Кузнецов Андрей Геннадьевич

1981 ҫулхи юпа уйӑхӗн 2-мӗшӗнче Чӑваш Республикин Сӗнтӗрвӑрри районӗнчи Акшик ялӗнче ҫуралнӑ^[1].

Сӗнтӗрвӑрри районӗнчи Октябрьски пӗтӗмӗшле пӗлӳ паракан вӑтам шкулне, Шупашкарти апат-ҫимӗҫ технологийӗн тата коммерци техникумне (1999) вӗренсе пӗтернӗ. Раҫҫей социаллӑ патшалӑх университетӗнче(выр.)чăв. (2008) аслӑ пӗлӳ илнӗ^[1].

2004—2015 ҫулсенче харпӑр предприниматель пулнӑ.

2015—2020 ҫулсенче Сӗнтӗрвӑрри районӗн 6-мӗш суйлаври депутатсен пухӑвӗн депутачӗ пулнӑ^[2].

2016 ҫулта Кузнецовсем Чӑваш Республикинчи «Ҫулталӑкри ҫемье» конкурсра «Чи пултаруллӑ ҫемье» номинацире ҫӗнтернӗ^[3].

2015 ҫулта Пӗрремӗш каналти «Поле чудес» вӑййа хутшӑннӑ^[3].

Шкулта вӗреннӗ чухне шкул хорӗнче юрланӑ, концертсене хутшӑннӑ^[4].

Эстради сцени ҫине пуҫласа 2008 ҫулта тухнӑ^[4].

Анлӑ сарӑлнӑ юррисем: «Ҫуралнӑ кун», «Кӳршӗсем», «Телей», «Юратнӑ Чӑваш Ен», «Ҫамрӑк ӗмӗр», «Акатуй», «Ан кӗттерччӗ, тусӑм», «Анне», «Вӗҫ», «Икӗ ҫыран», «Манӑҫми тус-тӑван», «Пӗртӑвансем», «Пурнӑҫ», «Салам, савни!», «Сарӑ чечексем», «Тӑван ял», «Тӗлӗкри сӑнар», «Туянаймӑн ыранхи куна», «Хӗрарӑмра тӗнче илемӗ», «Чи хӑватлӑ туйӑм — юрату», «Шурӑ акӑш», «Шурӑ сирень ҫеҫкисем», «Ҫӗнӗ ҫул!», «Ытарайми тӑванӑмсем», «Эс илтсемччӗ», «Юбилей 50 ҫул», «Юрататӑп сана», «Юрату — ҫуркунне»^[5] тата ыттисем те.

Мӑшӑрӗпе Алевтина Кузнецовапа («Юрату чечекӗ»), ҫавӑн пекех Валентина Кузнецова («Паян эс ман», «Хӗвелсӗр уйӑх»), Вера Николаева («Салам, салам»), Ирина Музыкантова («Чунӑмҫӑм», «Ҫӗнӗ ҫул»)^[5] тата ытти юрӑҫсемпе дуэтпа юрлать.

Максим ывӑлӗ 3 ҫултах ашшӗпе пӗрле сцена ҫине тухма пуҫланӑ, Ҫӗнӗ Шупашкарти музыка шкулне вӗренсе пӗтернӗ^[6].

Артист Чӑваш Республикинчи ял-хуласене, ҫӗршыври чӑвашсем йышлӑ пурӑнакан регионсене тӑтӑш гастрольсене ҫӳрет, туй тата ҫуралнӑ кунсене ирттерме хутшӑнать^[7].

Сертификациленнӗ тренер, динамикӑллӑ хастар медитацисен инструкторӗ пулса тӑрӑшать.

• Чӑваш наци конгресӗн Хисеп хучӗ (2013, 2015);
• Ф. П. Павлов ячӗллӗ медаль (2015);
• Чӑваш Республикин Культура, национальнӑҫсен ӗҫӗсен тата архив ӗҫӗн Хисеп хучӗ (2016);
• Чӑваш Республикин Пуҫлӑхӗн Тав хучӗ (2017);
• «Чӑваш автономи облаҫне туса хунӑранпа 100 ҫул» медаль (2021)^[8].

• Ашшӗ — Кузнецов Геннадий Ильич.
• Амӑшӗ — Кузнецова Юлия Николаевна^[1].
• Ҫемьере тӑватӑ ывӑл ҫитӗннӗ: Сергей, Евгений, Андрей, Алексей.
• Пиччӗшӗ — Евгений Кузнецов, чӑваш эстрадин юрӑҫи, продюсерӗ^[7].
• Мӑшӑрӗ — Алевтина Вячеславовна^[3].
• Ывӑлӗ — Максим.
• Хӗрӗ — Ульяна.
• Ывӑлӗ — Матвей.
• Ывӑлӗ — Платон^[6].

• 2013—2020 ҫулсенче Сӗнтӗрвӑрри районӗнче ҫуралса ӳснисен «Сӗнтӗр ен» ентешлӗхӗн ертӳҫи пулнӑ^[9].
• Чӑваш Республикинчи Ентешлӗхсен канашӗн ертӳҫин ҫумӗ пулнӑ^[1].
• «Эстрада артисчӗсен пӗрлӗхӗ» обществӑлла пӗрлӗхӗн вице-президенчӗ^[1].
• Чӑваш наци конгресӗн Мӑн канашӗн пайташӗ пулнӑ.
• Ятарлӑ ҫар операцийӗ(выр.)чăв. валли укҫа-тенкӗ пухас тӗллевпе йӗркелекен ыркӑмӑллӑх концерчӗсене, ҫавӑн пекех ытти ыркӑмӑллӑх концерчӗсене хутшӑнать^[3].

• Андрей Кузнецов юррисем
• Андрей Кузнецов юррисем
• Тӗлпулу

Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ».