «Çурхи вăрманта»[5] тата ыттисем.

Михаил Ивановпа дуэтпа «Эп санпа чух» юрӑ ҫырнӑ[5].

Ҫемье

  • Ашшӗ — Матросов Владимир Кузьмич, Тӑван Ҫӗршывӑн Аслӑ вӑрҫине хутшӑннӑскер.
  • Амӑшӗ — Матросова (Васянова) Наталья Николаевна.
  • Ҫемьере улттӑн ҫитӗннӗ (тата иккӗшӗ ачаллах вилнӗ): Николай, Нина, Любовь, Людмила, Надежда, Валентина.
  • Ывӑлӗ — Алексей.
  • 2 мӑнук.

Обществӑлла ӗҫӗ-хӗлӗ

  • Раҫҫейри автор обществин (РАО) пайташӗ.
  • Чӑваш наци ӑслӑлӑхпа ӳнер академийӗн пайташӗ.
  • Чӑваш Республикинчи композиторсен ассоциацийӗн пайташӗ.
  • Чӑваш таврапӗлӳҫисен пӗрлӗхӗн пайташӗ.
  • Шупашкар хулинчи ветерансен канашӗн культура уйрӑмӗн ертӳҫи.
  • Ҫӗмӗрлере ҫуралса ӳснисен ентешлӗхӗн ӗҫ-хӗлне хутшӑнать.
  • Ятарлӑ ҫар операцине(выр.)чăв. хутшӑнакансене пулӑшас тӗллевпе ирттерекен ыркӑмӑллӑх концерчӗсене хутшӑнать.

Ӑнлантарусем

  1. ^ 1, 2, 3 Валентина Телей: «Я желаю всем счастья и добра!» (выр.). Официальный портал органов власти Чувашской Республики (18 кӑрлачӑн 2007). Пӑхнӑ кун: 2026 ҫулхи утӑн 15-мӗшӗ.
  2. ^ 1, 2, 3 Юбилейный творческий вечер поэта и певицы Валентины Телей (выр.). mdn.ru. Московский дом национальностей | РОО «Общество чувашской культуры». Пӑхнӑ кун: 2026 ҫулхи утӑн 15-мӗшӗ.
  3. ^ Структура (выр.). Бюджетное Учреждение Чувашской Республики «Социально-оздоровительный центр граждан пожилого возраста и инвалидов «Вега» Министерства труда и социально защиты Чувашской Республики. Пӑхнӑ кун: 2026 ҫулхи утӑн 15-мӗшӗ.
  4. ^ Две Валентины поют свои авторские песни - Аргументы Недели. argumenti.ru. Пӑхнӑ кун: 2026 ҫулхи утӑн 27-мӗшӗ.
  5. ^ 1, 2 Валентина Телей (выр.). chmedia.ru. Пӑхнӑ кун: 2026 ҫулхи утӑн 15-мӗшӗ.

Каçăсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем