Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Пугач Денис Николаевич

Пугач Денис Николаевич (сцена ҫинчи ячӗ — Денис Пугач, ҫур. 1991 ҫулхи авӑнӑн 18-мӗшӗ, Минск, Беларуҫ) — Раҫҫей чӑваш эстрада юрӑҫи.

Пурнӑҫӗпе ӗҫӗ-хӗлӗ

1991 ҫулхи авӑн уйӑхӗн 18-мӗшӗнче Беларуҫ Республикин тӗп хулинче Минскра ҫуралнӑ. 1993 ҫулта, икӗ ҫулта чухне, Чӑваш Республикин Канаш районӗнчи Малтикасси ялне куҫса килнӗ[1].

Канаш районӗнчи Ҫеҫпӗл пӗтӗмӗшле пӗлӳ паракан вӑтам шкулне, Н. В. Никольский ячӗллӗ Шупашкар педагогика колледжне (2011) вӗренсе пӗтернӗ[1].

2011 ҫултанпа харпӑр концерт ӗҫӗ-хӗлне йӗркелесе пырать.

Пултарулӑх

Пӗрремӗш концертне 2013 ҫулхи юпа уйӑхӗн 13-мӗшӗнче Шупашкарти Трактор тӑвакансен культура керменӗнче Алина Фёдоровапа пӗрле ирттернӗ[1].

Юррисем: «Телейӗм», «Эс манран тараймӑн», «Эс нумай, нумай», «Ан ман эс мана», «Пурнӑҫ ани», «Юлашки хут»[2] тата ыттисем.

Ытларах Алина Фёдоровапа дуэтпа юрлать: «Ӗҫ ҫынна илем кӳрет», «Санран хакли ҫук», «Уйӑх», «Юратать — юратмасть», «Сан валли», «Тепӗр хут юрату ҫинчен», «Юратнӑ Шупашкар», «Ай-яй-яй», «Юрату турри»[2] тата ыттисем. Ҫавӑн пекех Алексей Московский, Любовь Афанасьева, Катя Петрова, Андрей Кузнецов юрӑҫсемпе дуэтпа юрлать.

«Пурнӑҫ ани» тата «Пирӗн юрӑ» (Алина Фёдоровапа пӗрле) альбомсем кӑларнӑ[3].

Юррисен авторӗ — Алина Фёдорова.

undefined

Ҫитӗнӗвӗсем

  • «Ҫеҫпӗл йыхравӗ», «Ҫеҫпӗл кӑвайчӗсем» конкурс-фестивальсен лауреачӗ;
  • Михаил Живагин ячӗллӗ ҫамрӑк юрӑҫсен конкурсӗн лауреачӗ;
  • Республикӑри чӑваш эстрада юрӑҫисен «Вирьял шевлисем» фестиваль-конкурсӗн лауреачӗ;
  • Пӗтӗм чӑвашсен «Кӗмӗл сасӑ» фестиваль-конкурсӗн I степеньлӗ лауреачӗ («Ан ман эс мана» юрӑпа, 2009)
  • «Канаш ен», «Янра, юрӑ» конкурссен лауреачӗ;
  • «Ҫамрӑк талантсем» конкурс лауреачӗ (2010);
  • Ҫамрӑк дирижёрсен республика конкурсӗн лауреачӗ (2010)[1].

Ҫемье

  • Ашшӗ — Пугач Николай Антонович.
  • Амӑшӗ — Пугач Любовь Григорьевна.
  • Пиччӗшӗ — Николай, ятарлӑ ҫар операцийӗнче(выр.)чăв. пуҫ хунӑ.
  • Пиччӗшӗ — Степанов Александр Вячеславович[1].

Обществӑлла ӗҫӗ-хӗлӗ

  • Чӑваш эстрада артисчӗсен пӗрлӗхӗн пайташӗ.
  • Ятарлӑ ҫар операцийӗнчи(выр.)чăв. ентешсене пулӑшас тӗллевпе ирттерекен ыркӑмӑллӑх концерчӗсене хутшӑнать[1].

Ӑнлантарусем

  1. ^ 1, 2, 3, 4, 5, 6 Пугач Денис Николаевич. Чӑваш халӑх сайчӗ. Пӑхнӑ кун: 2026 ҫулхи авӑнӑн 24-мӗшӗ.
  2. ^ 1, 2 Денис Пугач (выр.). chmedia.ru. Пӑхнӑ кун: 2026 ҫулхи авӑнӑн 24-мӗшӗ.
  3. ^ Альбина Юрату. 88 интервью. — Шупашкар: Ҫӗнӗ Вӑхӑт, 2020. — 476. — С. 200—204.

Каҫӑсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем