Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Степанова Роза Витальевна

РУВИКИ-ре ҫак хушаматлӑ ытти ҫынсем пирки те статьясем пур: Степанова.

Степанова Роза Витальевна (сцена ҫинчи ячӗ — Роза Степанова, Роза Кӗлчечек, ҫур. 1961 ҫулхи чӳкӗн 9-мӗшӗ, Шемшер, Шупашкар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — чăваш эстрада юрăçи, Чӑваш Республикин халӑх ӳнер промыслисен ӑсти. Чăваш Республикин тава тивӗçлӗ культура ӗҫченӗ (2022).

Чӑваш Республикин ал ӗҫ ӑстисен гильдийӗн пайташӗ, Чăваш Республикинчи композиторсен ассоциацийӗн — пултарулӑх пӗрлӗхӗн пайташӗ.

Пурнӑҫӗпе ӗҫӗ-хӗлĕ

1961 ҫулхи чӳк уйӑхӗн 9-мӗшӗнче Шупашкар районӗнчи Шемшер ялӗнче ҫуралнӑ.

И. Н. Ульянов ячӗллӗ Чӑваш патшалӑх университечӗн чӑваш филологийӗпе культура факультетне вӗренсе пӗтернӗ (2008).

«АББ Реле-Чебоксары» предприятире монтажникра тата «Бреслер» тӗпчев центрӗнче, К. Иванов ячӗллӗ Чӑваш патшалӑх академи драма театрӗнче администраторта, Ҫеҫпӗл Мишши ячӗллӗ Чӑваш патшалӑх ҫамрӑксен театрӗнче тӗп администраторӗнче[1] ӗҫленӗ.

2014 ҫултанпа шӑрҫаран тата укҫаран чӑваш наци эрешӗ-капӑрне (хушпу, тухья, ҫyxa, пиҫиххи, хӑлха ҫакки, алка, сулӑ, ама, шӳлкеме) ӑсталассипе ӗҫлет[2]. Чӑваш халӑхӗн историйӗпе культурине тӗпчет, ҫамрӑксене чӑваш культурипе паллаштарать, шӑрҫаран капӑрсем ӑсталассипе Чӑваш Енре тата унӑн тулашӗнче (Питӗр, Мускав, Чулхула, Беларуҫ, Пушкӑртстан, Тутарстан тата ытти ҫӗрте те) мастер-классем ирттерет.

Чӑваш Республикин ремесленниксен гильдийӗ ирттерекен мероприятисене, Пӗтӗм Раҫҫейри тата республикӑри тӗрлӗ фестиваль-конкурссене тата ҫавӑн пекех Республика тата Шупашкар хулин кунӗсене, Акатуй, Чӑваш Енри районсен ентешлӗхӗсен уявӗсене тата ытти мероприятисене те хӑйӗн изделийӗсен куравӗпе хутшӑнать.

Чӑваш Республикин Пуҫлӑхӗн 2022 ҫулхи пуш уйӑхӗн 29-мӗшӗнчи 38-мӗш хушӑвӗпе Степанова Роза Витальевна «Чӑваш Республикин тава тивӗҫлӗ культура ӗҫченӗ» хисеплӗ ята тивӗҫнӗ[1].

Хисепӗсем

  • Чăваш Республикин тава тивӗçлӗ культура ӗҫченӗ (2022);
  • Чӑваш Республикин Культура, национальноҫсен ӗҫӗсен тата архив ӗҫӗн министерствин Хисеп грамоти;
  • Раҫҫей Федерацийӗн Культура министерствин Хисеп грамоти;
  • Беларуҫ Республикин Культура министерствин Хисеп грамоти;
  • Пушкӑртстан Республикинчи хӗрарӑмсен союзӗн Хисеп грамоти;
  • Чӑваш Республикин Суту-илӳпе промышленноҫ палатин Хисеп грамоти;
  • Крым Республикин Культура министерствин Хисеп грамоти;
  • Раҫҫей халӑхӗсен Ассамблейин дипломӗ (2004);
  • Пӗтӗм чӑвашсен эстрада юррисен II «Кӗмӗл сасӑ» фестиваль-конкурсӗн III степеньлӗ дипломӗ (2001);
  • «Чувашия ремесленная» республика конкурсӗн ҫӗнтерӳҫи (раштав, 2024)[3];
  • Пӗтӗм Раҫҫейри «Русь мастеровая» конкурс Гран-прийӗ (2025)[4].

Пултарулӑх

Юрӑсем

Роза Степанова репертуарӗнче 200-е яхӑн юрӑ. Паллӑраххисем:

«Ҫичӗ чӳрече», «Пулӑпӑр-ха пӗрле», «Шухӑшӑм», «Мӗнле пурӑнатӑн вара?», «Хӗвелҫаврӑнӑш», «Шурӑ хурӑн», «Акӑш», «Анчах», «Юрату сӳнмерӗ», «Тӑван хуламӑрШупашкарӑм», «Силпи чечекӗ», «Атӑлпа Ҫавал ытамӗнче», «Пӗр сана савас килет», «Юрататӑп эп, тусам, сана», «Ӑҫта-ши халь ҫав ҫуркунне?», «Манса кайрӑн пуль», «Чечексем», «Кӗмӗл каҫ», «Чӗрӗ чечексем», «Ах, юрату, юрату», «Иккӗн утнӑ ҫулсем», «Ҫуралнӑ ялӑм — ман сӑпка», «Вӑхӑт — хуҫа», «Парнелесчӗ телей ҫынсене», «Ытарми Шупашкар», «Ах, савни, савниҫӗм», «Салам кӗтет тӑван», «Чанлӑх юрри» тата ыттисем те.

Ун юррисене кӗвӗленӗ композиторсем

Светлана Асамат, Валерий Ильдяков, Александр Павлов, Юрий Жуков, Владимир Александров, Николай Карлин, Рудольф Никитин, Николай Никоноров, Виталий Романов, Людмила Кинер, Василий Филиппов, Филипп Лукин, Александр Сергеев, Олег Кӑйкӑр, Пётр Романов, Сергей Королев (Беларуҫ) тата ыттисем те.

Юррисен сӑмахӗсен авторӗсем

Василий Давыдов-Анатри, Юрий Сементер, Светлана Асамат, Раиса Сарпи, Юхма Мишши, Валентин Урташ, Валерий Кошкин, Николай Ишентей, Галина Матвеева, Улькка Эльмень, Николай Карлин, Альбина Юрату, Светлана Васильева, Галина Сугутская, Гурий Дубров, Ольга Архипова тата ыттисем те.

Ҫемье

Ашшӗ — Ильин Виталий Ильич, амӑшӗ — Ильина Клавдия Ивановна.

Икӗ ача ҫитӗнтернӗ: Надежда, Владимир.

Ӑнлантарусем

  1. ^ 1, 2 Коллектив ТЮЗа поздравляет с заслуженной наградой Розу Степанову (выр.). Сайт Министерства культуры, по делам национальностей и архивного дела Чувашской Республики. Официальный портал органов власти Чувашской Республики (30 пушӑн 2022). Пӑхнӑ кун: 2025 ҫулхи утӑн 23-мӗшӗ.
  2. ^ Национальные головные убора, нашейные украшения (выр.). visit-chuvashia.ru. Пӑхнӑ кун: 2025 ҫулхи утӑн 23-мӗшӗ.
  3. ^ В республике подвели итоги конкурса среди мастеров народного творчества "Чувашия ремесленная" (выр.). Информационный сайт столицы Чувашии Чебоксары.ру (5 чӳкӗн 2024). Пӑхнӑ кун: 2025 ҫулхи утӑн 23-мӗшӗ.
  4. ^ Глава Чувашии Олег Николаев жителям республики: Все успехи и достижения Чувашии - наша общая заслуга (выр.). Портал органов власти Чувашской Республики (24 ҫӗртмен 2025). Пӑхнӑ кун: 2025 ҫулхи утӑн 23-мӗшӗ.

Каçăсем

Темӑпа ҫыхӑннисем

Категорисем