Вакку Григорий Владиславович

Григорий Вакку
Григорий Вакку
Тӗп информаци
Тулли ячӗ	Григорий Владиславович Вакку
Ҫуралнӑ вӑхӑт	1972 ҫулхи ҫӑвӑн 8-мӗшӗ (54 ҫулта)
Ҫуралнӑ вырӑн	Çĕнçырма, Тăвай районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Патшалӑх	СССР; Раҫҫей Федерацийӗ;
Профессисем	музыкант, журналист, педагог, общество ӗҫченӗ
Ӗҫӗ-хӗлӗн ҫулӗсем	1995 — хальхи вӑхӑт
Жанрсем	чăваш эстради
	vk.com/id71465811

Вакку Григорий Владиславович (сцена ҫинчи ячӗ — Григорий Вакку, ҫур. 1972 ҫулхи ҫӑвӑн 8-мӗшӗ, Çĕнçырма, Тăвай районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей эстрада юрăçи, журналист, педагог тата общество ӗҫченӗ. Филологи ӑслӑлӑхӗсен кандидачӗ, доцент. Раҫҫей Журналисчӗсен пӗрлешӗвӗн пайташӗ (1997 ҫултанпа). Мускаври «Чӑваш культура обществи» обществӑлла организацин правленин пайташӗ^[1].

Пурнӑҫӗпе ӗҫӗ-хӗлӗ

1972 ҫулхи ҫу уйӑхӗн 8-мӗшӗнче Чӑваш АССРӗн Тӑвай районӗнчи Ҫӗнҫырма ялӗнче ҫуралнӑ. Эльпуҫ вӑтам шкулӗнче 9 класс вӗренсе пӗтернӗ^[2].

1987 ҫулта Канаш педагогика училищине вӗренме кӗнӗ, 1991 ҫулта вӗҫленӗ. Хыҫҫӑн И. Н. Ульянов ячӗллӗ Чӑваш патшалӑх университечӗн чӑваш филологийӗпе культура факультетӗнче аслӑ пӗлӳ илнӗ (1991—1996). 1998—2000 ҫулсенче Чӑваш патшалӑх университечӗн куҫӑн аспирантуринче вӗреннӗ. 2002 ҫулта филологи ӑслӑлӑхӗсен кандидачӗн ӑслӑлӑх степеньне тивӗҫнӗ. 2006—2009 ҫулсенче Санкт-Петербург патшалӑх университечӗн журналистика факультетӗнче докторантурӑра вӗреннӗ^[1].

1994 ҫулта «Чӑваш ен» патшалӑх телерадиокомпанийӗн Чӑвашрадиовӗн корреспонденчӗ пулса ӗҫлеме пуҫланӑ. 1996 ҫулта Чӑвашрадиовӗн «Каҫхи хыпарсем» редакцийӗн редакторӗ пулнӑ^[2].

1996—2007 ҫулсенче И. Н. Ульянов ячӗллӗ Чӑваш патшалӑх университечӗн журналистика кафедринче ӗҫленӗ: ассистент, кайран аслӑ преподаватель, 2004 ҫултанпа — электронлӑ массӑлла информаци хатӗрӗсем тата реклама кафедрин доценчӗ. 2011 ҫулта кӗске вӑхӑт Чӑваш наци телерадиокомпанийӗн радиовӗн аслӑ редакторӗ пулса ӗҫленӗ. 2011—2014 ҫулсенче И. Я. Яковлев ячӗллӗ Чӑваш патшалӑх педагогика университечӗн коммуникаци технологийӗсен кафедрин доценчӗ^[2].

2016 ҫултанпа Мускаври аслӑ шкулсенче преподаватель пулса ӗҫлет: Мускав финанспа юридици университетӗнче(выр.)чăв. вӗрентнӗ, 2018—2022 ҫулсенче Мускав патшалӑх гуманитари-экономика университечӗн(выр.)чăв. вырӑс чӗлхин, литературин тата журналистикӑн кафедрин доценчӗ пулнӑ, 2022 ҫулхи авӑн уйӑхӗнчен — Мускав политехника университечӗн(выр.)чăв. проект ӗҫӗсен центрӗн доценчӗ тата журналистика тата массӑллӑ коммуникацисен кафедрин доценчӗ^[1].

Григорий Вакку Мускавра 2024 ҫулта «Жар-птица» курав шутӗнче иртнӗ «Тарават Чӑваш Ен» концертӗнче.

Пултарулӑх тата общество ӗҫӗ-хӗлӗ

Г. Вакку шкул ҫулӗсенчех сцена ҫине тухнӑ. Училищӗре вӗреннӗ ҫулсенче студентсен драма кружокне ертсе пынӑ, университетра — студентсен «Шуракăш» эстрада-фольклор ансамблӗн ертӳҫи пулнӑ.

1995—2005 ҫулсенче Чӑваш Республикин тава тивӗҫлӗ ӳнер ӗҫченӗ Анатолий Никитин композитор ертсе пынӑ «Янташ» эстрада шоу-ушкӑнне хутшӑннӑ. Ушкӑнпа Раҫҫейри чӑвашсем нумай пурӑнакан вырӑнсене гастрольсене ҫӳренӗ, конферансье тата юрӑҫ пулнӑ.

2016 ҫултанпа Мускаври «Чӑваш культура обществи» общество организацийӗн ӗҫӗ-хӗлне хастар хутшӑнать, организаци правленин пайташӗ. Мускавра иртекен наци уявӗсен («Кĕр сăри», «Акатуй»), Мускаври Нацисем ҫурчӗн тематикӑллӑ каҫсен ертсе пыраканӗ. Мускаври тата Чӑваш Енри шкулӗсенче, интернатсенче, ватӑсен ҫурчӗсенче, реабилитаци центрӗсенче ыркӑмӑллӑх концерчӗсем парать.

2023 ҫулта Чӑваш чӗлхи кунне тата И. Я. Яковлев ҫуралнӑранпа 175 ҫул тултарнине халалланӑ «Ялан янра, чӑваш чӗлхи! Всегда звени, язык чувашский!» сӑвӑ вулакансен конкурсӗн проекчӗн авторӗ тата жюри пайташӗ пулнӑ.

«Шевле» вокал ансамблӗн ӗҫ-хӗлне хастар хутшӑнать^[3], ушкӑнпа пӗтӗм Раҫҫейри тӗрлӗ фестиваль-конкурссен дипломанчӗ пулнӑ: «Сабантуй» (2022), «Славянка FEST» (2023) тата ытти те.

Мускаври «Чӑваш культура обществи» обществӑлла организаци ҫумӗнче «Тамаша» театр ушкӑнне йӗркеленӗ. 2026 ҫулхи ҫу уйӑхӗн 14-мӗшӗнче Григорий Вакку режиссёр пулса лартнӑ «Ашкӑнчӑк инкесем» спектакль премьери иртнӗ.

Артист Чӑваш Республикинчи ял-хуласене^[4], ҫӗршыври чӑвашсем йышлӑ пурӑнакан регионсене тӑтӑш гастрольсене ҫӳрет, туй тата ҫуралнӑ кунсене ирттерме хутшӑнать.

Юррисем

Тӑватӑ магнитоальбом авторӗ.

Паллӑ юррисем: «Куçусем, сан куçусем», «Пайлар-и шăпчăк юррине?», «Пӗр сана», «Саватăп сана», «Хусахсем», «Шăнкăрав курăкĕ», «Шăпа», «Шур лантӑш», «Юнашар», «Юр çăвать», «Юрăсен пуххи», «Тӑкӑнать куҫҫуль»^[5] тата ыттисем.

Дуэтпа Елена Кузьмина («Аса ил-ха», «Санăн куçсем», «Хамăр ялта шик-шик»), Любовь Афанасьева («Кӗлчечек», «Тополь айӗнче», «Çăлкуç»), Любовь Гордеева («Юрату ҫӑмхи», «Мӑшӑрӑм», «Эпӗ санӑн телейӳ») юрӑҫсемпе юрлать^[5].

Юррисен сӑмахӗсен авторӗсем: Елена Фомина, Марина Вакку, Раиса Сарпи.

Кӗвӗлекенсем: Елена Кузьмина, Алина Михайлова.

Ӑслӑлӑх ӗҫӗ-хӗлӗ

Г. В. Вакку — 80 ытла ӑслӑлӑх, ӑслӑлӑхпа меслетлӗх ӗҫӗн авторӗ, вӗсен хушшинче монографи, вӗрентӳ пособийӗсем тата ӑслӑлӑх статйисем. Культура, чӑваш чӗлхи, чӑваш литератури тата журналистика ыйтӑвӗсемпе халалланӑ ӑслӑлӑх конференцисенче тата симпозиумсенче тӗрлӗрен докладсемпе хутшӑнать^[1].

Ӗҫӗсем

Возникновение и становление радиовещания в Чувашской Республике (1920—1941 гг.) : автореф. дис. на соиск. учен. степ. канд. филол. наук : Спец. (10. 01. 10) — Журналистика / Г. В. Вакку. — Санкт-Петербург, 2002. — 21 с.;
Возникновение и становление радиовещания в Чувашской Республике (1920—1941 гг.) : [монография] / Г. В. Вакку. — Чебоксары : Изд-во ЧГ, 2007. — 167 с.;
История чувашского радиовещания : учебное пособие / Г. В. Вакку, 2002. — Чебоксары. — 95 с., [4] л. фот. с.;
«Экономика и менеджмент средств массовой информации»;
«Связи с общественностью»;
«Современная пресс-служба»^[1].

Хисепӗсем

Чӑваш Республикинчи спорт журналисчӗсен «Спорт стилӗ» конкурс ҫӗнтерӳҫи («Пӗр тан шайри спорт» номинацире, 2013)^[6];
Чӑваш Республикин Культура, национальнӑҫсен ӗҫӗсен тата архив ӗҫӗн министерствин Тав хучӗ (2021);
Чӑваш Республикин Патшалӑх Канашӗн Хисеп хучӗ (2022);
Чӑваш Республикин районӗсен ентешлӗхӗсен ертӳҫисен канашӗн «Ентешлӗх умӗнчи тава тивӗҫлӗ ӗҫсемшӗн» медалӗ (2022);
Чӑваш Республикин Пуҫлӑхӗн Тав ҫырӑвӗ (2023).

Ҫемье

Авланнӑ. Мӑшӑрӗ — Вакку Марина Ивановна, Чӑваш Республикин тава тивӗҫлӗ вӗрентекенӗ.
Ывӑлӗ — Саша.
Мӑнукӗ — Денис.

Ӑнлантарусем

^ ¹^,²^,³^,⁴^,⁵ Вакку, Григорий Владиславович (журналист; 08.05.1972) (выр.). Наследие Чувашии. Пӑхнӑ кун: 2026 ҫулхи ҫӗртмен 23-мӗшӗ.
^ ¹^,²^,³ Энциклопедия Янтиковского района: Вакку Григорий Владиславович (выр.). Цифровая библиотека НБ ЧР. Пӑхнӑ кун: 2026 ҫулхи ҫӗртмен 23-мӗшӗ.
^ РОО «Общество чувашской культуры». Концерт чувашского ансамбля «Шевле», посвящённый Дню чувашского языка (выр.). Московский дом национальностей (25 акан 2026). Пӑхнӑ кун: 2026 ҫулхи ҫӗртмен 23-мӗшӗ.
^ В гостях Григорий Вакку и его друзья (выр.). Канашский муниципальный округ Чувашской Республики (11 пушӑн 2014). Пӑхнӑ кун: 2026 ҫулхи ҫӗртмен 23-мӗшӗ.
^ ¹^,² Григорий Вакку (выр.). chmedia.ru. Пӑхнӑ кун: 2026 ҫулхи ҫӗртмен 23-мӗшӗ.
^ Преподаватель ЧГПУ – победитель республиканского конкурса среди журналистов (выр.). Официальный портал органов власти Чувашской Республики (15 кӑрлачӑн 2013). Пӑхнӑ кун: 2026 ҫулхи ҫӗртмен 25-мӗшӗ.

Вуламалли

Вакку, Г. «Сердючкӑпа танлаштарни тата тӑрӑшма хистет» / Г. Вакку ; В. Александрова ҫырса илнӗ // Сувар (Тутарстан). — 2011. — 28 кӑрлач (№ 4). — С. 2.
Вакку, Г. «Хӗрарӑма ачашлӑх ҫитмест» / Г. Вакку ; М. Ильина ҫырса илнӗ // Чӑваш хӗрарӑмӗ. — 2001. — 28 ака. — С. 1, 4.
Гурьева, М. Пултаруллӑ педагог, журналист тата юрӑҫ / М. Гурьева // Ял ӗҫченӗ (Тӑвай районӗ). — 2001. — 20 ноябрь.
Кайсарова, Р. Пултаруллисенчен пӗри / Р. Кайсарова // Ял ӗҫченӗ (Тӑвай районӗ). — 2001. — 20 пуш.
Никитина, А. Пултаруллӑ ӑсчах, артист, йӗркелӳҫӗ : [Мускаври гуманитарипе экономика патшалӑх университетӗнче ӗҫлекен Григорий Вакку ҫинчен] / А. Никитина // Ял ӗҫченӗ. — 2022. — 13 май (№ 18). — С. 3 : сӑн ӳкерчӗк.
Саншӑн ҫеҫ… // Чувашия сегодня. — 2001. — 21 мая (№ 4). — С. 4.
Сорокина, М. Ялта та шӑранчӗҫ юррисем / М. Соркина // Ял ӗҫченӗ (Тӑвай районӗ). — 2022. — 10 июнь (№ 22). — С. 6 : сӑн ӳкерчӗк.
Вакку, Г. Григорий Вакку: «Хочу и буду жить в Чебоксарах» / Г. Вакку // Молодежный курьер. — 2003. — 28 мая — 3 июня (№ 21). — С. 15.
Вакку, Г. Сестра Верки Сердючки прописалась в Чебоксарах / Г. Вакку // Молодежный курьер. — 2005. — 1 апр. (№ 11). — С. 15.
Вакку Григорий Владиславович // Энциклопедия чувашской журналистики и печати. — Чебоксары, 2014. — С. 51-52.
Филиппова, Э. В. Вакку Григорий Владиславович / Э. В. Филиппова // Энциклопедия Янтиковского района. — Чебоксары, 2020. — С. 80.

Каҫӑсем

Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

[:0-1] ¹^,²^,³^,⁴^,⁵ Вакку, Григорий Владиславович (журналист; 08.05.1972) (выр.). Наследие Чувашии. Пӑхнӑ кун: 2026 ҫулхи ҫӗртмен 23-мӗшӗ.

[:1-2] ¹^,²^,³ Энциклопедия Янтиковского района: Вакку Григорий Владиславович (выр.). Цифровая библиотека НБ ЧР. Пӑхнӑ кун: 2026 ҫулхи ҫӗртмен 23-мӗшӗ.

[3] РОО «Общество чувашской культуры». Концерт чувашского ансамбля «Шевле», посвящённый Дню чувашского языка (выр.). Московский дом национальностей (25 акан 2026). Пӑхнӑ кун: 2026 ҫулхи ҫӗртмен 23-мӗшӗ.

[4] В гостях Григорий Вакку и его друзья (выр.). Канашский муниципальный округ Чувашской Республики (11 пушӑн 2014). Пӑхнӑ кун: 2026 ҫулхи ҫӗртмен 23-мӗшӗ.

[:2-5] ¹^,² Григорий Вакку (выр.). chmedia.ru. Пӑхнӑ кун: 2026 ҫулхи ҫӗртмен 23-мӗшӗ.

[6] Преподаватель ЧГПУ – победитель республиканского конкурса среди журналистов (выр.). Официальный портал органов власти Чувашской Республики (15 кӑрлачӑн 2013). Пӑхнӑ кун: 2026 ҫулхи ҫӗртмен 25-мӗшӗ.

[1]

[2]

[3]

[4]

[5]

[6]