Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Лекеров Сергей Геннадьевич

Лекеров Сергей Геннадьевич (сцена ҫинчи ячӗ — Сергей Лекеров, ҫур. 1991 ҫулхи чӳкӗн 28-мӗшӗ, Çĕнĕ Ахпӳрт, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, Патăрьел районĕ, СССР) — Раҫҫей эстрада юрăçи.

Пурнӑҫӗпе ӗҫӗ-хӗлӗ

1991 ҫулхи чӳк уйӑхӗн 28-мӗшӗнче Чӑваш Республикин Патӑрьел районӗнчи Ҫӗнӗ Ахпӳрт ялӗнче ҫуралнӑ. Ҫӗнӗ Ахпӳрт пӗтӗмӗшле пӗлӳ паракан тӗп шкултан 2007 ҫулта вӗренсе тухнӑ. Патӑрьелти музыка шкулӗнче вӗреннӗ[1].

2007 ҫулта Шупашкар культура училищине вӗренме кӗнӗ. 2010—2011 ҫулсенче Раҫҫей Ҫарӗнче Ҫурҫӗр Кавказ ҫар округӗнче(выр.)чăв. хӗсметре пулнӑ[2]. Ҫартан таврӑнсан 2012 ҫулта училищерен вӗренсе тухнӑ. 2012—2017 ҫулсенче Чӑваш патшалӑх культурӑпа ӳнерсен институтне вӗренсе аслӑ пӗлӳ илнӗ.

2014 ҫултанпа харпӑр концерт ӗҫӗ-хӗлӗпе тӑрӑшать: пайӑррӑн концертсем йӗркелет[3], ытти юрӑҫсем ирттерекен мероприятисене хутшӑнать.

undefined

Пултарулӑх

«Оппа, чиперкке» (2016), «Алтӑр ҫӑлтӑр» (2020) альбомсем кӑларнӑ[4].

Пӗччен юрлакан юррисем: «Батыревора», «Эп — хусах», «Оппа, чиперкке», «Карамель», «Лӑплантар чуптуса», «Буква Ю — Юрату», «Шăпа», «Топ хӗрача», «Кук тĕрри», «Тарăн авăр», «Йӗкӗтсем», «Сан валли», «Лейла», «Ҫавăрар-и?», «18-та», «Тамаша», «Туслăн юрлар», «Упраймарăм», «Эс илемлӗ теҫҫӗ», «Ди-ри-ди», «Ман чиперкке», «Арăм ман», «Кай Ивана», «Кирлӗ мар», «Мала тухса ташла», «Натали», «Туйăмпа», «Уйрăлу», «Шăнкӑрав курăкӗ», «Çуркунне»[5], «Анне», «Пӗчӗк хӗрӗм», «Авланчӗ», «Манран тараймӑн», «Юратап сана», «Princess»[4] тата ыттисем.

Репертуарӗнче ҫавӑн пекех ытти юрӑҫсемпе дуэтпа юрлаканнисем пур: «Чун çунтармăш» (Сергей Лекеров, Дипендра Мани), «Çамрăклăх ман», «Бриллиант» (Сергей Лекеров, Денис Павлов), «Эсӗ тусăм» (Полина Борисова, Сергей Лекеров), «Дерзкая» (Ольга Семёнова, Сергей Лекеров), «Ташша яр» (Сергей Лекеров, Лариса Фёдорова), «Çук, юрамасть» (Дмитрий Лукиянов, Сергей Лекеров), «Елчӗк — Патӑрьел» (Сергей Лекеров, Данила Зайцев), «Шутламанччӗ» (Сергей Лекеров, Александр Васильев)[5] тата ыттисем.

Чылай юрӑ сӑмахӗсен тата кӗввисен авторӗ[2].

Артист Чӑваш Республикинчи ял-хуласене[6], ҫӗршыври чӑвашсем йышлӑ пурӑнакан регионсене тӑтӑш гастрольсене ҫӳрет, туй тата ҫуралнӑ кунсене ирттерме хутшӑнать[7].

Ҫитӗнӗвӗсем

  • Республикӑри чӑваш эстрада юрӑҫисен «Вирьял шевлисем» фестиваль-конкурсӗн Гран-прийӗ (2014);
  • Пӗтӗм чӑвашсен «Кӗмӗл сасӑ» фестиваль-конкурсӗн Гран-прийӗ (2014)[1][8][9].

Интернетра

Интернетра тӗрлӗ ушкӑнсенче, сайтсенче юлташӗсемпе пӗрле ӳкернӗ «ХамОр ялсем» шӳтлӗ кӗске видеофильмсем вырнаҫтарать, унта тӗп рольсене вылять[10].

«Батыревора»[11], «Елчӗк — Патӑрьел»[12] тата ытти юррисемпе ӳкернӗ клипсене интернетра пин-пин ытла ҫын пӑхать.

Ҫемье

  • Ашшӗ — Лекеров Геннадий Николаевич.
  • Амӑшӗ — Лекерова Валентина Ивановна.
  • Аппӑшӗ — Альбина.
  • Мӑшӑрӗ — Екатерина.
  • Хӗрӗ — Ева.

Обществӑлла ӗҫӗ-хӗлӗ

  • Патӑрьел районӗнче ҫуралса ӳснисен ентешлӗхӗн ӗҫ-хӗлне хастар хутшӑнать.
  • Ятарлӑ ҫар операцийӗ(выр.)чăв. валли укҫа-тенкӗ пухас тӗллевпе йӗркелекен ыркӑмӑллӑх концерчӗсене[13][14], ҫавӑн пекех ытти ыркӑмӑллӑх концерчӗсене хутшӑнать.

Кӑсӑклану

  • Мӗн ачаран севок сухан ӳстерес ӗҫре ашшӗ-амӑшне пулӑшнӑ, вӗсен ӗҫне малалла тӑсать[2].
  • Шкулта чухне Ҫӗнӗ Ахпӳрт шкулӗн хоккей командинче вылянӑ, шкул хыҫҫӑн та ялти «Олимп» командишӗн вылянӑ[2].

Ӑнлантарусем

  1. ^ 1, 2 Дарья Кошкина. Певец Сергей Лекеров о шоу-бизнесе в Чувашии: «На организацию сольного концерта уходит 150 тысяч рублей» (выр.). Сетевое издание «www.pg21.ru» (30 акан 2021). Пӑхнӑ кун: 2026 ҫулхи ҫӗртмен 17-мӗшӗ.
  2. ^ 1, 2, 3, 4 Альбина Юрату. 88 интервью(чăв.). — Шупашкар: Ҫӗнӗ Вӑхӑт, 2020. — 476. — С. 418—422.
  3. ^ Сергей Лекеров. Сольный концерт (выр.). geometria.ru. Пӑхнӑ кун: 2026 ҫулхи ҫӗртмен 17-мӗшӗ.
  4. ^ 1, 2 Сергей Лекеров (выр.). Звук. Пӑхнӑ кун: 2026 ҫулхи ҫӗртмен 17-мӗшӗ.
  5. ^ 1, 2 Сергей Лекеров (выр.). chmedia.ru. Пӑхнӑ кун: 2026 ҫулхи ҫӗртмен 17-мӗшӗ.
  6. ^ 10 марта в Старочелны-Сюрбеевском СДК прошёл благотворительный концерт в поддержку участников СВО (выр.). МБУК «ЦКС» Комсомольского района Чувашской Республики. Пӑхнӑ кун: 2026 ҫулхи ҫӗртмен 17-мӗшӗ.
  7. ^ Андрей Андреев. Сколько стоят выступления звезд чувашской эстрады на новогоднем корпоративе (выр.). Сетевое издание «www.pg21.ru» (25 раштавӑн 2023). Пӑхнӑ кун: 2026 ҫулхи ҫӗртмен 17-мӗшӗ.
  8. ^ «Кӗмӗл сасӑра» Сергей Лекеров ҫӗнтернӗ. Чӑваш халӑх сайчӗ (15 акан 2014). Пӑхнӑ кун: 2026 ҫулхи ҫӗртмен 17-мӗшӗ.
  9. ^ «Серебряный голос» Чувашии — Советская Чувашия (выр.). sovch.chuvashia.com. Пӑхнӑ кун: 2026 ҫулхи ҫӗртмен 23-мӗшӗ.
  10. ^ Галина Никитина. «ХамОр ялсем» скетчком. Чӑваш халах сайчӗ (5 чӳкӗн 2015). Пӑхнӑ кун: 2026 ҫулхи ҫӗртмен 17-мӗшӗ.
  11. ^ Сергей Лекеров «Батыревора». VK Видео. Пӑхнӑ кун: 2026 ҫулхи ҫӗртмен 15-мӗшӗ.
  12. ^ Сергей Лекеров & Данила Зайцев «Елчĕк—Патăрьел» (выр.). VK Видео. Пӑхнӑ кун: 2026 ҫулхи ҫӗртмен 17-мӗшӗ.
  13. ^ В рамках Дней чувашской культуры в Казани прошёл концерт в поддержку СВО (выр.). Информационный центр Дома дружбы народов Татарстана (7 юпан 2025). Пӑхнӑ кун: 2026 ҫулхи ҫӗртмен 17-мӗшӗ.
  14. ^ Татьяна Васильева. Звёзды чувашской эстрады провели концерт в поддержку участников СВО (выр.). Cетевое издание «Чувашинформ.рф» (28 чӳкӗн 2022). Пӑхнӑ кун: 2026 ҫулхи ҫӗртмен 17-мӗшӗ.

Каçăсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем