Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Александров Вячеслав Леонидович

РУВИКИ-ре ҫак хушаматлӑ ытти ҫынсем пирки те статьясем пур: Александров.

Александров Вячеслав Леонидович (сцена ҫинчи ячӗ — Вячеслав Александров, ҫур. 1966 ҫулхи кӑрлачӑн 30-мӗшӗ, Çĕнĕ Мăнтăр, Вӑрмар районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей чӑваш эстрада юрӑҫи, композитор[1].

Пурнӑҫӗпе ӗҫӗ-хӗлӗ

1966 ҫулхи кӑрлач уйӑхӗн 30-мӗшӗнче Чӑваш АССРӗн Вӑрмар районӗнчи Ҫӗнӗ Мӑнтӑр ялӗнче ҫуралнӑ[1].

Чупай вӑтам шкулне вӗренсе пӗтернӗ (1983). Шкул хыҫҫӑн ҫар хӗсметне тӑриччен ялти культура ҫуртӗнче пултарулӑх ертӳҫи пулса ӗҫленӗ[1].

1984—1986 ҫулсенче Беларуҫре стратеги тӗллевӗллӗ ракета ҫарӗсенче(выр.)чăв. хӗсметре тӑнӑ[1].

1986—1989 ҫулсенче Ҫӗрпӳри культурӑпа ҫутӗҫ училищинче вӗреннӗ[2].

1989—1998 ҫулсенче Чӑваш патшалӑх юрӑпа ташӑ академи ансамблӗнче хор артисчӗ пулса вӑй хунӑ.

Сӗтел-пукан енӗпе харпӑр усламҫӑ пулса тӑрӑшнӑ, 1999 ҫултан харпӑр концерт ӗҫӗ-хӗлне йӗркелесе пынӑ.

2021—2024 ҫулсенче Чӑваш патшалӑх оперӑпа балет театрӗнче сценӑна илемлӗх кӳрекен пулса ӗҫленӗ, 2024 ҫултан — К. В. Иванов ячӗллӗ Чӑваш патшалӑх академи драма театрӗнче[2].

undefined

Пултарулӑх

Шкулта вӗреннӗ чухнех юрӑ-кӗвӗпе кӑсӑкланнӑ. Кӗвӗленӗ пӗрремӗш юррисем: чӑвашли — «Туйӑнать кӑна пуль» (Марина Карягина сӑввипе), вырӑсли — «Достучиться»[2].

Ун юррисене Валентина Михайлова, Света Яковлева, Людмила Семенова, «Уяв» ушкӑн тата ыттисем юрлаҫҫӗ[1].

1999 ҫулхи пуш уйӑхӗнче Шупашкарти «Салют» культура керменӗнче пӗрремӗш харпӑр концертне ирттернӗ[2].

«Юратнӑран» альбом кӑларнӑ[2].

Юррисем: «Аннеҫӗм», «Ман санпа пулас килет», «Пурнӑҫ ҫулне такӑрлатар пӗрле», «Савнӑ тусӑм», «Сан аллу, куҫу, туту»[3] тата ыттисем.

Сцена ҫинче ытларах Валентина Михайловапа дуэтпа юрлать[3], ҫавӑн пекех Света Яковлева, Алина Михайлова юрӑҫсемпе ҫырнӑ дуэтсем пур[2].

Марина Карягина, Владимир Рыбкин, Валентина Тарават, Олег Шайкин, Роза Беляева, Николай Дворов тата ыттисен сӑввисене кӗвве хывнӑ[2].

Ҫемье

  • Ҫемьере тӑваттӑн ҫитӗннӗ: Олег, Николай, Вячеслав, Владимир.
  • Мӑшӑрӗ — Любовь Сергеевна.
  • Ывӑлӗ — Максим[1].

Обществӑлла ӗҫӗ-хӗлӗ

  • «Вӑрмарсем» ентешлӗхӗн ӗҫне хутшӑнать[2].

Ӑнлантарусем

  1. ^ 1, 2, 3, 4, 5, 6 Вячеслав Александров, композитор, звукооператор, арт-менеджер (выр.). mosentesh2.ucoz.ru (13 пушӑн 2009). Пӑхнӑ кун: 2026 ҫулхи авӑнӑн 7-мӗшӗ.
  2. ^ 1, 2, 3, 4, 5, 6, 7, 8 Вячеслав Леонидович Александров Вячеслав Леонидович. Чӑваш халӑх сайчӗ. Пӑхнӑ кун: 2026 ҫулхи авӑнӑн 7-мӗшӗ.
  3. ^ 1, 2 Вячеслав Александров (выр.). chmedia.ru. Пӑхнӑ кун: 2026 ҫулхи авӑнӑн 7-мӗшӗ.

Каҫӑсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Темӑпа ҫыхӑннисем

Категорисем