Егоров Владимир Валериевич
Егоров Владимир Валериевич (сцена ҫинчи ячӗ — Владимир Егоров, ҫур. 1993 ҫулхи акан 19-мӗшӗ, Хĕрлĕ Чутай, Хĕрлĕ Чутай районĕ, Чӑваш Республики — Чӑваш Ен, Раҫҫей Федерацийӗ) — Раҫҫей эстрада юрӑҫи.
Пурнӑҫӗпе ӗҫӗ-хӗлӗ
1993 ҫулхи ака уйӑхӗн 19-мӗшӗнче Чӑваш Республикин Хӗрлӗ Чутай районӗнчи Хӗрлӗ Чутай ялӗнче ҫуралнӑ. Хӗрлӗ Чутай пӗтӗмӗшле пӗлӳ паракан вӑтам шкултан 2010 ҫулта вӗренсе тухнӑ.
2010—2014 ҫулсенче И. Н. Ульянов ячӗллӗ Чӑваш патшалӑх университечӗн экономика факультетӗнче вӗренсе аслӑ пӗлӳ илнӗ.
2014 ҫултан строительство енӗпе харпӑр усламҫӑ пулса ӗҫлет.
Эстрадӑра
Пӗрремӗш юррине 2011 ҫулта ҫыртарнӑ — «Юрататӑп сана» (Николай Казаков кӗвви).
2012 ҫултан юрӑҫ пулса «Чӑваш дискотеки», «Чӑваш parti» проектсене хутшӑннӑ.
2014 ҫулта иккӗмӗш юррине — «Ӑҫта-ши?» (чӑваш халах юррине Владимир Ермов илемлетнӗ) — ҫыртарнӑ.
Чӑваш эстрадине туллин 2017 ҫулта «Мана мар» юрӑпа кӗнӗ[1].
Пӗрремӗш харпӑр концертне 2018 ҫулхи авӑн уйӑхӗн 26-мӗшӗнче Хӗрлӗ Чутайра ирттернӗ.
Юррисем: «Тӗлӗкре», «Нумай ҫилсем», «Хурӑн», «Сарӑ хӗр», «Эпӗ мар», «Ӑҫта-ши?», «Юрататӑп сана»[2], «Уйӑхпи», «Хура куҫ», «Вӑрттӑн юратса», «Килчӗ юрату», «Салтак юрри», «Юратмасан — ҫырсам»[3] тата ыттисем.
Дуэтпа Валентина Кузнецовапа, Анжеликӑпа юрлать.
Валентина Кузнецова, Николай Кушников, Денис Антипов, Людмила Семёнова, Михаил Ӑраскал юрӑҫсемпе Тутарстан тата Пушкӑртстан республикисенчи чӑваш ялӗсенче гастрольсенче пулнӑ, республикӑри тата чӑвашсем йышлӑ пурӑнакан вырӑнсенче концертсемпе пулать.
Юррисене ҫырнӑ чух ытларах Альбина Юрату, Валентина Кузнецова, Ольга Савинова сӑввисемпе усӑ курать, Александр Павлов, Константин Рязанов аранжировщиксемпе ӗҫлет. «Хурӑн» юррин авторӗсем: сӑмахӗсем — Клара Кадыкован, кӗвви — Василий Кадыковӑн.
Ҫитӗнӗвӗсем
- Республикӑри чӑваш эстрада юрӑҫисен «Вирьял шевлисем» фестиваль-конкурсра «Чи лайӑх солист» номинацире 1-мӗш вырӑн (2018)[4].
Ҫемье
- Ашшӗ — Егоров Валерий Владимирович.
- Амӑшӗ — Егорова Марина Владимировна.
- Шӑллӗ — Андрей.
- Ашшӗпе амӑшӗ Николай, Александр, Юрий Симбирёвсене усрава илнӗ, вӗсем те тӑван шӑллӗ вырӑннех.
Обществӑлла ӗҫӗ-хӗлӗ
- 2020 ҫултан Ҫӗнӗ Шупашкар хула депутачӗсен Пухӑвӗн депутачӗн Григорий Михайловӑн пулӑшуҫи пулнӑ.
- Ятарлӑ ҫар операцийӗнчи(выр.)чăв. ентешсене пулӑшас тӗллевпе ыркӑмӑллӑх концерчӗсем йӗркелет, ытти ыркӑмӑллӑх концерчӗсене хутшӑнать[5].
- Хӗрлӗ Чутай районӗнче ҫуралса ӳснисен «Чавал» ентешлӗхӗн ӗҫ-хӗлне хутшӑнать.
Ӑнлантарусем
- ^ Юлия Данилова. Пять хитов звезд чувашской эстрады, которые зажигают танцпол на праздниках (выр.). Сетевое издание «www.pg21.ru» (23 чӳкӗн 2022). Пӑхнӑ кун: 2026 ҫулхи ҫурлан 11-мӗшӗ.
- ^ Владимир Егоров (выр.). chmedia.ru. Пӑхнӑ кун: 2026 ҫулхи ҫурлан 11-мӗшӗ.
- ^ Владимир Егоров - Shazam. Shazam. Пӑхнӑ кун: 2026 ҫулхи ҫурлан 11-мӗшӗ.
- ^ В Аликовском районе прошел XXIII Межрегиональный фестиваль чувашской эстрадной песни «Виръял шевлисем» (выр.). Аликовский муниципальный округ Чувашской Республики (26 ҫӑвӑн 2018). Пӑхнӑ кун: 2026 ҫулхи ҫурлан 11-мӗшӗ.
- ^ Благотворительный концерт в поддержку участников специальной военной операции «Одна страна, Одна семья, Одна Россия» (выр.). Красночетайский муниципальный округ Чувашской Республики (24 акан 2026). Пӑхнӑ кун: 2026 ҫулхи ҫурлан 11-мӗшӗ.
Каҫӑсем
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |
Темӑпа ҫыхӑннисем
 |
|---|
